కంగనా, ది ఫైటర్!

కంగనా రనౌత్ ఏ పార్టీ అన్నది నాకు అనవసరం. సక్సెస్ సైన్స్ పాయింటాఫ్ వ్యూలో ఈ పది వాక్యాలు ఆమె గురించి రాస్తున్నాను...  

ఎక్కడో హిమాచల్ ప్రదేశ్ నుంచి ఒంటరిగా ముంబై వచ్చింది. ఇంగ్లిష్ రాదని బాలీవుడ్‌లో ఎగతాళి చేసారు. భరించింది. అది మొదలుగా... ఇండస్ట్రీలోని ప్రతి ఒక్క సమస్యను ఒంటరిగా, ధైర్యంగా ఎదుర్కొంది. 

వ్యక్తిగత జీవితంలో రిలేషన్‌షిప్స్ సమస్యలను కూడా ఒంటరిగా అధిగమించింది. 

తాను అనుకున్నది సాధించింది.

బాలీవుడ్‌లో ఒక టాప్ రేంజ్ హీరోయిన్ స్థాయికి ఎదిగింది. హీరోయిన్‌గా కలెక్షన్స్ రికార్డ్స్ అప్పట్లోనే సాధించింది. 

హీరోయిన్‌గా నటిస్తూనే - డైరెక్టర్ అయింది. రైటర్ అయింది. ప్రొడ్యూసర్ అయింది.   

పద్మశ్రీ తెచ్చుకొంది. 

3 జాతీయ అవార్డులు, 4 ఫిలిం ఫేర్ అవార్డులు కూడా సాధించింది. 

ప్రొడ్యూసర్‌గా ముంబైలోనే 60 కోట్ల విలువైన సొంత బంగళాలో ప్రొడక్షన్ ఆఫీసు ప్రారంభించింది. 

కంగనా సాధించిన ఈ మైల్‌స్టోన్స్ అన్నింటి వెనుక - తన 15 ఏళ్ల ఫిలిం ఇండస్ట్రీ జీవితపు మర్చిపోలేని అనుభవాలున్నాయి. ఘోరమైన అవమానాలున్నాయి. అంతులేని సంఘర్షణ ఉంది.    

కట్ చేస్తే - 

ఇప్పుడు హీరోయిన్‌గా, ప్రొడ్యూసర్-డైరెక్టర్‌గా... తన ఆస్తులన్నీ తాకట్టు పెట్టి... ఇందిరాగాంధీ పాత్రలో నటిస్తూ... "ఎమర్జెన్సీ" సినిమా భారీగా తీస్తూ... మొన్ననే షూటింగ్ పూర్తిచేసింది కంగనా రనౌత్. 

మరింత పాపులారిటీ, వందల కోట్ల ఆదాయం ఆన్ ది వే...  

దటీజ్ కంగనా, ది ఫైటర్.  

ఒక కొత్త సినిమా, 2 వర్క్‌షాపులు!

ఇప్పుడు నేను చేస్తున్న సినిమా "Yo!" ప్రిప్రొడక్షన్‌లో ఉంది. 

ఫిబ్రవరిలో పాటల రికార్డింగ్ చేస్తున్నాను. నేను అనుకున్న గెస్ట్ కుదిరితే - రికార్డింగ్‌తోనే సినిమా ఓపెనింగ్ చెయ్యాలనుకుంటున్నాను. పక్కాగా "ఇదీ" అని ఇప్పుడే చెప్పలేను. గెస్ట్ ఫిక్స్ అయ్యాకే ఓపెనింగ్ విషయం నిర్ణయం అవుతుంది. 

కట్ చేస్తే -

షూటింగ్‌కి వెళ్లబోయే ముందు - కొత్త ఆర్టిస్టులు, టెక్నీషియన్స్‌కు కనీసం 2 పూర్తిస్థాయి వర్క్‌షాప్స్ ప్లాన్ చేస్తున్నాను. 

ఆ తర్వాతే "Yo!" షూటింగ్. 

సింగిల్ షెడ్యూల్. 

ఫిమేల్ లీడ్ కోసం షార్ట్ లిస్ట్ పూర్తయిపోయింది. అప్పుడప్పుడూ హీరోయిన్స్ ప్రాబబుల్స్ ఫోటోలు పోస్ట్ చేస్తున్నా కాని, నా మైండ్‌లో ఫైనల్ అనుకున్న హీరోయున్ ఫోటో ఇంకా పోస్ట్ చెయ్యలేదు ఎక్కడా. 

మేల్ లీడ్ కోసం షార్ట్ లిస్ట్ ఇంకా ఫైనల్ చేసే స్టేజీలోనే ఉంది. దీని కోసం రకరకాల ఆడిషన్/సెలక్షన్ ప్రయత్నాలు ఇంకా కంటిన్యూ అవుతున్నాయి. దీని గురించి త్వరలో ఏదైనా కొత్త ప్రయత్నం భారీగా చెయ్యాలనుకుంటున్నాను. అదేంటన్నది త్వరలో చెప్తాను. 

నా క్లాస్‌మేట్, నా మిత్రుడు, నా శ్రేయోభిలాషి...

కొన్ని నిజాలు చాలా బాధకలిగిస్తాయి. అలాంటి నిజమే ఇది కూడా.

అప్పుడే 19 ఏళ్లు!

నా క్లాస్‌మేట్, నా మిత్రుడు, నా బావమరిది చీరాల పురుషోత్తం, IRS పుట్టినరోజు ఇవాళ!

కానీ .. తను మరణించి అప్పుడే 19 ఏళ్ళు అయ్యిందన్న నిజం నన్నీరోజు చాలా బాధపెడుతోంది.

దిస్ ఈజ్ లైఫ్.

అన్నీ మనం అనుకున్నట్టు జరగవు.

నువ్వు గుర్తొచ్చిన ప్రతిసారిలాగే ఈరోజు కూడా బాధపడుతున్నాను. కానీ, అది తప్పని కూడా నీ జ్ఞాపకాలే నాకు గుర్తుచేస్తున్నాయి.

జీవితంలో ఎన్నెన్నో మనకు ఇష్టంలేనివి, మనం ఊహించనివి జరుగుతుంటాయి. వాటిని అధిగమించగలిగే ఆత్మవిశ్వాసం ముఖ్యం.

ఆ ఆత్మవిశ్వాసానికి పర్యాయపదం నువ్వు.

అవధులులేని నీ ఆత్మ విశ్వాసం, నీ చిరునవ్వు, ఆ చిరునవ్వుతోకూడిన నీ ప్రతి పలకరింపు నేనెన్నటికీ మర్చిపోలేను.

హైద్రాబాద్ రోడ్లపైన అర్థరాత్రి తర్వాత తిరిగిన మనిద్దరి ఫుడీ తిరుగుళ్ళు, హుసేన్‌సాగర్ చుట్టూ మనకు నచ్చిన ప్రతిచోటా కారు ఆపుకొని చేసిన మన ఎడతెగని చర్చలు... అన్నీ గుర్తుకొస్తున్నాయ్. 

నువ్వుంటే కథ వేరేలా ఉండేది. 

అసలు నీ ప్రెజెన్సే నాకు ఒక పెద్ద కిక్. ఒక హై. ఒక కాన్‌ఫిడెన్స్.

మిస్ యూ పురుషోత్తమ్...

***** 

#ChiralaPurushotham   #IRS   #ChiralaPurushothamIRS   #PurushothamIRS

బ్లాగింగ్ నాకు చాలా ఇచ్చింది!

ఇప్పుడే చూశాను... 

ఈ సంవత్సరం ఆగస్టు 21 వస్తే - ఈ బ్లాగ్‌కు 11 ఏళ్ళు నిండుతాయి. 

నాకే ఆశ్చర్యంగా ఉంది. నిజంగా 11 ఏళ్ళ నుంచి రాస్తున్నానా ఈ బ్లాగులో? 

ఆగస్టు వరకు ఎలాగూ కొంచెం ఫ్రీ అయిపోతాను కాబట్టి ఆ నెలంతా సెలబ్రేట్ చేసుకోవాలనుకొంటున్నాను. బహుశా ఏ గోవాకో, పాండిచ్చేరికో వెళ్ళి. 

కట్ చేస్తే - 

నా మిత్రుడొకరికి ఏదో టెక్నికల్ సహాయం చేసే పనిలో ఉన్నప్పుడు - మధ్యలో నాకీ ఆలోచన వచ్చింది. 

ఆ సమయంలోనే నాకు "లేఖిని" కనిపించింది.

అంతే. 

"తెలుగు టైపింగ్ ఇంత ఈజీనా?!" అనుకొంటూ వెంటనే ఈ బ్లాగ్ క్రియేట్ చేశాను. 

అప్పట్నించీ నాకు రాయాలనిపించిన ప్రతీదీ రాస్తూనే ఉన్నాను. మధ్యలో కనీసం ఒక అరడజన్ సార్లు బ్లాగింగ్ మానెయ్యాలనుకున్నాను. భారీ గ్యాప్స్ తీసుకొన్నాను. కాని, నా వల్ల కాలేదు.  

బ్యాక్ టు బ్లాగింగ్.

నా బ్లాగ్ "నగ్నచిత్రం" 11 ఏళ్ళు పూర్తిచేసుకోబోతున్న సందర్భంగా - ఆగస్టు నెలంతా నా బ్లాగ్ గురించి, నా బ్లాగింగ్ అనుభవాల గురించి, ఈ బ్లాగ్ ద్వారా నేను కనెక్ట్ అయిన అద్భుతమైన కొందరు వ్యక్తుల గురించి, ఈ బ్లాగ్ నేపథ్యంగా నేను సాధించిన కొన్ని విజయాల గురించి... క్లుప్తంగా ఒక సీరీస్ ఆఫ్ బ్లాగ్ పోస్టులు ఇదే బ్లాగులో రాస్తాను.

మరొకవైపు - నా జీవితం మొత్తంలో తీసుకొన్న రెండే రెండు అతి చెత్త నిర్ణయాలకు సాక్షి పాత్ర కూడా పోషించింది నా బ్లాగ్. ఆ రెంటిలో ఒకదాన్నించి ఇప్పుడిప్పుడే బయటపడుతున్నాను. రెండోదాన్నించి కూడా ఇంకొకటి రెండు నెలల్లో పక్కాగా బయటపడతాను.  

నామట్టుకు నాకు బ్లాగింగ్ ఒక మినీ లేబొరేటరీ. ఒక థెరపీ. ఒక స్పిరిచువల్ ప్రాక్టీస్. ఒక యోగా. ఒక ధ్యానం. ఒక అంతశ్శోధన. ఒక అంతర్మథనం. ఒక అద్దం. ఒక ఆసరా. ఒక ప్రేయసి. ఒక ప్రణయం. ఒక ప్రయాణం...  

Sometimes I think of blogging as finger exercises for a violinist; sometimes I think of it as mulching a garden. It is incredibly useful and helpful to my “real” writing. 

~ Kate Christensen      

ఆరంభింపరు...

మనం చెయ్యము. చెయ్యనివ్వము. చేసేవాళ్ళను ద్వేషిస్తాము. ఏవేవో మనకు అరకొర తెలిసిన పనికిరాని అవుట్ డేటెడ్ శాస్త్రాల్ని, అవుట్ డేటెడ్ థియరీలను పట్టుకొని మనకే అంతా తెలుసు అన్నట్టుగా వాదించడానికి పూనుకొంటాం. ఎందుకంటే - అంతకు మించి మనం ఏం చేయలేం. మనవల్ల కాదు.    

ఇదొక వ్యాధి. దురదృష్టవశాత్తూ చదువువుకొన్నవాళ్ళకే ఎక్కువగా అంటే వ్యాధి.    

ఇలాంటివాళ్ళంతా ఒక పాండమిక్ లాంటివాళ్ళు. ఎంత దూరంగా ఉంటే అంత మంచిది.  

ఇలాంటివాళ్లెందరో 2001లో కేసీఆర్ తెరాస ప్రారంభించినప్పుడు కూడా నానా చెత్త పలికారు. ఎన్నో మాటలన్నారు. ఎగతాళి చేశారు. ఏమైంది? 

పోనీ అప్పటికైనా ఊరుకున్నారా? లేదు...  

ఏం చేతకాదన్నారు. తెలంగాణ అంధకారమైపోతుందన్నారు. అన్నల రాజ్యం వస్తుందన్నారు. మరొక బీహార్ అవుతుందన్నారు. 60 ఏళ్ళలో ఏ ఒక్కరికీ చేతకానివి ఇప్పుడు చేసి చూపిస్తుంటే వీరి తలలు ఇప్పుడు ఎక్కడ  పెట్టుకున్నారు?  

ఇంత ద్వేషం ఎందుకు?  

కట్ చేస్తే - 

అన్నీ ఎంతో బాగా తెలిసిన మీలాంటివాళ్ళు పాలిటిక్స్ లోకి నేరుగా దిగొచ్చు. మీకు తెలిసిన శాస్త్రాలతో, మీ మేధావిత్వంతో దేశం కోసం ఎన్ని గొప్ప పనులైనా చేసి చూపించే స్వతంత్రం, హక్కు మీకుంది. ఎవ్వరూ మిమ్మల్ని అడ్డుకోరు.      

తెరాస ప్రారంభించినప్పుడు కేసీఆర్ కూడా ఒక్కడే. 

With that said -

అప్పుడప్పుడూ నేను రాసే నా పొలిటికల్ బ్లాగులు నచ్చనివాళ్ళు దయచేసి దూరంగా ఉండగలరని మనవి. 

బ్లాగ్‌లో నేను రాసిన పాయింట్స్ పక్కన పెట్టి, సిల్లీగా ఎగతాళి రాతలు రాయడమే కామెంట్ అనుకువాళ్ళ కామెంట్స్‌ను, నాకు నచ్చని కామెంట్స్‌ను సింపుల్‌గా డిలీట్ చేస్తాను. వాటిని మొత్తం చదివి నా సమయం కూడా వృధా చేసుకోను. 

ఈ విషయంలో ఇక్కడితో... ది ఎండ్.   

Thank you.  

"నాటు నాటు" పాటకే ఎందుకు?

"రేపు జనవరి 15 రాజమౌళి టీమ్‌కు చాలా ముఖ్యమైన రోజు.

క్రిటిక్స్ చాయిస్ అవార్డులు ఇస్తారు...

ఈ అవార్డుల కోసం బెస్ట్ పిక్చర్, బెస్ట్ డైరెక్టర్, బెస్ట్ సాంగ్, బెస్ట్ విజువల్ ఎఫెక్ట్స్, బెస్ట్ ఫారిన్ లాంగ్వేజ్ ఫిలిం... ఈ అయిదు కేటగిరీల్లో బరిలో ఉంది RRR. 

మళ్ళీ "బెస్ట్ సాంగ్"కే ఈ అవార్డు వచ్చే అవకాశాలు ఎక్కువగా ఉన్నాయి. కాని... బెస్ట్ డైరెక్టర్, బెస్ట్ ఫారిన్ లాంగ్వేజ్ ఫిలిం అవార్డుల విషయంలో కూడా చాన్స్ ఉందని నా ఇంట్యూషన్ చెప్తోంది." 

... ... ... 

"ఆస్కార్ దిశగా... RRR" టైటిల్‌తో మొన్న 14 వ తేదీ నాడు నా బ్లాగ్‌లో రాసిన వాక్యాలవి.👆🏻

క్రిటిక్స్ చాయిస్ అవార్డుల్లో - నేను అనుకున్నట్టుగానే "నాటు నాటు" పాటకు బెస్ట్ ఒరిజినల్ సాంగ్ అవార్డు వచ్చింది. బెస్ట్ ఫారిన్ లాంగ్వేజ్ ఫిలిం అవార్డు కూడా వచ్చింది. 

కంగ్రాచులేషన్స్ టు రాజమౌళి అండ్ టీమ్. 

హాలీవుడ్ పరిధిలోని 3 ప్రధాన అవార్డ్ ఈవెంట్స్‌లో - RRR సినిమాకు ఇప్పటివరకు మొత్తం 4 అవార్డులు వచ్చాయి... 

> బెస్ట్ డైరెక్టర్‌గా రాజమౌళికి న్యూయార్క్ ఫిలిం క్రిటిక్స్ సర్కిల్ అవార్డు

> "నాటు నాటు" పాటకు గోల్డెన్ గ్లోబ్ బెస్ట్ ఒరిజినల్ సాంగ్ అవార్డు

> "నాటు నాటు" పాటకే క్రిటిక్స్ చాయిస్ బెస్ట్ ఒరిజినల్ సాంగ్ అవార్డు

> బెస్ట్ ఫారిన్ లాంగ్వేజ్ ఫిలిమ్‌గా RRR సినిమాకు క్రిటిక్స్ చాయిస్ అవార్డు 

ఇక మిగిలింది ఒక్కటే... 

ఆస్కార్ అవార్డు.

ఇప్పుడు ఆస్కార్ అవార్డు షార్ట్ లిస్టుల్లో "నాటు నాటు" సాంగ్ ఒక్కటే బెస్ట్ ఒరిజినల్ సాంగ్ అవార్డు కోసం బరిలో ఉంది. 

ఏజెంట్స్ ద్వారా, పర్సనల్‌గా, ప్రొఫెషనల్‌గా హాలీవుడ్ సర్కిల్స్‌లో లాబీయింగ్ వంటి ప్రయత్నాలు ఎలా వున్నా - గోల్డెన్ గ్లోబ్ అవార్డు, క్రిటిక్స్ చాయిస్ అవార్డుల్ని ఇప్పటికే సాధించిన "నాటు నాటు" సాంగ్‌కు దాదాపు ఆస్కార్ వచ్చినట్టే అనుకోవచ్చు. 

పై 2 అవార్డులు ఆ పాటకి వచ్చాయి కాబట్టి - ఇప్పుడు ఆస్కార్‌లో కూడా ఆ పాటకే రావాలన్న రూల్ ఏం లేదు. కాని, ఆ చాన్సెస్ ఎక్కువగా ఉంటాయని పాత అంచనాలు, రికార్డులు చెప్తున్నాయి.

జనవరి 24 నాడు ఆస్కార్ నామినేషన్స్ ఫైనలైజ్ అవుతాయి. ఆరోజు నామినేషన్స్‌లో "నాటు నాటు" పాట లిస్టులో తప్పక ఉండి తీరుతుందని నా నమ్మకం. 

లేడీ గాగా, టేలర్ స్విఫ్ట్, రిహానా వంటి ఇండస్ట్రీ జెయింట్స్‌ను బీట్ చేసి గోల్డెన్ గ్లోబ్ అవార్డు సాధించిన "నాటు నాటు" సాంగ్ ఆస్కార్ నామినేషన్స్‌లో ఉందీ అంటే మాత్రం ఆస్కార్ వచ్చినట్టే. 

ఇది నా ఇంట్యూషన్.  

కట్ చేస్తే -     

RRR లోని "నాటు నాటు" పాట వివిధ కారణాల వల్ల చాలా బాగుంది...

కీరవాణి అద్భుతమైన ట్యూన్, ఆర్కెస్ట్రయిజేషన్, సౌండింగ్ ఇచ్చారు. చంద్రబోస్ మంచి లిరిక్స్ ఇచ్చారు. కాలభైరవ, రాహుల్ సిప్లిగంజ్ బాగా పాడారు. ప్రేమ్ రక్షిత్ కోరియోగ్రఫీ పీక్స్ రుచి చూపించాడు. వీళ్లందరి శ్రమకు ఏమాత్రం తగ్గకుండా - రామ్‌చరణ్, జూనియర్ ఎన్టీఆర్ నభూతో న భవిష్యతి రేంజ్‌లో - నమ్మలేనంత సింక్రనైజేషన్‌తో డాన్స్ చేస్తూ నటించారు.

బహుశా ఇలా వివిధ కోణాల్లో ఆలోచించి - ఈ పాటనే అవార్డు కోసం రాజమౌళి & టీమ్ ఎన్నిక చేసుకొని వుంటారు.

అది సహజం. 

వీటికి తోడు - నా హంబుల్ ఉద్దేశ్యంలో - ఇంకో రెండు అతి బలమైన రీజన్స్ వల్ల హాలీవుడ్ పరిధిలోని 2 ప్రధాన అవార్డులను ఒకదానివెంట ఇంకొకటి ఈ పాట సాధించగలిగింది. 

లేదా, ఈ రెండు కారణాలు ఈ పాటకే ఓటు వేయడానికి మరింత బలాన్నిచ్చాయి. లేదా, ఎడ్వాంటేజ్‌గా పనిచేశాయి. 

కొందరికి నవ్వు రావచ్చు, "లైట్" అనుకోవచ్చు. కాని, ఆ రెండు కారణాలకు నిజంగా అంత శక్తి ఉంది. 

ఇప్పుడు నేను అనుకుంటున్న ఆ రెండు కారణాల గురించి సాధ్యమైనంత క్లుప్తంగా చెప్పి ఈ బ్లాగ్ ముగిస్తాను...   

1. "నాటు నాటు" పాటను యూక్రేన్‌లోని ప్రెసిడెన్షియల్ ప్యాలెస్ "మరీన్స్‌కీ ప్యాలెస్" ముందు షూట్ చేశారు. ఈ ప్యాలెస్‌లోనే యూక్రేన్ ప్రెసిడెంట్ వొలదిమీర్ జెలెన్‌స్కీ అఫీషియల్ నివాసం. ఇది ప్యాలెస్ యూక్రేన్ రాజధాని కీవ్‌లో ఉంది.   

నిజానికి భద్రతా కారణాల దృష్ట్యా ఈ ప్యాలెస్‌ను షూటింగ్స్‌కు ఇవ్వరు. కాని, ప్రెసిడెంట్ జెలెన్‌స్కీ కూడా ఒకప్పుడు పాపులర్ టీవీ నటుడు కాబట్టి బహుశా ఓకే చెప్పి ఉంటాడు. 

ఈ పాట షూట్ చేస్తున్నప్పుడు రష్యా-యూక్రేన్‌ల మధ్య యుద్ధం లేదు. షూటింగ్ తర్వాత బహుశా కొన్ని నెలలకు యుద్ధం ప్రారంభమైంది. ఇప్పుడా రెండు దేశాల మధ్య జరుగుతున్న యుద్ధంలో వెన్ను చూపని రియల్ వ్యారియర్‌లా యూక్రేన్ ప్రెసిడెంట్ జెలెన్‌స్కీ పోరాడుతున్నాడు.

అమెరికా సహా, మొత్తం పశ్చిమ దేశాలన్నీ జెలెన్‌స్కీ వైపున్నాయి. 

ఈ పాటను యూక్రేన్‌లో షూట్ చేస్తున్న సమయంలో - అక్కడి లోకల్ వాళ్ళు కూడా కొందరు సహాయకులుగా టీమ్‌లో పనిచేశారు. ఇప్పుడు వాళ్లంతా రష్యా-యూక్రేన్ వార్ ఫ్రంట్‌లో వున్నారు. 

రష్యా వార్-ప్లాన్‌లో మొదటి లక్ష్యం జెలెన్‌స్కీ అయితే - ఈ పాట షూటింగ్ కోసం వివిధ అనుమతులతో టీమ్‌కు సహాయపడిన యూక్రేన్ రాజధాని కీవ్ నగర మేయర్ వితాలి క్లిచ్‌కో రష్యా సెకండ్ టార్గెట్! 

యూక్రేన్‌లో ఒక టాప్ ఫిలిం ప్రొడ్యూసర్ అన్నా పాలెంచుక్ కూడా ఈ పాట షూటింగ్ కోసం (కొన్ని సీన్స్ కూడా) టీమ్‌కు సహకరించిందని చదివాను. తను కూడా ఇప్పుడు వార్ ఫ్రంట్‌లో పనిచేస్తోంది. 

RRR లోని "నాటు నాటు" పాట షూటింగ్‌కు ఉన్న ఈ నేపథ్యం హాలీవుడ్ సోర్స్‌లను బాగా ఆకట్టుకొనివుంటుంది. తామంతా జెలెన్‌స్కీకి మద్దతుగా ఉన్నామన్నదానికి సింబాలిక్‌గా - పోటీలో ఉన్న ఈపాటకే తప్పక మొగ్గుచూపటం అత్యంత సహజం. 

2. "నాటు నాటు" పాటలోని "నాటు" శబ్దం - రష్యాకు వ్యతిరేకమైన పశ్చిమదేశాల "నాటో" (NATO) శబ్దానికి పూర్తి దగ్గరగా ఉండటం కూడా ఒక సింబాలిక్ ఫీల్‌గా పనిచేసివుంటుంది. 

పైన చెప్పిన రెండో కారణం మరీ సిల్లీగా అనిపించవచ్చు. కాని, కొట్టి పారేయలేం.  

సో... హాలీవుడ్ పరిధిలో ఆల్రెడీ 2 అవార్డులు సాధించిన "నాటు నాటు" పాటకు ఆస్కార్‌లో కూడా ఇదే ఊపులో, ఇదే ఫీల్‌తో తప్పక ఆస్కార్ వస్తుందని నా గట్టి నమ్మకం. 

ఆస్కార్ అవార్డుల ప్రదానోత్సవం మార్చి 12 అయినా - ఈ జనవరి 24 నాటి నామినేషన్స్ ఫైనలైజేషన్ రోజే RRRకు సిసలైన ఎగ్జయిటింగ్ డే అని నేననుకొంటున్నాను.  

Best wishes to Rajamouli & Team! 

ఆస్కార్ దిశగా... RRR!

కొన్ని గంటల క్రితం యస్ యస్ రాజమౌళి ట్వీట్ చూశాక ఈ బ్లాగ్ పోస్ట్ రాయాలనుకున్నాను... 

సుమారు 6 గంటల క్రితం రాజమౌళి పెట్టిన ఆ ట్వీట్‌లో 2 ఫోటోలున్నాయి. వాటిలో ఒక ఫోటో నిజంగా అద్భుతం.

అది ఫీలైనవారికే తెలుస్తుంది. 

"ఇది కలా, నిజమా... నా కళ్ళముందు ముందు స్టీవెన్ స్పీల్‌బర్గ్!" అన్నట్టుగా ఉంది ఆ ఫోటోలో రాజమౌళి ఫీలింగ్.

"I just met GOD!!!"

స్పీల్‌బర్గ్‌ను కలిసిన తర్వాత రాజమౌళి ఎక్‌జైటింగ్‌గా పెట్టిన ట్వీట్ అది. పక్కనే ఒక 3 "హార్ట్ ఆన్ ఫైర్" ఎమోజీలు... 

"హాలీవుడ్‌లో మాస్టర్‌పీస్ సినిమాల గాడ్" స్టీవెన్ స్పీల్‌బర్గ్‌ను కలిసిన సందర్భంగా రాజమౌళికి అభినందనలు. 

గోల్డెన్ గ్లోబ్, న్యూయార్క్ ఫిలిం క్రిటిక్స్ సర్కిల్ అవార్డులు అందుకున్న సందర్భంగా కూడా రాజమౌళికి నా హార్దిక అభినందనలు. 

కట్ చేస్తే -   

మొన్నీమధ్యే - జనవరి 4 నాడు, న్యూయార్క్ ఫిలిం క్రిటిక్స్ సర్కిల్ నుంచి RRR దర్శకుడిగా "బెస్ట్ డైరెక్టర్" అవార్డు అందుకున్నాడు రాజమౌళి. 

తర్వాత - జనవరి 11 వ తేదీ నాడు RRR సినిమాలోని "నాటు నాటు" పాటకు "బెస్ట్ ఒరిజినల్ సాంగ్"గా గోల్డెన్ గ్లోబ్ అవార్డు వచ్చింది. మ్యూజిక్ డైరెక్టర్ కీరవాణి అవార్డు అందుకున్నారు. 

ఈ పాట రాసింది చంద్రబోస్. పాడింది కాలభైరవ, రాహుల్ సిప్లిగంజ్. అద్భుతమైన కొరియోగ్రఫీ అందించింది ప్రేమ్‌రక్షిత్. మరింత అద్భుతమైన సింక్‌తో నటించింది రామ్‌చరణ్, జూనియర్ ఎన్టీర్.    

ఈ గోల్డెన్ గ్లోబ్ అవార్డులను ఇచ్చేది హాలీవుడ్ ఫారిన్ ప్రెస్ అసోసియేషన్. 

తర్వాత కొద్ది వారాల్లోనే ప్రకటించే ఆస్కార్ అవార్డులకు ఈ గోల్డెన్ గ్లోబ్ అవార్డులు ఒక హింట్ ఇచ్చేవిగా ఉంటాయని అంటారు.

అంటే - ఆస్కార్ అవార్డుల్లో ఏ సినిమాలకు ఏ అవార్డులు రావొచ్చు అన్న విషయంలో ఈ గోల్డెన్ గ్లోబ్ అవార్డులు కొంతవరకు హింట్ ఇస్తాయన్నమాట.  

ఈ లెక్కన - మార్చి 12 నాడు జరగబోతున్న ఆస్కార్ అవార్డుల ఫంక్షన్‌లో RRRకు కూడా ఒక అవార్డు తప్పకుండా వస్తుందని నాకనిపిస్తోంది.   

బెస్ట్ ఫారిన్ లాంగ్వేజ్ ఫిలిం కేటగిరీ కింద ఇండియన్ గవర్నమెంట్ ద్వారా నామినేషన్స్‌కు పంపించిన సినిమా "ఛెల్లో" అని ఒక గుజరాతీ సినిమా. సో, ఈ కేటగిరీలో RRRకు అవార్డు లేదు. ఇతర కేటగిరీల్లో అలా ప్రభుత్వం ద్వారా వెళ్ళాల్సిన అవసరం లేదు. కాబట్టి, వాటికి చాన్స్ ఉంది. 

కట్ చేస్తే -   

రేపు జనవరి 15 రాజమౌళి టీమ్‌కు చాలా ముఖ్యమైన రోజు.

క్రిటిక్స్ చాయిస్ అవార్డులు ఇస్తారు...

ఈ అవార్డుల కోసం బెస్ట్ పిక్చర్, బెస్ట్ డైరెక్టర్, బెస్ట్ సాంగ్, బెస్ట్ విజువల్ ఎఫెక్ట్స్, బెస్ట్ ఫారిన్ లాంగ్వేజ్ ఫిలిం... ఈ అయిదు కేటగిరీల్లో బరిలో ఉంది RRR. 

మళ్ళీ "బెస్ట్ సాంగ్"కే ఈ అవార్డు వచ్చే అవకాశాలు ఎక్కువగా ఉన్నాయి. కాని... బెస్ట్ డైరెక్టర్, బెస్ట్ ఫారిన్ లాంగ్వేజ్ ఫిలిం అవార్డుల విషయంలో కూడా చాన్స్ ఉందని నా ఇంట్యూషన్ చెప్తోంది. 

RRRలో ఈ "నాటు నాటు" పాటనే "బెస్ట్ ఒరిజినల్ సాంగ్" కేటగిరీలో ఎన్నుకోడానికి, దీనికే అవార్డు ఇవ్వడానికి ఒకటి రెండు బలమైన కారణాల నేపథ్యం కూడా ఉపయోగపడి వుంటుందన్నది నేననుకుంటున్నాను. దాని గురించి ఇంకో చిన్న బ్లాగ్ తర్వాత రాస్తాను.    

ఈ జనవరి 19 నాడే బ్రిటిష్ ఫిల్మ్ ఎకాడమీ (BAFTA) అవార్డుల నామినేషన్స్ ఎనౌన్స్ చేస్తున్నారు. అందులో RRR కు పక్కాగా ఒక అవార్డు వచ్చే అవకాశముంది. ఎందుకంటే - UK లో ఆల్రెడీ కమర్షియల్‌గా బాగా వసూళ్ళు చేసి ప్రూవ్ చేసుకున్న సినిమా RRR. 

ఇక - జనవరి 24వ తేదీ రాజమౌళికి ఎక్‌జైటింగ్ డే. ఆరోజే ఆస్కార్ నామినేషన్స్ ఫైనల్ అవుతాయి. ఆస్కార్ బరిలో RRR ఉన్నదా లేదా తెలుస్తుంది. 

ఉంటుందనే నా నమ్మకం.      

కట్ చేస్తే -   

"ఒక్కసారిగా ఈ అంతర్జాతీయ అవార్డుల వెల్లువ ఏంటి" అన్న ప్రశ్న వస్తుంది. అంతకు ముందు ఇంతకంటే గొప్ప పాటలు రాలేదా, గొప్ప సినిమాలు రాలేదా, గొప్ప దర్శకులు లేరా... అనిపిస్తుంది కొందరికి. 

తప్పేం లేదు. 

కాని, ప్రపంచ సినిమా మార్కెట్‌కు వేదికలయిన హాలీవుడ్, ఆస్కార్ అవార్డుల బరిలోకి వెళ్ళే ప్రయత్నాలు ఎంతమంది చేశారన్నది బిగ్ కొశ్చన్.          

సినిమా అనేది బేసిగ్గా ఒక క్రియేటివ్ బిజినెస్. 

ఇప్పుడిదొక భారీ కార్పొరేట్ బిజినెస్. 

భారతీయ మెయిన్‌స్ట్రీమ్ కమర్షియల్ సినిమాను వంద రెండొందల కోట్ల క్లబ్‌లోంచి ఏకంగా 1000 కోట్లు, 1500 కోట్ల బిజినెస్ స్థాయికి తీసుకెళ్ళిన దర్శకుడు రాజమౌళి.

బిజినెస్ పరంగా, రీచ్ పరంగా రాజమౌళి విజన్ అద్భుతం. 

ట్రిపుల్ ఆర్ ఇచ్చిన సక్సెస్‌తో రాజమౌళి ఇంక నేరుగా హాలీవుడ్‌లోకి ఎంటర్ అయ్యే దిశలో ఉన్నాడు. అక్కడ హాలీవుడ్‌లో ఎంట్రీ ఇచ్చేముందు ఈ అంతర్జాతీయస్థాయి అవార్డుల బజ్ అవసరం.

ఇప్పుడదే జరుగుతోంది. అది అవసరం కూడా. 

టైటానిక్‌లు, అవెంజర్స్, అవతార్‌లు మేమూ తీయగలం అని భారతీయ ఫిలిం డైరెక్టర్స్ చెప్పబోయే రోజులు ముందున్నాయి. 

ఈ దిశలో తెలుగు నుంచి రాజమౌళి పయొనీర్ కాబోతున్నాడు. 

Best wishes to Director SS Rajamouli, the Marketing Mantrik! 

నిర్మాణాత్మక విమర్శలు ఓకే... కానీ...

మీరు భజన అనుకున్నా ఫరవాలేదు...  

నేను పక్కా కేసీఆర్ అభిమానిని. ఒక రాజకీయవేత్తగా, ఒక దార్శనికునిగా, ఒక ముఖ్యమంత్రిగా ఆయన చేస్తున్న పనుల గురించి, సాధిస్తున్న విజయాల గురించి, సృష్టిస్తున్న సంచలనాల గురించి నేను తరచూ బ్లాగ్‌లు, పేపర్స్‌కి ఎడిట్ పేజ్ ఆర్టికిల్స్, సోషల్ మీడియా పోస్టులు రాస్తుంటాను.  

నేను బి ఆర్ యస్ మౌత్‌పీస్‌ను. కేసీఆర్ సారథ్యంలో దేశ రాజకీయాల్లో రానున్న మలుపుల నేపథ్యంలో - ఆయన స్థాపించిన పార్టీ గురించి, ఆ పార్టీ నడిపిస్తున్న ప్రభుత్వం గురించి, ఆ ప్రభుత్వం క్రియేట్ చేస్తున్న రికార్డుల గురించి కూడా రాస్తుంటాను.  

ఒక డైనమిక్ మంత్రిగా, ఒక మల్టి టాలెంటెడ్ వ్యక్తిగా - దాదాపు వారంలో ప్రతి రోజూ - అయితే ఒక కొత్త ఇండస్ట్రీ డీల్ కాని, ఒక భారీ ఇన్వెస్ట్‌మెంట్ ప్రపోజల్ గాని లేకుండా నిద్రపోని కేటీఆర్ గురించి కూడా తరచూ రాస్తుంటాను. సోషల్ మీడియాలో పోస్ట్ చేస్తుంటాను. 

నా లాజిక్ ఒక్కటే. బాగా పనిచేస్తున్న వారిని గుర్తించాలి. వారు సాధిస్తున్న అరుదైన విజయాల గురించి రాస్తూ వారిని బాగా ప్రమోట్ చెయ్యాలి. రాజకీయాల్లో ఒక కొత్త గుణాత్మక మార్పు తీసుకురావడానికి కృషి చేస్తున్న కేసీఆర్ లాంటి దార్శనికునికి ఒక పౌరుడిగా ఉడతాభక్తిగానైనా తోడ్పడాలి. అంతే. 

నా పుస్తకం "కేసీఆర్ - ది అర్ట్ ఆఫ్ పాలిటిక్స్" పుస్తకం చదివితే ఈ విషయం మీకు ఇంకాస్త బాగా అర్థమవుతుంది. 

కట్ చేస్తే - 

నా మిత్రులు కొందరు, నాకు తెలీనివారు కొందరు "మీరు బ్లాగ్‌లో, సోషల్ మీడియాలో కేసీఆర్ భజన ఎందుకు చేస్తున్నారు?" అని బాధపడిపోతుంటారు.   

క్రియేటివిటీ వేరు. రాజకీయాలు వేరు. నా మనసుకు నచ్చింది నేను చేస్తాను. నేను చేయాలనుకున్నది చేస్తాను. నా ఫేస్‌బుక్, నా వాల్, నా బ్లాగ్, నా ట్విట్టర్, నా ఫీలింగ్స్, నా రాతలు, నా ఇష్టం. 

మీకు నచ్చకపోతే సింపుల్‌గా ఒకే ఒక్క క్లిక్‌తో నన్ను అన్‌ఫ్రెండ్ చెయ్యొచ్చు. నా బ్లాగ్ వైపు చూడకుండా ఉండొచ్చు. దట్ సింపుల్.  

నేను రాసిన పాయింట్స్ మీద నిర్మాణాత్మక విమర్శలు చేయొచ్చు. ఆహ్వానిస్తాను. అంతే తప్ప - ఏవో పనికిరాని కామెంట్స్, వాట్సాప్ యూనివర్సిటీ రాతలు మాత్రం రాయకండి. నేను అసలు పట్టించుకోను. లేదంటే డిలీట్ చేస్తాను. 

అలాంటి కామెంట్స్ వల్ల మీరేంటో మీ మానసిక స్థాయి ఏంటో అందరికీ తెలిసిపోతుంది. 

బి ఆర్ యస్ సోషల్ మీడియా వారియర్స్ చూస్తే ఒక ఆట ఆడుకుంటారు. 

కట్ బ్యాక్ టు భజన - 

మిగిలినవారెవరి విషయమో నాకు తెలియదు. కానీ, నా విషయంలో మటుకు .. భజన వేరు. అభిమానం వేరు.

భజన ఒక భ్రమ. అభిమానం ఒక రియాలిటీ.

భజన వెనుక ఆశలు, కోరికలు, అవసరాలుంటాయి. అభిమానం వెనుక కేవలం ఫీలింగ్స్ ఉంటాయి.

ఈ రెండింటి మధ్య తేడాని గుర్తించలేనివాళ్లే నానా కామెంట్స్, నానా సౌండ్స్ చేస్తుంటారు.  అదే అసలైన భజన అని నా ఉద్దేశ్యం. 

Spilling the Light

1926 లో చలం "మైదానం" రాశాడు...

నా ఫేవరేట్ ప్రపంచస్థాయి రచయితల్లో చలం ముందు వరసలో ఉంటాడు. ఆకాలంలోనే ఆయన రాయగలిగిన ఆ అందమైన తెలుగు శైలిని ఇప్పుడు 2023 లో కూడా ఎవ్వరూ రాయడం లేదన్నది నా వ్యక్తిగత అభిప్రాయం.

అలాంటి చలం... ఆరోజుల్లోనే... ఎంత అగ్రెసివ్, ఎంత అన్‌ట్రెడిషనల్ టాపిక్స్ పైన రచనలు చేశాడో అందరికీ తెలిసిందే. ఆ టాపిక్స్ అప్పుడే కాదు, ఇప్పుడు కూడా సంచలనాత్మకమైనవే!

అలాంటి రచయిత కూడా చివరికి స్పిరిచువాలిటీ అంటూ రమణ మహర్షి ఆశ్రమం చేరాడు.

ఈ స్పిరిచువల్ "ట్రాన్స్‌ఫార్మేషన్" కేవలం క్రియేటివ్ రంగాలవారిలోనే వస్తుందని కాదు. చరిత్రలో అలెక్జాండర్ వంటి రారాజు నుంచి, సాధారణ రొటీన్ మనుషుల విషయంలోనూ జరుగుతుంది.

ఈ విషయంలో ఉదాహరణలు లెక్కలేనన్ని ఉన్నాయి.

లైఫ్ అంతా ఉవ్వెత్తు కెరటాల్లా రకరకాలుగా ఎగిసిపడి, మిడిసిపడి, ఎదిరించి, తెగించి, యుధ్ధాలు చేసి, దేన్నీ లెక్కచేయకుండా ఎన్నోరకాలుగా జీవితాన్ని పీల్చి పిప్పిచేసి, విచ్చలవిడిగా ఎంజాయ్ చేసి, చివరాఖరికి వచ్చేటప్పటికి స్పిరిచువాలిటీ అంటారెందుకు అన్నది నా హంబుల్ కొశ్చన్!

ఆధ్యాత్మికతకు నిజంగా అంత పవరుందా?

తప్పకుండా ఉండే వుంటుంది.  

ఆధ్యాత్మికత అనేది మన మనసుకు సంబంధించింది.

ఆధ్యాత్మికత వ్యక్తిగతం. 

ఎవరి బోధనలు విన్నాము, ఎవరిని ఫాలో అవుతున్నాము, ఏ దేవుణ్ణి ప్రార్థిస్తున్నాము, ఎన్ని ప్రాచీన గ్రంథాలు చదివాము, ఎన్ని ఆధునిక పుస్తకాలు చదివాము అన్నది కాదిక్కడ ప్రశ్న. వాటన్నిటి ద్వారా తెలుసుకున్నదానితో నిన్ను నువ్వు ఏం తెలుసుకున్నావన్నదే సిసలైన స్పిరిచువాలిటీ.

ఈ జ్ఞానోదయానికున్న పవర్ ముందు మరింకే శక్తీ నిలవదంటే అతిశయోక్తి కాదు. 

కట్ చేస్తే - 

క్రియేటివిటీ, స్పిరిచువాలిటీ... ఈ రెండూ మొదటినుంచీ నాకత్యంత ఇష్టమైన అంశాలు. మొదటినుంచీ అంటే నాకు పుస్తకాలు చదవటం అలవాటైన నా స్కూలు రోజుల నుంచీ అని. 

ఈ రెండూ చూడ్డానికి విభిన్నధృవాల్లా అనిపిస్తాయి. కానీ, రెండింటి సోల్ ఒక్కటే.

ఆనందం.

పల్ప్ ఫిక్షన్ రాసే ఒక రచయితలో, కమర్షియల్ సినిమాలు చేసే ఒక దర్శకునిలో ఆధ్యాత్మిక చింతన ఉండకూడదా?

ఆధ్యాత్మిక చింతన ఉన్న ఒక ఆర్టిస్ట్ బొమ్మలువేసి ఎగ్జిబిషన్ పెట్టకూడదా?

భారీ వ్యాపారాల్లో మునిగితేలే ఒక బడా వ్యాపారవేత్త ఒక ఆధ్యాత్మిక చిత్రం నిర్మించకూడదా?

ఎవరి వృత్తి, వ్యాపారం ఏమైనా కావొచ్చు. వారు ఏదైనా చేయొచ్చు. ఏ స్థాయికైనా ఎదగొచ్చు. కానీ, చివరికి అందరి అంతిమ గమ్యం ఆధ్యాత్మికమే అవుతుంది. ఆధ్యాత్మికానందమే అవుతుంది. 

ఆ మార్పు తప్పదు.

ఒక అలెగ్జాండర్ కావొచ్చు. ఒక అశోకుడు కావొచ్చు. ఒక చలం కావొచ్చు. ఒక మహేష్‌భట్ కావొచ్చు. అందరూ అంతిమంగా ఆధ్యాత్మికానందం వొడికి చేరినవాళ్లే.

ఈ నిజాన్ని చరిత్ర పదేపదే రుజువుచేసింది. 

క్రియేటివిటీ, స్పిరిచువాలిటీ. లేదా... ప్యాషన్, స్పిరిచువాలిటీ. ఈ రెండూ కలిసినప్పుడే మనం కోరుకున్న స్వేఛ్చ, ఆనందం మన సొంతమవుతాయి. 

ఈ నిజాన్ని కూడా చరిత్ర పదేపదే రుజువు చేసింది. 

అన్నీ వదిలేయడమే ఆధ్యాత్మికం కాదు. 

ఆధ్యాత్మికం కోసం అలా అన్నీ వదిలేయడం తప్పనిసరి అని ఏ శాస్త్రం బహుశా చేప్పదనుకుంటాను. 

నాకు తెలిసిన కొందరు చాలా ట్రెండీగా, మాడర్న్‌గా ఉంటారు చాలా విషయాల్లో. ప్రొఫెషనల్‌గా కూడా చాలా బిజీగా వుంటారు. అయితే - సమాంతరంగా వారి జీవితంలో మనం నమ్మలేని ఒక ఆధ్యాత్మిక పార్శ్వం కూడా నడుస్తుంటుంది. వీళ్లేం అన్నీ మానేసిన వృద్ధులు కారు.  

మరోవైపు - మామూలుగా యాభై, అరవై దాటితే గాని అసలు ఈ ఆధ్యాత్మికం వైపు తొంగిచూడరు 90 శాతం మంది. అసలు ఆ ఆలోచన కూడా రాదు. దానికి కనెక్ట్ కారు.   

జీవితంలో అన్నీ అయిపోయాకనో, లేదంటే జీవిత చరమాంకంలో ఏదైనా ఓ పెద్ద కుదుపు వచ్చాకనో కాకుండా... వయసులో ఉన్నప్పటినుంచే మనిషి తన మనసుని కొంత ఆధ్యాత్మికత వైపు కూడా మళ్ళించుకోగలిగితే మాత్రం... ఆ ఆనందమే వేరు. 

... అలా అని నాకనిపిస్తుంది.  

కట్ చేస్తే - 

పైనంతా ఏం రాశానో నాకే తెలీదు. అలా ఒక ట్రాన్స్‌లో రాసేశానంతే. 

కొన్ని పనులు అమ్మాయిలు చేస్తేనే మరింత బాగుంటుంది!

NOTE: నా టీమ్‌లో అసిస్టెంట్ డైరెక్టర్స్ బాయ్స్ ఆల్రెడీ ఉన్నారు. ఈ యాడ్ బాయ్స్ కోసం కాదు.  

కట్ చేస్తే - 

కొన్ని పనుల్లో అమ్మాయిలు చూపే అంత సిన్సియారిటీ, పట్టుదల అబ్బాయిలు చూపలేరు. అలాగే కొన్ని పనులు అమ్మాయిలు చేస్తేనే మరింత బాగుంటుంది. ఒక్క డైరెక్షన్ డిపార్ట్‌మెంట్ అనే కాదు, ఎక్కడైనా. 

ఇప్పుడు అమ్మాయిలు కూడా డైరెక్టర్స్ కావాలని ధైర్యంగా ముందుకువస్తున్నారు. హిందీ, తెలుగులో ఈ మధ్య చాలా మంది అమ్మాయిలు డైరెక్టర్స్‌గా వారి మొదటి సినిమాల్ని రిలీజ్ చేసారు, కొందరు మంచి సక్సెస్ సాధించారు. 

అసిస్టెంట్ డైరెక్టర్స్‌గా అమ్మాయిలు కూడా ఇప్పుడు చాలామంది తెలుగు డైరెక్టర్స్ టీమ్స్‌లో ఉన్నారు. ఈ సంఖ్య రోజురోజుకు పెరుగుతోంది. ఇదొక అందమైన పరిణామం కూడా. టీమ్ కొంచెం బాధ్యతాయుతంగా ఉంటుంది, కొంచెం కలర్‌ఫుల్‌గా కూడా ఉంటుంది. 

కట్ చేస్తే -  

ఇప్పుడు నేను చేస్తున్న 2 మెయిన్‌స్ట్రీమ్ ట్రెండీ యూత్ సినిమాల కోసం  - నా టీమ్‌లో కూడా ఒక నలుగురు ఫిమేల్ అసిస్టెంట్ డైరెక్టర్స్‌ను పరిచయం చేస్తూ ఎంకరేజ్ చెయ్యాలనుకొంటున్నాను. 

> వయస్సు: 18 నుంచి 28 లోపు.

> సినీఫీల్డులోకి ఎంటర్ కావాలన్న కోరిక బలంగా ఉండాలి.

> ఫిలిం డైరెక్షన్ అంటే పిచ్చి ప్యాషన్ ఉండాలి.

> సోషల్ మీడియా గురించి తెలిసి ఉండాలి.

> తెలుగు, ఇంగ్లిష్ చదవటం, రాయటం, మాట్లాడ్డం రావాలి. హిందీ కూడా వస్తే ఇంకా మంచిది. 

> హైద్రాబాద్‌లో ఉన్నవారై ఉండాలి, లేదా వెంటనే హైద్రాబాద్ వచ్చి ఉండగలగాలి. 

> ఎన్నికైన ఫిమేల్ అసిస్టెంట్ డైరెక్టర్ ట్రెయినీలకు 3 నెలలపాటు ఉచిత శిక్షణ ఇస్తాము. ప్రతినెలా స్టైఫండ్/పాకెట్ మనీ కూడా  ఇస్తాము. శిక్షణ తర్వాత, ఇప్పుడు మేం చేస్తున్న ఫీచర్ ఫిలిమ్స్ కోసం, మా టీమ్‌లో అసిస్టెంట్ డైరెక్టర్‌గా తీసుకుంటాం. రెమ్యూనరేషన్ కూడా ఉంటుంది.    

ఆసక్తి ఉన్న అమ్మాయిలు వెంటనే వాట్సాప్ ద్వారా మీ లేటెస్ట్ సెల్ఫీతో పూర్తిబయోడేటా పంపండి: 9989578125

ప్రాథమికంగా ఎన్నికచేసిన అమ్మాయిలను వెంటనే ఇంటర్వ్యూకి పిలుస్తాము. మీదే ఆలస్యం! 

బెస్ట్ విషెస్...