"జర్నలిజం" అన్న పదమే సిగ్గుపడుతోంది!

యూట్యూబ్‌లో కొన్ని చిల్లర ఎకౌంట్స్ ఎకవుంట్స్ ఉంటాయి. సినిమా హీరోయిన్స్ మీదో, హీరోల మీదో, లేదంటే ఇద్దరినీ కలిపో... వాడిష్టమొచ్చిన నీచనికృష్ట కథొకటి అల్లుతాడు. దానికి పరమ ఛండాలపు థంబ్‌నెయిలొకటి పెడతాడు. లక్షల్లో వ్యూస్ వస్తాయి. వాడి లక్ష్యం నెరవేరుతుంది. 

వాడి స్థాయి అదే. వాడి బ్రతుకుతెరువు అదే.

ఇప్పుడు దేశంలోని అత్యధిక టీవీ ఛానెల్స్ కూడా ఈ స్థాయికి దిగజారాయి. 

ప్రపంచం ముందు పరువుపోతోంది.

"జర్నలిజం" అన్న పదమే సిగ్గుపడుతోంది.

డిఫెన్స్ మినిస్ట్రీ ఇన్ని స్టోరీలు, ఇంత కంటెంట్ ఈ ఛానెల్స్‌కు ఎప్పుడిచ్చింది?  నిజంగా ఇచ్చివుంటే, అదంతా ప్రింట్ మీడియాలో కూడా వస్తుంది కదా? ఫారిన్ ప్రెస్‌లో కూడా వస్తుంది కదా? 

కట్ చేస్తే -

చిల్లర యూట్యూబ్ థంబ్‌నెయిల్ బ్యాచ్ స్థాయికి దిగజారిన ఛానెల్స్ చూపిస్తున్న బ్రేకింగ్ న్యూస్‌నే నిజమని నమ్ముతూ, ఆ న్యూస్‌ను సోషల్ మీడియాలో పోస్ట్ చేస్తున్న మన దేశభక్తులకు నా సానుభూతి.   

బార్డర్ దగ్గర అనేక కష్టనష్టాలనుభవిస్తున్న మన దేశ ప్రజలందరికీ... దేశం కోసం పోరాడుతున్న మన త్రివిధదళాల ఫైటర్స్ అందరికీ నా సెల్యూట్.  

- మనోహర్ చిమ్మని   

100 Days, 100 Posts. 14/100. 

అసలు అంత చిన్న పాత్ర చెయ్యాల్సిన అవసరమేంటి అనుపమకు?

ప్రదీప్ రంగనాథన్ హీరోగా, అశ్వత్ మరిముత్తు డైరెక్ట్ చేసిన మొన్నటి "డ్రాగన్" సినిమాలో అనుపమ పరమేశ్వరన్ చేసిన పాత్ర పర్సనల్‌గా నాకు అస్సలు నచ్చలేదు. 

మంచి వెయిట్ ఉన్న పాత్ర కదా అనొచ్చు ఎవరైనా. కాని, సినిమాలో అనుపమ క్యారెక్టర్‌కు అంత నిడివి లేదు. ఎడిటింగ్‌లో కూడా కుదించారేమో, చెప్పలేం. టీజర్, ట్రయలర్ అండ్ ప్రమోషన్స్‌లో కూడా ఇంకో కొత్త హీరోయిన్ కాయదు లోహార్‌కు ఇచ్చినంత ఇంపార్టెన్స్ అనుపమకు ఇవ్వలేదు. 

ఇంత రిస్క్ తీసుకొని, ఇద్దరు హీరోయిన్స్ ఉన్న ఆ చిత్రాన్ని అనుపమ చేయటం అనేది ఏ రకంగా చూసినా, ఇన్ మై హంబుల్ ఒపీనియన్, తప్పు నిర్ణయమే. 

కట్ చేస్తే -

అనుపమ పరమేశ్వరన్ హీరోయిన్‌గా - ముంబై నుంచి ఒక కొత్త హీరో ఆమెకు జంటగా - ఒక మంచి క్లాసిక్ లవ్ స్టోరీ డైరెక్ట్ చెయ్యాలనుకుంటున్నాను.        

ఈ సబ్జెక్ట్ కోసం నా దృష్టిలో ఇంకో ఇద్దరు హీరోయిన్స్ ఉన్నా, టాప్ ప్రయారిటీలో నేను అనుపమనే అనుకోడానికి రెండు కారణాలున్నాయి: 

మొదటి కారణం... 2015 లో తన డెబ్యూ సినిమా "ప్రేమమ్" నుంచి మొన్నటి "డ్రాగన్" వరకు సుమారు 30 సినిమాల్లో నటించిన అనుపమ పరమేశ్వరన్‌లో అందం పెరిగిందే తప్ప తగ్గలేదు. అనుపమ అంటే ఆడియెన్స్‌లో క్రేజ్ కూడా ఇంకా ఇంకా పెరిగింది.  

రెండోది... అనుపమ యాక్టింగ్ నాకు యాక్టింగ్‌లా అనిపించదు. సెక్సీ వాయిస్ అండ్ లుక్స్. అండ్... అయామ్ హర్ ఫ్యాన్. 

- మనోహర్ చిమ్మని  

కమ్యూనికేషన్ & కో-ఆర్డినేషన్ అంటే ఇలా ఉంటుందా?

అన్ని ప్రొఫెషన్స్ వేరు, సినిమా ప్రొఫెషన్ వేరు. 

ఇది 9-5 జాబ్ కాదు. ఎప్పుడు చేతిలో పని ఉంటుందో, ఎప్పుడు ఉండదో చెప్పలేం. ఉన్నప్పుడు మాత్రం దాని మీదే పూర్తి ఫోకస్ పెట్టి ఒక తపస్సులా పనిచేయాలి. 

ఎంత చేస్తున్నా మన మీద రాళ్ళు పడుతుంటాయి... అది వేరే విషయం. 

మనం తప్పు చేయనంతవరకు అలాంటి రాళ్లను పట్టించుకోనవసరం లేదు. ఆ రాళ్లతోనే ఒక దుర్గం కట్టుకోవాలి. 

ఇప్పుడు నేను చేస్తున్న ఒక క్రైమ్ థ్రిల్లర్ సినిమా షూటింగ్ దాదాపు చివరి దశలో ఉంది. ఒక రెనెగేడ్ పద్ధతిలో చేసుకుంటూపోతున్నాం. 

13, 14 సెలవులు. 15 నుంచి మళ్ళీ షూటింగ్ ఉంది. 

15 నుంచి షూటింగ్ చెయ్యాలంటే, దానికి సంబంధించిన 101 పనుల్ని 13, 14 తేదీల్లో రెడీ చేసుకోవాల్సి ఉంటుంది. దీని కోసం పండగల్ని త్యాగం చెయ్యాల్సిన పనిలేదు. కాని, పని అంటూ ఉంటుంది. చేసుకోవాలి. గంటో, రెండు గంటలో... మెంబర్స్ అంతా కో-ఆర్డినేట్ చేసుకోవాలి.   

పండగలు చేసుకోవద్దని ఎవరూ అనరు. కాని, పండగల్ని పండగలా చేసుకొనే దశకు చేరుకోవాలంటే ఇలాంటి చిన్న చిన్న త్యాగాలు చెయ్యాలి. ఇంకా కష్టపడాలి.  

అది ఎవరి కోసమో కాదు. మన కోసం. 

కట్ చేస్తే - 

మొన్న జనవరి 4 నాడు "మాకు కమ్యూనికేషన్ లేదు, కో-ఆర్డినేషన్ లేదు" అని మొత్తుకొని, ఇంక నానా మాటలతో మొత్తం టీమ్ స్పిరిట్‌ను చంపుకున్న పదిరోజుల్లోనే... ఇంకో అత్యంత బాధ్యతారాహిత్యమైన సంఘటన జరగటం నిజంగా సిగ్గుపడాల్సిన విషయం. 

మా టీంలోని 5 గురు ముఖ్యమైన మెంబర్స్, కనీసం "నేను ఊరెళ్తున్నాను" అని కూడా ఎలాంటి ఇంటిమేషన్ లేకుండా, కనీసం మెసేజ్ కూడా లేకుండా వెళ్ళడం ఏదైతే ఉందో... వారిలోని కేర్‌లెస్‌నెస్‌కు పరాకాష్ట.  

ఇంతకంటే అవమానకరం ఇంకోటి ఉండదు.   

అయితే ఈ అవమానం నాకు కాదు. 

వారికే. 

అసలు ఇలా జరగడానికి కారణం ఎవరు? పరోక్షంగా ఏ సంఘటన టీంలో మరీ ఇంత మినిమం స్టాండర్డ్స్‌ను కూడా పాటించలేని చిల్లర స్థాయి ప్రవర్తనకు దారి తీసింది?

దేన్నయినా బిల్డ్ చెయ్యడానికి చాలా సమయం పడుతుంది. కూలగొట్టడానికి ఒక్క నిమిషం చాలు.    

జస్ట్ ఇంకో వారం. అంతే.   

మ్యాటర్ ఓవర్.  

- మనోహర్ చిమ్మని  

"స్వయంకృషి" రాందాస్

"రాందాస్ అన్న చెప్పిండంటే ఇంక అంతే. మీరు నన్ను గారు-గీరు-సర్ అని కూడా అనొద్దు అన్నా. ఏం షూటింగ్ చేసుకుంటరో చేసుకోండి. మీ ఇష్టం. మీకు కావల్సినవన్ని మావోళ్ళు అరేంజ్ చేస్తరు!" 

మా రాందాస్‌తో కాల్ చేయించుకొని షూటింగ్ లొకేషన్ కోసం వెళ్ళిన సందర్భంగా, షామీర్ పేట లోని ఒక పెద్ద కాలేజ్ చైర్మన్ నాతో అన్న మాట అది. 

కట్ చేస్తే -

ఓయూలో నా ఎమ్మే సహాధ్యాయి, నా ఆత్మీయ మిత్రుడు రాందాస్‌ను మావాళ్ళంతా ఒక జోకర్‌లా ట్రీట్ చేసేవాళ్ళు. సందు దొరికితే చాలు, మాలో కొంతమంది ఇప్పటికీ రాందాస్‌ మీద చిల్లర జోకులేస్తూ, అప్పటి స్థాయిలోనే ట్రీట్ చేయడానికి ఇష్టపడతారు. వాడు కూడా పెద్దగా పట్టించుకోడు. కాని -  

రెండు కాలేజీల యజమాని రాందాస్ ఇప్పుడు ఎక్కడున్నాడు, వీళ్లంతా ఎక్కడున్నారన్నది నా హంబుల్ కొశ్చన్. 

- Manohar Chimmani 

సెలబ్రిటీల సపోర్ట్ ఎప్పుడుంటుందంటే...

ఓ రెండువారాల క్రితం ఇప్పుడు నేను చేస్తున్న ఒక సినిమా ఓపెనింగ్ ఈవెంట్‌ను జూబ్లీహిల్స్ దస్పల్లా హోటెల్లో ప్లాన్ చేశాం.

'అంత అవసరమా' అని అడక్కండి. అది వేరే ఇంటర్నల్ విషయం. 

ఒక టాప్ రేంజ్ చీఫ్ గెస్టుని, ఇంకో టాప్ రేంజ్ వీఐపీతో చెప్పించుకొని ఓకే చేయించుకున్నాం. ఈవెంట్ ఇంకో రెండున్నర రోజులుందనగా మా చీఫ్ గెస్ట్ ఆఫీసు నుంచి రావట్లేదని కాల్ వచ్చింది. ఈయన వస్తున్నాడు కదా అని ఇంకెవరూ అవసరం లేదనుకున్నాను. ఎవరూ లేని పరిస్థితి.

ఏం చెయ్యాలి?

ఏం ఆలోచించకుండా ప్రోగ్రాం కాన్సిల్ చేసేశాను. మళ్ళీ ఇంకో పది రోజుల తర్వాత పెట్టుకున్నాం. 

ఈసారి సెలబ్రిటీ గెస్టుల కోసం మా టీమ్, నేను, మా సీఈవో ప్రదీప్ చంద్ర చాలా ట్రై చేశాం. స్టార్ హోటెల్లో చేస్తున్నాం... అంతో ఇంతో పరిచయాలున్నాయి... ఒకరిద్దరు ఇప్పుడూ లైమ్‌లైట్‌లో వున్న గెస్టులు రాకపోతారా అనుకున్నాం.

జస్ట్ రెండు రోజుల్లోనే "రారు" అని అర్థమైంది. వెంటనే నేను మా TDFA (తెలుగు ఫిలిం డైరెక్టర్స్ అసోసియేషన్) ప్రెసిడెంట్ వీరశంకర్ గారికి కాల్ చేశాను. ఆరోజు షూటింగ్ బిజీ ఉన్నప్పటికీ, ఇండస్ట్రీ రియాలిటీస్ తెలిసిన ఒక సీనియర్ డైరెక్టర్‌గా "వస్తాను" అని నాకు మాటిచ్చారు. 

వెంటనే డైరెక్టర్స్ చంద్ర మహేశ్, గాంధీ, బాబ్జీ, ప్రియదర్శిని గార్లను కూడా ఆహ్వానించాను.

ఇది నేను తీసుకొన్న సరైన నిర్ణయం.

మన డైరెక్టర్స్ యూనియన్ ప్రెసిడెంట్, మన దర్శక మిత్రులుండగా ఇంకెవరో రాని సెలబ్రిటీల కోసం ఎందుకు అనవసరంగా తంటాలు పడ్డం?

మన ప్రోగ్రాం సందర్భంగా మనవాళ్ళను కలుసుకోవడం, మనవాళ్ళను గౌరవించుకోవడం, ఆహ్లాదంగా మాట్లాడుకోవడం, ఆత్మీయంగా ఫోటోలు తీసుకోవడం కన్నా ఆనందం ఏముంటుంది?

ప్రోగ్రాం బాగా జరిగింది. ఆల్ ఓకేస్.  

కట్ చేస్తే -      

మొన్న ప్రొడ్యూసర్ దిల్ రాజు ఒక మాట చాలా స్పష్టంగా చెప్పారు...

"ఎవ్వరూ రారు, ఎవ్వరూ మీకు సపోర్ట్ ఇవ్వరు. మీకు మీరు సొంతంగా ప్రూవ్ చేసుకోండి, సక్సెస్ సాధించండి. అప్పుడు... ఇదిగో ఇలా మేం వస్తాం, అభినందిస్తాం" అన్నారాయన.

ఇంకేం కావాలి? చాలా క్లియర్‌గా చెప్పాల్సింది చెప్పారు. గతంలో ఆయన కూడా అలా ఎదిగినవాడే కదా?

అసలు సెలబ్రిటీలు గెస్టులుగా రావట్లేదు అని బాధపడే కొత్త హీరోలు ఒక చిన్న లాజిక్ గురించి ఒక్క క్షణం ఆలోచించాలి... 

సెలబ్రిటీలు గెస్టులుగా రావటం ద్వారా మీ సినిమా హిట్ అవుతుందా? మీ సినిమాలో కంటెంట్ బాగుంటే హిట్ అవుతుందా?  

- మనోహర్ చిమ్మని

No Guts, No Glory!

డొనాల్డ్ ట్రంప్... తన 78 వ ఏట 

చాలెంజ్ చేసి మరీ గెల్చాడు. 

ట్రంప్... 

ఒక రియాల్టర్. ఒక బిజినెస్‌మ్యాన్.

ఒక రైటర్. ఒక మీడియా పర్సనాలిటీ.  

ఒక టెలివిజన్ షో ప్రజెంటర్.

ఒక పొలిటీషియన్. 

జీవితాన్ని అన్‌లిమిటెడ్‌గా

ఎంజాయ్ చెయ్యటంలో - 

అసలెక్కడా ఇంచ్ కూడా తగ్గనోడు.   

తన 78 వ ఏట,

ఇప్పుడు మళ్ళీ ప్రపంచంలోనే 

అత్యంత శక్తివంతమైన దేశం

అమెరికాకు రెండోసారి 

ప్రెసిడెంట్ అయ్యాడు.  

అదీ గట్స్ అంటే!

అంతే గాని...

ప్రతి చిన్న పనిని చెయ్యలేక,

ప్రతి చిన్న లక్ష్యాన్న్ని సాధించలేక... 

ముక్కుతూ మూల్గుతూ, చెప్పిందే చెప్తూ

చేతకాలేదని చెప్పలేక, 

కొత్తగా ఏం చెప్దామా అని  

వంద సాకులు వెతుక్కోవడం కాదు!  

కట్ చేస్తే - 

Trump has once again proven that 

Age Is Just A Number!

Congratulations to Donald Trump 

on being elected as U.S. President 

for a second term. 

Wishing him a successful tenure, 

and I truly believe he’ll 

Make America Great Again! 

- Manohar Chimmani 

వీలైతే అప్రిషియేట్ చేద్దాం!

కూలిపని చేసి చదివించిన తన అమ్మ గురించి కిరణ్ అబ్బవరం ఎమోషనల్‌గా చెప్తోంటే నాకు చాలా ఇబ్బందిగా అనిపించింది. కావాలని చేసే శాడిస్టిక్ ట్రోల్స్ అతన్ని ఎంత బాధపెట్టకపోతే అంత బాహాటంగా బరస్ట్ అవుతాడు? 

మనుషులెందుకంత రాక్షసంగా మారుతున్నారు? 

ఇవ్వాళ ఉదయం అనుకోకుండా "క" ప్రి-రిలీజ్‌లో హీరో కిరణ్ అబ్బవరం స్పీచ్ చూశాను. ఆఫీసు నుంచి ఇంటికి వచ్చేవరకూ నన్ను అదే వీడియో వెంటాడింది. 

కూలిపని చేసే తల్లి కుటుంబం నుంచి వచ్చినవాళ్ళు హీరోలు కాకూడదా? సొంత కష్టంతో ఎదగకూడదా? 

అతను ఎదిగితే ఎవరికి అడ్డం? ఎవరికి నష్టం? ఈ డిజిటల్ యుగంలో కూడా ఇలాంటి చెత్త ఆలోచనలేనా? ఏం సాధిస్తారు? 

ఒకర్ని తొక్కడం ద్వారా పైకొచ్చే రోజులు పోయాయి. 

ఇప్పుడు ఎవరూ ఎవరికి పోటీ కాదు. ఎవరూ ఎవర్ని అడ్డుకోలేరు. సత్తా ఉన్నవాడు ఎవడైనా ఎదుగుతాడు. పైకొస్తాడు. తనదంటూ ఒక బ్రాండ్ క్రియేట్ చేసుకుంటాడు. 

పి ఆర్ ఒక్కదానితోనే పైకొస్తారనుకొంటే ఇప్పటికి ఎంతోమంది ప్రముఖుల పిల్లలు సక్సెస్ సాధించేవాళ్ళు. 

సక్సెస్‌కు పి ఆర్ ఒక్కటే సరిపోదు. ఇంకా చాలా కావాలి. 

ఓకే, పి ఆర్ తోనే పాపులర్ అయ్యాడనుకుందాం... తప్పేంటి? సెల్ఫ్ మార్కెటింగ్ లేకుండా ఏ ప్రొఫెషన్ ఉంది? మంచి పి ఆర్ మెయింటేన్ చేస్తూ ఉండటమనేది ఒక అదనపు అసెట్ ఎవరికైనా. 

అయితే, అల్టిమేట్‌గా ప్రేక్షకులు ఆదరించేది మాత్రం వారికి బాగా నచ్చిన కంటెంట్‌నే.  

కట్ చేస్తే - 

ఎలాంటి సినిమా నేపథ్యం లేని ఒక కొత్త హీరో, నాలుగేళ్ళలో 8 సినిమాల్లో నటించడం గొప్పవిషయమే. ఆ ఎనిమిది సినిమాల్లో 4 సక్సెస్ అంటే మరింత గొప్ప విషయం. 

ఆ ఫ్యాన్ ఫాలోయింగ్, ఆ క్రేజ్... నిజంగా అందరికీ అంత ఈజీ కాదు. ఊరికే రాదు. 

వీలైతే అప్రిషియేట్ చేద్దాం. పోయేదేముంది, మరింత ఉత్సాహంతో మరింత మంచి కంటెంట్ ఉన్న సినిమాల కోసం కష్టపడతాడని చెప్తూ... రేపు విడుదలవుతున్న కిరణ్ అబ్బవరం "క" మంచి సక్సెస్ సాధించాలని ఆశిస్తున్నాను. ఈ సందర్భంగా "క" చిత్ర దర్శకులు సుజిత్-సందీప్‌లకు, వారి టీమ్‌కు నా బెస్ట్ విషెస్.  

Kiran bro, no need to waste your time on those sadistic trollers—they are who they are. Just be yourself, keep enjoying your heroic journey, and keep rocking. Wishing you all the success for "KA" tomorrow! You’re going to crush it, I know it! 

- మనోహర్ చిమ్మని  

"...ఇజమ్" ప్రేమికులు తెలుసుకోవాల్సిన నిజం!

తమ ఆదాయంలో సుమారు 65% డబ్బు, అంటే మొత్తం ఒక 102 బిలియన్ డాలర్స్‌ను చారిటీ కోసం వెచ్చించిన రతన్ టాటాను కూడా విమర్శించే 'పనికిమాలిన బ్యాచ్' పోస్టులను ఫేస్‌బుక్‌లో చూసి కంపరం పుడుతోంది. 

వీళ్ళంతా 'మేధావులు', 'మేధో జర్నలిస్టులు'... అని వీళ్ళకి వీళ్ళే అనుకుంటారు. 

వీళ్ళ లెక్క ప్రకారం, రతన్ టాటా లాంటివాళ్ళు బాగా సంపాదించి, ఇలాంటి పనిదొంగలకు అన్నీ పుక్యానికి ఇవ్వాలి. అప్పుడే టాటా కాని, ఇంకో ఇండస్ట్రియలిస్టు గాని మంచోళ్ళయిపోతారు. 

కట్ చేస్తే -

కమ్యూనిజం నామరూపాల్లేకుండా పోయి చాలా కాలమైంది. 

అదొక ఫెయిల్యూర్ యుటోపియా. 

తూర్పు యూరోప్ దేశాలు కమ్యూనిజం నేపథ్యంలో పూర్తిగా కొలాప్స్ అయి, చివరికి కేపిటలిస్టిక్ డెమోక్రసీనే సరైందని తెలుసుకున్నాయి. సోషలిస్టు అగ్రరాజ్యంగా ఒక ఊపు ఊపిన సోవియట్ యూనియన్ కూడా ముక్కలవక తప్పలేదు.

ప్రపంచపటం మీద ఇప్పుడు మిగిలి ఉన్న ఒకే ఒక్క చెప్పుకోదగ్గ అత్యంత శక్తివంతమైన కమ్యూనిస్టు దేశం చైనాలో కూడా ఇప్పుడు దాదాపు 3 వేల కోట్ల యు యస్ డాలర్ల వ్యక్తిగత సంపద ఉన్న జాక్ మా లాంటి బిలియనేర్లు ఎందరో పుట్టుకొస్తున్నారు.  

చైనా కాకుండా... క్యూబా, లావోస్, వియత్నాం, ఉత్తర కొరియా తప్ప ప్రపంచపటం మీద కమ్యూనిస్టు పాలన ఆనవాళ్లెక్కడున్నాయి? 

అవి కూడా క్రమక్రమంగా లిబరలైజ్ కావడం లేదా? 

'ఇలా ఉండాలి... అలా ఉండాలి' అని నాలుగు గోడల మధ్య కూర్చొని రాసే రాతలతో ప్రపంచదేశాలు ప్రగతిపథంవైపు వెళ్ళవు. 

ప్రఖ్యాత రచయిత్రి ఐన్ రాండ్ కూడా అప్పటి రష్యా నుంచి పారిపోయి అమెరికా వెళ్ళింది. ఇంగ్లిష్ నేర్చుకొంది. హాలీవుడ్‌లో స్క్రీన్ రైటర్‌గా పనిచేసింది. తర్వాతనే ఫౌంటేన్ హెడ్. అట్లాస్ ష్రగ్గ్‌డ్ లాంటి సెన్సేషనల్ నవలలు రాసింది. ఆబ్జెక్టివిజం అనే కొత్త ఫిలాసఫీ సృష్టించింది. 

ముందు ఇలాంటి చిన్న చిన్న సాధారణ వాస్తవాలను తెలుసుకోవాలి. అయినాసరే, మేమింతే అనుకుంటే, ముందు మీ కుటుంబంలో ఉన్న నలుగురినైనా మీ బాటలో నడపడానికి ప్రయత్నించండి. రతన్ టాటా లాంటివాళ్ళను విమర్శించగలిగే కనీస హక్కు మీకు అప్పుడొస్తుంది.   

- మనోహర్ చిమ్మని

మా ఎమ్మే వాట్సాప్ గ్రూప్ లొల్లి!

డియర్ ఫ్రెండ్స్!

మీ అందరితో చాలా చాలా ఏళ్ళ గ్యాప్ తర్వాత, మళ్ళీ జనజీవనస్రవంతిలోకి వస్తూ, నేను చేసిన మొట్టమొదటి పని... మీ అందరితో టచ్‌లో ఉండాలనుకోవడం. వెంటనే ఈ గ్రూప్ క్రియేట్ చేశాను. 

It's wonderful to reconnect with all of you on this platform after such a long time. Thank you all for being here.  

కట్ చేస్తే - 

మనం అందరం కలవటం అనేది ఎప్పుడో కాని జరగదు. ఓయూలో మన ఎమ్మే జ్ఞాపకాలు, ఫోటోలు షేర్ చేసుకుంటూ, కనీసం ఇలా వాట్సాప్ గ్రూపులోనైనా వీలైనంత రెగ్యులర్‌గా పలకరించుకుంటూ టచ్‌లో ఉందాం అన్న ఉద్దేశ్యంతో నేను ఈ గ్రూప్ ప్రారంభించాను. 

చాలామంది రిటైర్ అయ్యారు. ఉద్యోగం బిజీ ఉండకపోవచ్చు, కాని రిటైర్ అనంతర బాధ్యతలు కూడా కొన్ని ఉంటాయనుకుంటాను. మొత్తానికి చాలా మంది బాగానే బిజీగానే ఉన్నారని అర్థమవుతోంది. 

ఇది మన ప్రి-క్లైమాక్స్ స్టేజ్. టైమ్ మనచేతుల్లో ఉండదు. ఎప్పుడేం జరుగుతుందో తెలీదు. ఉన్నన్నాళ్ళూ వీలైనంత హాప్పీగా-సరదాగా-స్ట్రెస్ లేకుండా ఉంటే మన ఆరోగ్యాలు కూడా బాగుంటాయి. ఈ కోణంలో అయినా మిత్రులంతా యాక్టివ్‌గా గ్రూపులో పాల్గొంటే బాగుంటుంది కదా! 

ఒక లైక్, ఒక స్మైల్, ఒక కామెంట్, చెత్త పోస్టు ఎవరైనా పెడితే తిట్టొచ్చు, నవ్వుకోవచ్చు, మేం మర్చిపోయిన జ్ఞాపకాల్ని మీరూ గుర్తుచేయొచ్చు. మీ దగ్గరున్న ఫోటోలు షేర్ చెయ్యొచ్చు. మీ ఇంట్లో శుభవారతలు, మీరు సాధించిన విజయాలు, మీరు మాతో షేర్ చేసుకోవాలనుకొనే విషయాలు, మీ రచనలు, మీ కవితలు, మీ విమర్శలు... వాట్ నాట్... డీసెంట్‌గా డిగ్నిఫైడ్‌గా మనం దాదాపు ఇంకా మన ఎమ్మే క్లాస్‌లోనే ఉనంట్టుగా ఈ గ్రూపులో ఉండొచ్చు. 

కాని, ఎందుకో కొంతమంది మిత్రులు అసలు సైలెంట్‌గా ఉంటున్నారు. నా వైపు నుంచి ఏదైనా పొరపాటు జరిగితే చెప్పండి. కరెక్ట్ చేసుకుంటాను. సజెషన్స్ ఇవ్వండి. అమలు చేద్దాం. కాని, యాక్టివ్‌గా ఉండండి... అని సవినయ మనవి!

If participating in this group is causing any issues for you, I won’t force anyone to stay. I'll make a decision based on my intuition tomorrow.

Best wishes, always!😎💐🙏💖🤝🤞🥁🥁🥁🥁

కట్ చేస్తే - 

My post next day... 👇

Hi Friends!

గ్రూప్ క్రియేట్ చేశాను. 

ఎందుకు చేశానో చెప్పాను. 

ఇక మీ ఇష్టం, 

తాంబూలాలిచ్చాను... 

ఒక వారం పదిరోజులు నా ప్రాజెక్టు పనుల్లో కొంచెం బిజీ నేను. 

అప్పటిదాకా గ్రూపును ఉండనిస్తారనే నమ్మకం! ;-)   

You rock... 💐😎🤞

- Manohar Chimmani 

పిచ్చాసుపత్రి మేధావులెలా ఉంటారంటే - 4

సినిమాలు, సినిమా వార్తలు, సినిమా గాసిప్స్, సినిమా హీరోహీరోయిన్ల ఫోటోలు, సినిమావాళ్ళ వీడియో క్లిప్స్, సినిమావాళ్ళ ఇంటర్వ్యూలు... మొత్తంగా అసలు సినిమా కంటెంట్ లేకుండా బ్రతకలేనివి కొన్నున్నాయి:

టీవీచానెల్స్, ఓటీటీలు, న్యూస్ పేపర్స్, మ్యాగజైన్స్, వెబ్‌సైట్స్, యూట్యూబ్ చానెల్స్, ఎట్సెట్రా. 

ఇలాంటి చాలావాటికి సినిమా కంటెంటే ఆక్సిజన్. 

సినిమా కంటెంట్ ఉంటేనే రీడర్‌షిప్/వ్యూయర్‌షిప్ పెరుగుతుంది, వ్యూస్ వస్తాయి, రేటింగ్ వస్తుంది. 

అవి బాగా వస్తేనే వాళ్ళకు డబ్బులొస్తాయి. 

ఇప్పుడీ సూడో-మేధావులు కూడా ఈ కోవలోకే వస్తున్నారు... 

వాళ్ళ రచనా వైదుష్యం, వాళ్ళ పాండిత్య ప్రతిభ, వాళ్లకుందీ అనుకుంటున్న అంతర్జాతీయ సినిమా పరిజ్ఞానం... ఇదంతా గుప్పించుకొని మురిసిపోడానికి ఇదొక దారి. 

సినిమా ప్లాట్‌ఫామ్ లేకుండా వీళ్ళూ బ్రతకలేరు. 

ఎడాపెడా కైమా కొట్టినట్టు రివ్యూలు రాయడం! సోషల్ మీడియాలో పోస్ట్ చేయడం!!

కాకపోతే, ఈ సూడో-మేధావులకి డబ్బులు రావు. ఉట్టి తుత్తి మిగుల్తుంది. 

తర్వాత ఇవే ఆర్టికిల్స్‌ను పుస్తకాలుగా వేసుకోవచ్చు. ఆవిష్కరణలు చేసుకోవచ్చు. పొగడ్తలు పొందొచ్చు. 

సినిమాల మీద కొన్ని అంతర్లోక విశ్లేషణలు వీరివి ఏ స్థాయిలో ఉంటాయంటే - ఆ సినిమా తీసిన డైరెక్టర్‌కే "వార్నీ... నేనింత ఆలోచించానా?!" అని పిచ్చెక్కిపోయేంతగా.   

అంతా కలిపి ఈ జనాభా ఒక 200-300 మంది ఉంటారనుకుందాం. వీరి వల్ల సినిమాల టికెట్స్ తెగవు. కోట్లు రావు. 

అసలు సినిమా బిజినెస్‌కు వీళ్ళు టార్గెట్ ఆడియన్స్ కానే కారు. 

వీళ్లనిలా బ్రతకనిస్తే పోలా... అని ఫిలిం మేకర్స్ అసలు పట్టించుకోడం మానేశారు. 

కట్ చేస్తే -

వీళ్ళు "చాలా బాగుంది" అని మెచ్చుకున్న సినిమాలకు కలెక్షన్స్ ఉండవు. 

వీళ్ళు "చెత్త సినిమా" అని తేల్చేసిన సినిమాలకు కోట్లు కురుస్తాయి. 

ఇలాంటి ఒక మంచి క్లూ ఇస్తూ, ఫిలిం మేకర్స్‌కు వీళ్ళు మేలే చేస్తున్నారనుకుంటే పోలా?        

కట్ చేస్తే -

ఈ సూడో-మేధావుల రివ్యూల్ని, పోస్టుల్ని, కామెంట్లను అసలు పట్టించుకోకూడదు. అసలు అలాంటి నెగెటివ్ వాసన వచ్చిన పోస్టులోకి వెళ్ళకపోవటం బెటర్.

ఇలాంటి శాడిస్టు పోస్టులో, కామెంట్లో మరీ మనకు ఇబ్బందికరంగా అడ్డొస్తున్నాయనిపిస్తే "అన్-ఫాలో", "బ్లాక్" ఉండనే ఉన్నాయి. 

మన సొంత పోస్టుల కింద వచ్చే చెత్త కామెంట్స్ విషయంలో కూడా అంతే. అసలు చూడకూడదు, పట్టించుకోకూడదు. ఏదైనా నాన్సెన్స్ కంటికి కనిపించిందా... జస్ట్ అన్-ఫాలో, బ్లాక్!  

సూపర్ స్టార్ రజినీ కాంత్ చెప్పినట్టు - దారిలో మొరుగుతున్న కుక్కల్ని పట్టించుకోకుండా - మన పనిలో మనం ముందుకు వెళ్తూనే ఉండాలి. 

ఓం తత్సత్.  

- మనోహర్ చిమ్మని 

పిచ్చాసుపత్రి మేధావులెలా ఉంటారంటే - 3

ఏ సినిమాలోనైనా కాస్టింగ్ అనేది డైరెక్టర్ ఇష్టం. 

కల్కి2898ఏడీ సినిమాలో కూడా అంతే...  

ప్రభాస్, అమితాబ్ బచ్చన్, కమల్ హాసన్, దీపికా పడుకోన్, మృణాల్ ఠాకూర్, మాళవికా నాయర్, రాజమౌళి, అనుదీప్ వంటివారిని ఎలా ఎంచుకున్నాడో, విజయ్ దేవరకొండను కూడా అలాగే ఎంచుకున్నాడు నాగ్ అశ్విన్. 

ఒకవేళ అర్జునుడి పాత్రలో విజయ్ నటన బాగా లేదనుకుంటే, అతనొక్కడి కోసం డైరెక్టర్ తన 600 కోట్ల ప్రాజెక్టుని పాడుచేసుకోడు. కాంప్రమైజ్ అవడు. ఒకవేళ అతను కాంప్రమైజ్ అయినా, అశ్వినీదత్ లాంటి అగ్రశ్రేణి నిర్మాత కాంప్రమైజ్ అవ్వరు. 

ఇది సింపుల్ లాజిక్. 

ఇదంతా పక్కన పెట్టి, కొంతమంది విజయ్ దేవరకొండను ట్రోల్ చెయ్యడమనేది సోషల్ మీడియాలో నానా రచ్చకు దారి తీసింది. అదింకా కొనసాగుతోంది.

ఇందులో విజయ్ దేవరకొండ తప్పేమైనా ఉందా? ఇందుకిలాంటి సంస్కార రహితమైన దాడి?

ఇక, ఈ ట్రోలింగ్‌లో వాడిన భాష గురించి ఎంత తక్కువ చెప్పుకుంటే అంత మంచిది.   

సహజంగానే విజయ్ అభిమానుల ఎదురుదాడి కూడా అదే స్థాయిలో తీవ్రమైంది. ఇంకా కొనసాగుతోంది. 

ఫ్యాన్స్ వేరు, ఆ కేటగిరీ వేరు. వాళ్ళూ వాళ్ళూ తిట్టుకుంటారు, తిట్టించుకుంటారు. అది మామూలే.  

ఈ సూడో-మేధావులకేమైంది? 

మీకు ఆ హీరో నటన నచ్చకపోవచ్చు. తప్పులేదు. కాని, దానికి ఇంత దారుణమైన కామెంట్స్, ఎగతాళి అవసరమా? 

ఒక హీరోపైన ఎందుకింత వ్యక్తిగత కక్ష?    

కట్ చేస్తే -  

సినీ ఫీల్డులో అయినా, రాజకీయాల్లో అయినా, ఇంకే ఫీల్డులో అయినా, ఎవరి ఎజెండాలు వారికుంటాయి. లోపలి విషయాలు వేరు, బయటికి కనిపించే విషయాలు వేరు.

అసలైనవాళ్లంతా బాగానే ఉంటారు. ఎటొచ్చీ మధ్యలో ఇలా కొట్లాటలు పెట్టుకొని ఫూల్ అయ్యేవాళ్ళు, కరివేపాకులా తీసివేయబడేవాళ్ళు ఎవరంటే - ఇదిగో, ఇలా వారి కోసం గొడవలు పెట్టుకొని అనవసరంగా శత్రువులుగా మారే ఈ మధ్యలోనివాళ్ళే.  

సినిమారంగంలో ఉన్నవాళ్లకంటే ఇవన్నీ తప్పవు. కోట్లు పెడుతుంటారు, సంపాదిస్తుంటారు, పోగొట్టుకుంటుంటారు. కెరీర్ పరంగా, బిజినెస్ పరంగా నానా సిచువేషన్స్ ఫేస్ చేస్తుంటారు. అది వారి ప్రొఫెషన్. అది వారి జీవితం.  

మిగిలినవాళ్లేవరికైనా సినిమా అనేది జస్ట్ ఒక ఎంటర్‌టైన్మెంట్ మీడియా. చూడాలి, వదిలెయ్యాలి. అంతే. మిగిలిందంతా జస్ట్ బుల్ షిట్.     

- మనోహర్ చిమ్మని   

పిచ్చాసుపత్రి మేధావులెలా ఉంటారంటే - 2

KALKI2898AD... 

ఈ సినిమా చూసిన ఒక మేధావి "సినిమాటిక్ ఎక్స్‌పీరియెన్స్" ఎలా ఉందంటే -

అతనికి సరిగ్గా ముందు సీట్లో కూర్చున్న ప్రేక్షకుడు సినిమాలో లీనమైపోయి, ఎక్జయిట్‌మెంట్‌తో సీట్ ముందుకు జరిగి నిటారుగా కూర్చున్నాడట. అందువల్ల ఈయనకు స్క్రీన్ పూర్తిగా కనిపించట్లేదట. 

ఇక అతనికి సరిగ్గా వెనక సీట్లో కూర్చున్న ప్రేక్షకుడు ఆల్రెడీ ఒకసారి KALKI2898AD సినిమా చూసినందువల్ల, స్క్రీన్ మీద వచ్చే ప్రతి డైలాగ్‌ను ముందే చెప్తున్నాడట. 

ఇదంతా ఆ సోకాల్డ్ సూడో-మేధావి తన పోస్టులో రాసిందే! నా సొంత కవిత్వం కాదు. 

సినిమా నచ్చకపోతే - ముందు కూర్చున్నవాడు అంత ఎక్జయిట్‌మెంట్‌తో సీటు ముందుకి జరిగి కూర్చొని చూడడు. వెనక కూర్చున్నవాడు రెండోసారి సినిమాకి రాడు. 

దట్ సింపుల్. 

హౌజ్ ఫుల్ అయినా ఆ సినిమా హాల్లో ఈయనొక్కడికి సినిమా నచ్చలేదు. ఈయన లాంటి ఇంకో ఇరవై-ముప్పై మందికి కూడా నచ్చకపోవచ్చు. తప్పేం లేదు.

ఏ సినిమా అయినా అందరికి నచ్చాలని రూలేం లేదు.  

కానీ, నీ ఒక్కడికి నచ్చనంత మాత్రాన నీ మేధావిత్వమంతా గుప్పిస్తూ - నీకు సినిమా నాలెడ్జి చాలా వుందని చెప్పుకొంటూ - ఇది రివ్యూ కాదంటూనే - అంత పెద్ద శాడిస్టిక్ రివ్యూ రాయాలా? 

నీ టేస్టు, ప్రపంచం టేస్టు ఒక్కటే అవ్వాలని రూలేమన్నా ఉందా?

ప్రపంచమంతా లక్షలాదిమంది ప్రేక్షకులు సినిమా ఎంజాయ్ చేస్తూ, వందల కోట్ల వర్షం కురిపిస్తుంటే - వాళ్లంతా అభిరుచిహీనులైన తప్పుడు ప్రేక్షకులైనట్టు, నువ్వొక్కడివే స్టాండర్డ్ ప్రేక్షకుడివైనట్టు ఇలాంటి శాడిస్టిక్ రాతలు రాసి నువ్వేం సాధించాలనుకున్నట్టు?  

కట్ చేస్తే - 

సినిమాటిక్ ఎక్స్‌పీరియెన్స్ గురించి, ఆర్ట్ ఫామ్ గురించి రివ్యూల రూపంలో ఇంతింతేసి థీసిస్‌లు రాస్తున్న ఇలాంటివాళ్ళల్లో ఏ ఒక్కరయినా, పూనుకొని, ఒక అద్భుత కలాఖండం ఎందుకు తీయలేకపోతున్నారు అన్నది నా హంబుల్ డౌట్!    

After all, cinema is a business. A big business. We make movies that make money. Everything else is just bullshit.

- మనోహర్ చిమ్మని 

పిచ్చాసుపత్రి మేధావులెలా ఉంటారంటే - 1

ఇందాకే మా అసిస్టెంట్ డైరెక్టర్ పంపించిన ఒక ఫేస్‌బుక్ లింకుని ఓపెన్ చేసి చదివాను... అది డైరెక్టర్ నాగ్ అశ్విన్ KALKI2898AD సినిమా మీద ఆయన కక్కిన విషం. 

ఇలాంటివాళ్ళు ఇంకా ఉన్నారని అప్పుడప్పుడు ఈ తరహా మేథో-రివ్యూలు చదివినప్పుడు తెలుస్తుంటుంది.

ఆమధ్య సందీప్ రెడ్డి వంగా ANIMAL సినిమా మీద కూడా కొందరు సూడో-మేధావులు ఇలాంటి విషమే చిమ్మారు. అది పాత కథ. 

కట్ చేస్తే -      

వందల కోట్లు పెట్టి తీసి, వేల కోట్లు కొట్టేసే "స్కీమ్" అట కల్కి! 

ఎంత నాన్సెన్స్? అసలే కాలంలో ఉన్నారు వీళ్ళు? 

సినిమా అనేది పూర్తిగా ఒక ఎంటర్‌టైన్మెంట్ మీడియా, ఒక బిగ్ బిజినెస్ అన్న కామన్ సెన్స్ వీళ్ళకు ఎప్పుడొస్తుంది? 

స్టార్ వార్స్, స్పయిడర్ మ్యాన్, టర్మినేటర్, గ్లేడియేటర్, లార్డ్ ఆఫ్ ద రింగ్స్ లాంటి సినిమాలన్నీ ఏ లాజిక్‌కు నిలబడతాయి? 

ఇలాంటి సూడో-మేధావుల లెక్కల్లో సినిమా తీయాలంటే ఇంక హాలీవుడ్ దుకాణం మూసుకోవాల్సిందేగా?

ఈయన చాలా బాగున్నవి అని పొగిడిన పాతాళభైరవి, మాయాబజార్, కేజీయఫ్, బాహుబలి సినిమాలు కూడా, ఈయనే ఈకలు-తోకలు పీకి చెప్తున్న చెత్త లాజిక్స్‌కి నిజంగా నిలబడతాయా?   

పాయింట్ బై పాయింట్, కల్కి2898ఏడీ సినిమాను తనివితీరా చీల్చి చెండాడుతూ, తన అంతరాంతరాల్లో ఉన్న ఏదో తీరని కోరికను ఒక భారీ శాడిస్టిక్ పోస్టుపెట్టడం ద్వారా తీర్చుకొన్న ఈయన, ఆ పోస్టు చివర్లో, "చివరి మాట" అని ఇంకో పనికిమాలిన కొత్త పాయింట్ తీశాడు.

దాని సారాంశం ఏంటంటే... ఈయన ఆనందం కోసం, తెలంగాణ డైరెక్టర్స్ కేవలం మల్లేశం, బలగం, పెల్లిచూపులు, విరాటపర్వం లాంటి చిన్న చిన్న సినిమాలే తీయాలి!

అంటే, "మీరు చిన్న సినిమాలే తీయాలి, బీద సినిమాలే తీయాలి, మాకు నచ్చే లెఫ్టిజమ్ ఓరియెంటెడ్ సినిమాలే తీయాలి" అని ఇన్‌డైరెక్టుగా "ఇదీ మీ పరిధి" అని తెలంగాణ డైరెక్టర్స్‌కు చెప్పడమేగా?    

ఎంత కుళ్ళు? ఎంత పైశాచిక శాడిజానందం?   

అసలు క్రియేటివిటీకి ఇలాంటి ప్రాంతీయ హద్దులుంటాయా?

ఈయన చెత్త లాజిక్స్‌కు అందని మన భారతీయ సినిమాలెన్నో అమెరికా, ఇంగ్లండ్, జపాన్, చైనా వంటి దేశాల్లో సైతం ఇప్పుడు కోట్లు కొల్లగొట్టడం లేదా?    

ఇంకెప్పుడు మారతారు వీళ్ళు?   

- మనోహర్ చిమ్మని

అది వారి మానసిక వైకల్యం... అదే వారి జీవన విధానం

మానసిక వ్యాధిగ్రస్తులు కొందరు నా బ్లాగులోకో, నా సోషల్ మీడియాలోకో వచ్చి అప్పుడప్పుడు కొన్ని చెత్త కామెంట్స్ పెడుతుంటారు...

వారి భవిష్యత్తు గురించి, వారిని భరిస్తున్న వారి కుటుంబం గురించి నాకు చాలా జాలి అనిపిస్తుంది. 

కట్ చేస్తే -

ఈ ప్రపంచంలో ఏ ఒక్క విషయంపైనైనా అందరి అభిప్రాయాలు, ఆలోచనలు ఒక్కలా ఉండవు. ఉండాల్సిన అవసరం లేదు. 

అసలు నేనే కరెక్ట్ అనుకోవడం కంటే పెద్ద బుద్ధి తక్కువ పని ఇంకోటి ఉండదు. అలా నేననుకోను. 

అంతే కాదు, ఒకప్పుడు నేను కరెక్టు అనుకున్నవి అన్నీ ఇప్పుడు కరెక్ట్ కాకపోవచ్చు. 

మార్పు సహజం.  

There is nothing permanent except change.

నా బ్లాగులోనో, నా సోషల్ మీడియాలోనో నా ఇష్టాలు, నా ఆలోచనలు, నా పాయింటాఫ్ వ్యూలు నేను రాసుకొంటుంటాను. అది నా స్వేచ్ఛకు సంబంధించిన విషయం. 

అందరికీ నా రాతలు నచ్చాల్సిన అవసరం లేదు. నచ్చనివాళ్ళు నిర్మాణాత్మకంగా విమర్శ చేయవచ్చు. వారి పాయింటాఫ్ వ్యూ చెప్పవచ్చు. 

కాని, బీపీ తెచ్చుకొని ఒక సైకోలా ఏదేదో చెత్త రాయడం, బూతులు రాయడం... ఇవన్నీ వారి మానసిక పరిస్థితిని తెలుపుతాయి. లాజిక్ ఎదుర్కోలేనివారే ఇలాంటి ఆవేశం తెచ్చుకొంటారు. సహనం కోల్పోతారు. లోపల్లోపల వారిలో పెరుగుతున్న మానసిక వ్యాధి పైకొస్తుంది. ఏదో చెత్త కామెంట్ చేస్తారు. సంతృప్తిపడతారు. 

అది వారి మానసిక వైకల్యం. అదే వారి జీవన విధానం.  

అలాంటి జీవరాశులు కూడా సోషల్ మీడియాలో ఉంటాయి అనుకొని, సూపర్ స్టార్ రజినీకాంత్ చెప్పినట్టు "మనపనిలో మనం ముందుకెళ్తుండటమే" మనం చేయగలిగింది.  

- మనోహర్ చిమ్మని 

CBN Proves Age is Just a Number !!

ఆంధ్రప్రదేశ్ ప్రజలకు శుభాకాంక్షలు. నా మిత్రులు, శ్రేయోభిలాషులు, బంధువులు కూడా ఎందరో ఏపీలో ఉన్నారు... వారందరికి కూడా నా ప్రత్యేక శుభాకాంక్షలు. 

పాలిటిక్స్ ఒక డిఫరెంట్ గేమ్. బయటికి కనిపించే పాలిటిక్స్ వేరు. ఇంటర్నల్ పాలిటిక్స్ వేరు. ఈ గేమ్‌లో అతిరథమహారథులతో ఒక ఆట ఆడుకున్న అనుభవం సి బి యన్ కు ఉంది. అలాగే, ఎన్నో ఆటుపోట్లు ఎదుర్కొన్న అనుభవం కూడా.  

కాని, 74 ఏళ్ళ వయస్సులో కూడా సంపూర్ణమైన ఫిట్‌నెస్ మెయింటేన్ చేస్తూ, ఒక అత్యంత కఠినతరమైన లక్ష్యం పెట్టుకొని, ఆ లక్ష్యాన్ని బాహాటంగా బయటికి చెప్పి మరీ సాధించటం గొప్ప విషయం. 'Age is just number' అని సి బి యన్ తాజాగా ప్రూవ్ చేశారు. పార్టీలకతీతంగా ఇలాంటి సక్సెస్ సైన్స్‌కు సంబంధించిన అంశాలు నన్ను బాగా ఆకట్టుకుంటాయి. 

కట్ చేస్తే -   

 

5 సంవత్సరాల తర్వాత, సి ఎం గా మళ్ళీ అధికారం చేపట్టబోతున్న సందర్భంగా సి బి యన్ గారికి హార్దిక శుభాకాంక్షలు.  

ఎన్నో సవాళ్లున్నాయ్. సి బి యన్ ఈ సారి రెచ్చిపోతారనటంలో సందేహం లేదు. ఆ అవసరం ఉంది కూడా. ఫోకస్ అటువైపే పెడితే మంచిది. బిల్ గేట్స్ ఏం ఖర్మ, ఆయన బాబుని కూడా రప్పిస్తారాయన. ఆ విజన్, ఆ మెకానిజం ఆయనకుంది. 

రాష్ట్రంలోనే కాదు, ఖండాంతరాల్లో కూడా ఆయనకోసం ఏదైనా సరే చెయ్యడానికి, ఎప్పుడూ సిద్ధంగా ఉండే వేలాదిమంది అత్యున్నతస్థాయి డైహార్డ్ అభిమానగణాన్ని కలిగి ఉన్నారాయన. అదంత మామూలు విషయం కాదు. ప్రత్యక్షంగా, పరోక్షంగా వారంతా కూడా సి బి యన్ విజయంలో ప్రధాన పాత్ర వహించినవారే. వారి కంట్రిబ్యూషన్ కూడా చాలా విలువైంది.  

ఆంధ్రప్రదేశ్ ప్రజలు సి బి యన్ నుంచి ఏం ఆశించి ఇంత ఘనమైన విజయం ఆయనకి అందించారో అది పూర్తిచేయగల సత్తా ఆయనకుంది. చేస్తారని ఆశిస్తూ... రేపు ముఖ్యమంత్రిగా నాలుగోసారి ప్రమాణస్వీకారం చేయబోతున్న చంద్రబాబు నాయుడు గారికి మరొక్కసారి హార్దిక శుభాకాంక్షలతో -            

- మనోహర్ చిమ్మని         

మీడియా మొఘుల్‌కు నివాళి

కోట్లాదిమందిని ఒక పత్రికకు ఎడిక్ట్ చెయ్యటం అంత చిన్న విషయం కాదు. అన్నదాత, చతుర, విపుల లాంటి పత్రికల ఆలోచన ఇంకెవ్వరైనా చేశారా? భాష గురించి, జర్నలిజం స్కూల్ గురించి ఆయన చేసిన కృషి మరే పత్రికాధిపతులు చెయ్యలేకపోయారు. ఒక టీవీ చానెల్‌తో ప్రారంభించి, ఈటీవీ చానెల్స్‌ను ఎన్నెనో భాషల్లో దేశమంతా విస్తరింపజేసిన ఘనత కూడా ఆయనదే. ఉషాకిరణ్ మూవీస్ బ్యానర్‌లో ఎన్నెన్నో అద్భుతమైన సినిమాలు నిర్మించారు. ప్రపంచస్థాయి ఫిలిం సిటీ గురించి ఊహించడానికే ఎన్నో గట్స్ కావాలి. ఆర్ ఎఫ్ సి రూపంలో అలాంటిది నిర్మించి చూపించారాయన.

ఒకటిరెండు విషయాల్లో ఆయన దృక్కోణం పక్కనపెడితే, సక్సెస్ సైన్స్ పాయింటాఫ్ వ్యూలో రామోజీరావుది ఒక గొప్ప రాగ్స్-టు-రిచెస్ స్టోరీ. మనిషి తల్చుకొంటే ఏదైనా సాధ్యమే అని నిరూపించిన ఈనాడు గ్రూపు సంస్థల సామ్రాజ్యాధినేత రామోజీరావుకు నివాళి. - మనోహర్ చిమ్మని

మిగతాదంతా సేమ్ టు సేమ్!

ఇది సాధారణ విజయం కాదు. అంత సింపుల్ కాదు. 

ఇందులో ఎలాంటి మాయ లేదు. మర్మం లేదు. 

రైట్ టైమ్‌లో రైట్ డెసిషన్స్ తీసుకోవడం. "ఎవడేమనుకున్నా సరే, ఏదేమైనా సరే... నేను సాధిస్తున్నాను, సాధించి తీరతాను" అనే కిల్లర్ ఇన్‌స్టింక్ట్. 

అతనిలోని సహజసిద్ధమైన ఇంకొన్ని క్వాలిటీస్ కూడా వీటికి బాగా తోడయ్యాయి.   

మా సినిమా ప్రపంచం నుంచి రాజకీయాల్లో ఇటీవల ఇదే అతిపెద్ద రికార్డు. రేపు ఆంధ్రప్రదేశ్ అసెంబ్లీలోను తన రేంజ్ సత్తా చూపించడానికి ఇది చాలు. 

ఇంతకు ముందు ఎన్నికల్లో తాను పోటీచేసిన రెండుచోట్లా ఓడిపోవడం ఆయన్ను డిజప్పాయింట్ చెయ్యలేదు. ఇంచ్ కూడా వెనక్కి తగ్గనీయలేదు.  

మొన్న అక్టోబర్‌లో చంద్రబాబు నాయుడును జైల్లో పెట్టినప్పుడు, వెళ్ళి కలిశాడు. ఒక నిర్ణయం తీసుకున్నాడు. "బాబుతో నేనున్నాను, మేం కలిసి పోటీచేస్తాం" అని బయటికొచ్చి రెండు మాటలు చెప్పాడు. 

నా ఉద్దేశ్యంలో - అతని ఈ ఒక్క నిర్ణయం ఒక సెన్సేషనల్ బటర్‌ఫ్లై ఎఫెక్ట్‌లా పనిచేసింది. 

కట్ చేస్తే - 

"పార్టీ పెట్టింది పోటీ చెయ్యడానికి కాదు, ప్యాకేజీల కోసం" అని ఎన్నోరకాల మాటలతో ఎగతాళి చేసినవాళ్లందరికీ మొహం మీద గుద్దినట్టుగా స్ట్రెయిట్ సింగిల్ పంచ్ ఆన్సర్.   

21/21, 2/2... 100% మాండేట్! 

దటీజ్ పవర్ స్టార్ పవన్ కళ్యాణ్.  

Heartfelt congratulations to Power Star Pawan Kalyan on this special occasion! Wishing you a powerful tenure ahead as an even more powerful politician!!

- Manohar Chimmani 

నో హిపోక్రసీకి బ్రాండ్ అంబాసిడర్ ఆయన!

ఆయన సినిమానే ఒక స్పెషల్ జోనర్. ఆ జోనర్‌లో ఆయన్ని బీట్ చేసేవాడు లేడు. ఇంకా ఏలుతున్నాడు. 

ఆయన ఒక సరదా మనిషి. చాలా మంచి వాడు.

నో హిపోక్రసీకి బ్రాండ్ అంబాసిడర్ ఆయన. చేసేదొకటి చెప్పేదొకటి ఉండదు. అంతా ఒక్కటే.

ఆయన లైఫ్‌స్టయిల్ నాణేనికి కూడా "జీవించే జీవితం, జీవించాలనుకునే జీవితం" అని అందరిలా రెండు పార్శ్వాలుండవు. అంతా ఒక్కటే. సింపుల్‌గా చెప్పాలంటే 'ఆర్జీవీ' కంటే అరవై రెట్లు ఎక్కువ. 

ఒక్కటే లైఫ్ అన్నది ఆయనకి బాగా తెలుసనుకుంటాను. ఒక రేంజ్‌లో లైఫ్ ఎంజాయ్ చేస్తాడు. 

స్టేజీ మీద ఈ మాటంటే... లేదా, ఇలా ప్రవర్తిస్తే ఎవరు ఏమనుకుంటారో, ఎలాంటి అర్థాలు తీస్తారో, సోషల్ మీడియాలో ఏం ఆడుకుంటారో, దాన్ని పొలిటీషియన్స్ ఎలా వాడుకుంటారో... ఇవన్నీ ఆయనకు పట్టదు. పట్టాల్సిన పన్లేదు. డోంట్ కేర్... జస్ట్ ఫక్కాఫ్. 

కాని, హీరోయిన్స్ హైహీల్స్ వేసుకొని ఉంటారు. సడెన్‌గా అలా తోసేసినప్పుడు, కిందపడితే చాలా డేంజర్. అదొక్కటే... 

కాని, ఇది కూడా ఆయన ఆలోచించడు. అంత టైమ్ వృధా చెయ్యడు. తన చుట్టూ ఉన్నవాళ్ళు కూడా 'జోన్ అవుట్' అవ్వకుండా, తన ఆరాలో ఉండితీరాలనుకుంటాడు. అదే ఆయన స్టైల్. 

ఆయనదొక ఫ్లో.

ఆయన దగ్గర్లో ఉన్నప్పుడు ఆ ఫ్లో ఎటుతిరిగి ఎటు వస్తుందో తట్టుకొనే శక్తి కూడా చుట్టు ఉన్నవాళ్ళకి ఉండాలి. ఉండితీరాలి.

మిగిలిందంతా జస్ట్ బుల్‌షిట్.  

కట్ చేస్తే -

అక్కడ యు యస్ లో అయినా, ఇక్కడ హైద్రాబాద్‌లో అయినా... పబ్బుల్లో ఆయన పాటలు మోగుతుంటాయి. ఆ ఫాన్స్ ఈ ఫాన్స్ అన్న తేడా లేకుండా అందరూ ఆయన పేరుని జైకొడుతుంటారు. డాన్స్ చేస్తుంటారు. 

అదొక మేనియా. అదొక మ్యాజిక్.  

దటీజ్ బాలయ్య.   

- మనోహర్ చిమ్మని 

రాంగోపాల్‌వర్మ లాంటివాళ్లే ఇలాంటి వారికి బెస్ట్ ఆన్సర్స్!

"మొరగని కుక్కలేదు. విమర్శించని నోరు లేదు. ఇవి రెండూ జరగని ఊరు లేదు. మన పని మనం చేసుకుంటూ పోతూనే ఉండాలి!” 

రజినీకాంత్ ఈ మాట ఊరికే అనలేదు. ఆయన అనుభవంలో ఇలాంటి సందర్భాలు ఎన్నో వందలు చూసుంటారు. 

కట్ చేస్తే - 

ఒక టెక్నీషియన్‌గా తన పని, పరిమితుల పట్ల కనీస అవగాహన లేని అనుభవానికి అర్థం లేదు.  

డైరెక్టర్ విజువల్‌గా తనకు ఏం కావాలో, ఎలా కావాలో చెప్పి చేయించుకోడానికే కెమెరామన్. 

ఈ కనీస అవగాహన లేనిచోట ఈగో ఉంటుంది. "డైరెక్టర్‌కు నాకంటే బాగా తెలుసా" అన్న చిన్నచూపు ఉంటుంది. ఇంక, నానా ఫీలింగ్స్ ఉంటాయి. 

"అరుపులు కేకలు లేకుండా కూల్‌గా షూటింగ్ చేసుకుందాం" అని నవ్వుకుంటూ ఫ్రెండ్లీగా అన్నందుకు, "యూనియన్‌కు వెళ్తా" అని ఒక సీనియర్ కెమెరామన్ నా సినిమా షూటింగ్ ఒకరోజు దాదాపు ఆపేసినంత పనిచేయడం నాకింకా గుర్తుంది. తర్వాత మేమిద్దరం మంచి మిత్రులమయ్యాం. అది వేరే విషయం. 

అద్భుతమైన స్కిల్ ఉండి కూడా, కేవలం ముక్కుమీద కోపం, ఇలాంటి చిన్న చిన్న ఈగోల వల్ల ఇండస్ట్రీ నుంచి కనుమరుగైపోయిన ఆర్టిస్టులు, టెక్నీషియన్లు ఎందరో ఉంటారు. ఎన్ని అవలక్షణాలున్నా కొందరు మాత్రం అంత త్వరగా ఎగ్జిట్ కారు. ఆ కొందరికి కొన్ని ఎక్‌స్ట్రా టెక్నికల్ స్కిల్స్ ఉంటాయి. ఆ డీటెయిల్స్ అలా వదిలేద్దాం. 

కట్ చేస్తే - 

ఇప్పటికే నాలుగైదు బ్లాక్‌బస్టర్ హిట్స్ ఇచ్చిన డైరెక్టర్ హరీష్ శంకర్ స్పీచ్‌లంటే నాకు చాలా ఇష్టం. 

ఎక్కడా తడబడకుండా, స్పష్టమైన తెలుగులో ధారాళంగా మాట్లాడతారు. తను చెప్పాలనుకున్న పాయింట్ నుంచి అంత సులభంగా డీవియేట్ అవరు. స్వల్పంగా అలా కాస్త పక్కకెళ్ళినా, చివరకు ఒక మాంచి మేకు దిగ్గొట్టినట్టుగా తను చెప్పాలనుకున్నది చెప్పి స్పీచ్ ముగిస్తారు. 

ఇవ్వాళ "ఎక్స్"లో ఆయన లెటర్ హెడ్ మీద రాసి పెట్టిన పోస్టు చూశాక ఈ బ్లాగ్ రాయాలనిపించింది...

ఎంతయినా తనతో కలిసి పనిచేసిన టెక్నీషియన్, తనకంటే సీనియర్ అయిన కెమెరామన్ మీద ఈ పోస్టు పెట్టడానికి ముందు ఆయన ఎంత మథనపడివుంటారు? ఎంత బాధపడివుంటారు? 

టీవీచానెల్స్‌లోనో, యూట్యూబ్ చానెల్స్‌లోనో ఎన్నయినా ఇంటర్యూలిచ్చుకోవచ్చు. ఆయా చానెల్స్ కోరుకొనే ఏ బుల్‌షిట్ అయినా మాట్లాడుకోవచ్చు. కాని, ఇంకొకరిని బాధపెట్టేలా కాదు. 

నీకు మరీ అంత కోరిక ఉంటే డైరెక్టర్ కావచ్చుగా?

కాలేకపోతే అక్కడితో మర్చిపో.

అంతే కాని, ఇంకో శాఖలో పనిచేస్తూ, తనే డైరెక్టర్ అయినట్టుగా ఫీలవ్వటం, అలాంటి భ్రమలో ఉంటూ డైరెక్టర్స్‌ను ఇలా కెలకటం, బాధపెట్టడం నిజానికి అందరూ చేయరు. 

చేసే కొందరితోనే సమస్య. 

అప్పటికప్పుడు ఒక స్టిల్ ఫోటోగ్రాఫర్‌ను కెమెరామన్‌ను చేసి, సక్సెస్‌ఫుల్‌గా సినిమా పూర్తిచేసి, హిట్ చెయ్యగలిగిన రాంగోపాల్‌వర్మ లాంటివాళ్లే ఇలాంటి వారికి బెస్ట్ ఆన్సర్స్.   

పి సి శ్రీరాం, రవి కె చంద్రన్, అనిల్ మెహతా, రాజీవ్ మీనన్, సంతోష్ శివన్ లాంటి గొప్ప కెమెరామెన్ల యూట్యూబ్ చానెల్ ఇంటర్వ్యూలు నేను చూసినట్టు గుర్తులేదు. ఒకవేళ వారి ఇంటర్వ్యూలు ఉన్నా, "అంతా నేనే" అన్న పనికిరాని ఈగోతో మాట్లాడివుండరు. వారు కలిసి పనిచేసిన డైరెక్టర్స్ గురించి తప్పుగా అసలు మాట్లాడివుండరు.  

Because they know very well that the cinematographer is essentially translating the director's vision into imagery, not engaging in any politics.  

- Manohar Chimmani 

ఎవరు చేసే పని వాళ్ళు చెయ్యాలి!

వేల ఏళ్ళుగా వస్తున్న రాచరికానికి ఆధునిక రూపం డెమోక్రసీ. 

ఒక్క మనదేశంలోనే కాదు. ప్రపంచమంతా ఇంతే. అంతకంటే ఏం లేదు. కొంచెం హిపోక్రసీ పక్కన పెట్టి, రెండు నిమిషాలు ఆలోచిస్తే, ఎవరికైనా ఇట్టే అర్థమైపోతుంది. 

కట్ చేస్తే - 

మన అభిరుచికి, మన ఇష్టాలకు ఎంతో కొంత దగ్గరగా ఉండే పొలిటీషియన్స్‌ను, వారి పార్టీలను వీలైనంత సపోర్ట్ చెయ్యాటాన్ని మించి ఈవైపు అతిగా ఆలోచించడం వృధా.

అందుకే,  నేనెప్పుడూ ప్రత్యక్షరాజకీయాల వైపు ఆసక్తి చూపలేదు. ఒకటి రెండు మంచి అవకాశాలు వచ్చినా సవినయంగా 'నో' చెప్పాను. 

రాజకీయాల మీద ఆసక్తి ఉన్న సమర్థులు చాలామంది ఉన్నారు. 

ఎవరు చేసే పని వాళ్ళు చెయ్యాలి. 

- మనోహర్ చిమ్మని