బ్లాక్ కాఫీ రూల్

ఆమధ్య ఎక్కడో చదివాను. 

ఈమధ్యే అప్లై చేశాను. 

వందకి వంద శాతం ఈ రూల్ బాగా పనిచేస్తుంది.

ఎలాగంటే -

జస్ట్ బ్లాక్ కాఫీ. 

షుగర్ లేదు.

క్రీమ్ లేదు.

పాలు లేవు.

ఇది త్రాగటం మొదలెట్టినప్పటినుంచీ నా పనిలో, ఆలోచనల్లో, మొత్తంగా నాలోనే చాలా మార్పు నేను గమనించాను.

నో మిల్క్.

నో షుగర్.

నో క్రీమ్.

జస్ట్ ఒక్కటే... ప్లెయిన్ బ్లాక్ కాఫీ.

ముందు కొంచెం చేదుగా, అదొక రకంగా అనిపించింది. కాని రెండోరోజు నుంచే ఆ టేస్టే బాగనిపించింది. నచ్చింది. 

ఉన్నట్టుంది నా ఆలోచనలు, నా పనితీరు, నా జీవనశైలి, నా చుట్టూ వాతావరణం... అంతా మారిపోయింది. 

ఇంతకు ముందులా అందరికీ నేను నేను కాదు.   

కట్ చేస్తే -

బ్లాక్ కాఫీ రూల్ ఏం చెప్తుంది అంటే:

1. నీకు ఏది మంచో అది మాత్రమే ఎన్నుకో.

2. ఎవరికోసమో షుగర్ కోటింగులు, షార్ట్‌కట్‌లు, మొహమాటాలు వద్దు. 

3. మనకు పనికిరాని కవరింగులు, కమ్‌ఫర్ట్ అసలు వద్దు.

ప్రారంభంలో అంత బాగాలేకపోవచ్చు. కాని, నిజంగా మనకు పనికొచ్చేది అయితే చాలు, ఆ పనే చెయ్యి. అలాంటి నిర్ణయమే తీసుకో... ఎప్పుడైనా, ఎలాంటి పరిస్థితుల్లో అయినా. 

అంతా బాగుంటుంది.

బ్లాక్ కాఫీ తాగుతున్నట్టు.

- మనోహర్ చిమ్మని