కనీసం 8 వారాల గ్యాప్ కావాలి!

నెట్‌ఫ్లిక్స్... ప్రపంచవ్యాప్తంగా వాళ్ళు అగ్రిమెంట్ చేసుకునే ఏ సినిమా అయినా 17 రోజుల్లో వాళ్ళ ఓటీటీలో వేసుకునేలా ప్లాన్ చేస్తున్నారు. 

మనవాళ్ళు కనీసం 8 వారాల గ్యాప్ కోసం చర్చలు జరుపుతున్నారు. 

అసలే థియేటర్స్‌కు జనాలు రావట్లేదు.
ఇలా ఓటీటీ రిలీజ్ గ్యాప్ పెంచితే అయినా వస్తారని ఒక స్ట్రాటెజీ. 

సినిమాను థియేటర్లోనే చూడాలనే ప్యాషన్ ఏ మూలో కొద్దిగా మిగిలి ఉన్నవాళ్లు కొందరు థియేటర్‌కు రావచ్చు అప్పుడు. వీళ్ళంతా ఒక 33% అనుకుందాం. 

మిగిలిన 67% మంది ప్రేక్షకులు మాత్రం మూవీరూల్జ్, ఐ-బొమ్మ లాంటివాటిల్లోనే చూస్తారు. 

మరోవైపు, సినిమా ఇండస్ట్రీలో కూడా చాలామంది మూవీరూల్జ్‌లోనే సినిమా చూస్తున్నామని బాహాటంగా చెప్తుండటం ఆశ్చర్యం.

కట్ చేస్తే -

నెట్‌ఫ్లిక్స్ సీఈవో Ted Sarandos మొన్నీ మధ్యే అన్నాడు:

"సినిమాను థియేటర్లో చూడ్డం అనేది ఇప్పుడొక అవుట్ డేటెడ్ కాన్సెప్ట్" అని. 

ఏదో అప్పటికప్పుడు నోటికొచ్చింది చెప్పడానికి అతనేం పాలిటిక్స్ మనిషి కాదు. వాళ్ళ ప్రతి చిన్న మాట వెనుక ఎంతో డేటా, అధ్యయనం ఉంటాయి. 

సో, సినిమా ఉంటుంది. ఎక్కడికీ పోదు. కాని, థియేటర్‌కు వెళ్ళి సినిమా చూసేవారి సంఖ్య మాత్రం ఇంకా ఇంకా తగ్గిపోతుంది. అందులో ఎలాంటి డౌట్ లేదు.   

దీనికి ఒక్కటే మినహాయింపు... ఫ్యాన్స్ ఎక్కువగా ఉండే భారీ హీరోల సినిమాలు, భారీ బడ్జెట్ విజువల్ వండర్ సినిమాలను మాత్రం ఎవ్వరూ ఓటీటీల్లో చూడాలనుకోరు. ఇక్కడైనా ఎక్కడైనా.  

- మనోహర్ చిమ్మని