కొన్ని గమ్మత్తుగా జరుగుతుంటాయ్!

5 ఫిబ్రవరి, 2023. 
సుమారు మూడేళ్ళ క్రితం... నేను, మా మిత్రుడు పరమేశ్వర్ రెడ్డి, కొలీగ్స్ కలిసి మా సదాశివపేట్ ఫామ్‌లాండ్స్‌ వెంచర్‌కు వెళ్ళివస్తూ, దారిలో ఒక దాబా దగ్గర కారు ఆపి, చాయ్ కోసం దిగాం.  

నాలుగు చాయ్‌లు ఆర్డర్ ఇచ్చాం. చాయ్ వచ్చేలోపు నలుగురం ఏదో క్యాజువల్‌గా చర్చించుకుంటున్నాం. టాపిక్ ఏంటన్నది కూడా గుర్తులేదు. 

ఆ టైంలో తీసిన ఫోటో ఇది. 

అయితే, అలా మమ్మల్ని ఎవరో ఫోటో తీస్తున్న విషయం మాలో ఎవ్వరికీ తెలీదు. 

కట్ చేస్తే -

చాయ్ తాగి వెళ్ళాం. 

మర్నాడు ఫేస్‌బుక్‌లో ఒకరు ఈ ఫోటో పోస్ట్ చేశారు. అతను ఫేస్‌బుక్‌లో నాకు ఫ్రెండ్ కూడా కాదు.  

నేను తెలుసట. అక్కడ సడెన్‌గా కనిపించేసరికి అలా ఫోటో తీశాట్ట. కలిసి మాట్లాడ్డానికి ఎందుకో సంకోచించాడు. అప్పటినుంచీ నాకు ఫేస్‌బుక్‌లో ఫ్రెండ్ అయ్యాడు. 

మాకు తెలీకుండా ఆరోజు రాత్రి మా ఫోటో తీసిన ఈ "పాపరాజీ" మిత్రుని పేరు శాలిగంజి మహేశ్. 

- మనోహర్ చిమ్మని