మంగళవారం, శుక్రవారం, దసరా, సంక్రాంతి, శివరాత్రి, ఆగస్టు 15, జనవరి 26, సెకండ్ సాటర్డే, అమావాస్య, పౌర్ణమి, అష్టమి, నవమి, చంద్రగ్రహణం, సూర్యగ్రహణం, ఫీవరొచ్చింది, మోషన్స్... ఆ సమయానికి ఇంకేది గుర్తొస్తే అది. తప్పించుకోవాలి అనుకునేవారికి ఇలాంటి సాకులు వంద రెడీగా ఉంటాయి.
మన సాంప్రదాయాలకు, అర్థవంతమైన నమ్మకాలకు నేను వ్యతిరేకం కాదు. ఎదుటివారి నమ్మకాలను నేనెప్పుడూ గౌరవిస్తాను. కాని, అతి చిల్లరస్థాయిలో వీటిని సాకులుగా వాడుకునేవారంటేనే నాకు అసహ్యం.
రియల్ ఎస్టేట్ పడుకుంది, మార్కెట్లో మనీ రొటేషన్ లేదు, గవర్నమెంట్ మారకపోతే బాగుండు, అమెరికాలో జాబ్ మార్కెట్ బాగా లేదు, ఎన్నారైలు స్లో అయ్యారు, రష్యా-యూక్రేన్ యుద్ధం ఎఫెక్టు చాలా ఉంది, ఇరాన్ బాంబింగ్స్ పెద్ద దెబ్బ, ట్రంప్ సావదొబ్బుతున్నాడు... ఇవి కూడా అలాంటివే ఇంకో వంద సాకులు.
ఇలాంటి కథలు చెప్తూ, ఎదుటివాని చెవిలో పువ్వుపెడుతున్నా అనుకుంటాడు కాని, వాడికి వాడే... వాడేంటో చెప్పుకుంటున్నాడన్న విషయం వాడికి తెలీదు.
కట్ చేస్తే -
వేల కోట్ల పెట్టుబడితో సంవత్సరానికి 200+ సినిమాలు ఇక్కడ టాలీవుడ్లో రిలీజ్ అవుతున్నాయి. నెలకి 30 లక్షల రెంట్లు-జీతాలు ఇస్తున్న రియల్ ఎస్టేట్ కంపెనీలు నాకు వ్యక్తిగతంగా తెలుసు. హోటళ్ళు, హాస్పిటళ్ళు, కాలేజీలు, మాల్స్, పబ్బులు, బార్లు... అన్నీ లక్షణంగా నడుస్తున్నాయి. మనం కూడా ఉపవాసాల్లేకుండా బ్రతుకుతున్నాం.
మనీ రొటేషన్ లేకుండా ఇవన్నీ ఎలా నడుస్తున్నాయి? మార్కెట్ నిజంగా డల్గా ఉంటే ఇవ్వన్నీ కూడా మూతపడాలి కదా?
వినేవాడు, నమ్మేవాడు ఉంటే ఎన్నయినా చెప్తారు.
అది నిజమా, అబద్ధమా, పేకుతున్నరా అన్నది ఫిల్టర్ చేసుకోవాల్సింది మనమే. అలా తేల్చుకోకుండా, ఇలాంటి ఫేక్స్ను నమ్ముతూ భ్రమల్లో బ్రతుకుతున్నంత కాలం పరిస్థితిలో ఇంచ్ కూడా మార్పు ఉండదు. పని జరగదు. నువ్వు సినిమా తీయలేవు.
ఆలోచించు.
అవసరమైతే నీ స్ట్రాటెజీ మార్చు.
అంతే గాని - ఇలాంటి పేకుడు మాటల్ని, అవి చెప్పే ఫేక్స్ను మాత్రం అస్సలు నమ్మకు.
Life is either a Yes or a No. Everything in between is just a well-packaged excuse.
- మనోహర్ చిమ్మని
No comments:
Post a Comment
Thanks for your time!
- Manohar Chimmani