షోలే సినిమాలోకి అమితాబ్ ఎలా ఎంటరయ్యాడు?

ఇప్పుడే ఒక పాత వీడియో చూశాను... 

ఐఫా అవార్డ్స్ ఈవెంట్ అది. 

ఆడియెన్స్‌లో ఉన్న ధర్మేంద్రను స్టేజీ పైకి ఆహ్వానించే ముందు అమితాబ్ ఒక విషయం చెప్పాడు:

"షోలేలో జయ్ క్యారెక్టర్ కోసం డైరెక్టర్ రమేష్ సిప్పీకి నన్ను రికమెంట్ చేసింది ధర్మేంద్ర. రమేష్ సిప్పీని తను ఈ విషయంలో ఇన్‌సిస్ట్ చెయ్యకపోతే, నేను షోలేలో లేను. ఈ విషయంలో ధరమ్‌జీకి నేనెప్పుడూ రుణపడివుంటాను" అని. 

ఆడియెన్స్‌లో కూర్చున్న రమేష్ సిప్పీ, చాలామందికి తెలీని ఈ నిజాన్ని నవ్వుతూ వింటూ ఎంజాయ్ చేస్తున్నాడు. 

స్టేజీ మీదకొచ్చి, అమితాబ్ నుంచి ఐఫా వార్డు తీసుకొన్న ధర్మేంద్ర, "అసలు నేను అమితాబ్‌కు రికమండ్ చెయ్యటమేంటి? నాకసలు గుర్తు లేదు" అని ఎంతో హంబుల్‌గా చెప్పటం చాలా గొప్ప విషయం.

ధర్మేంద్ర అమితాబ్‌ను జయ్ క్యారెక్టర్ కోసం రికమండ్ చెయ్యకపోతే, ఆ క్యారెక్టర్ ఇంకొకరితో అంత బాగా వచ్చేదో లేదో ఒకసారి ఊహించండి.

కొన్ని అద్భుతాలు అలా జరుగుతాయ్. అంతే. 

- మనోహర్ చిమ్మని