సినిమా ఎక్కడికీ పోదు!

ఎప్పుడో ఒకసారి ఒక పెద్ద సినిమా, ఒక చిన్న సినిమా. అంతే. అది కూడా మ్యాజిక్. మిరాకిల్. 

ఎంత బడ్జెట్? 

ప్యానిండియానా, జస్ట్ తెలుగేనా? 

పెద్ద బ్యానరా, ఇండిపెండెంట్ సినిమానా? 

ప్యానిండియా డైరెక్టరా, కొత్త డైరెక్టరా?

హీరో ఎవరు, హీరోయిన్ ఎవరు?

... ఇవ్వన్నీ ఇప్పుడెవ్వరూ పట్టించుకోవడం లేదు. 

థియేటర్‌కు వెళ్ళి సినిమాలు చూసే అలవాటు క్రమంగా తగ్గిపోతోంది. 

అంత టైం లేదు ఎవ్వరికీ. 

ఈ మార్పు ఒక్క తెలుగులోనే కాదు, 

ప్రపంచం అంతటా ఇంతే. 

హాలీవుడ్‌లో కూడా. 

కట్ చేస్తే -

సినిమా ఎక్కడికీ పోదు. 

జస్ట్ ఇదొక సంధి కాలం. 

ఓటీటీల్లో సుకూన్‌గా సినిమా చూసే అలవాటు కూడా ఎంతోకాలం ఉండకపోవచ్చు. మనిషి జీవనశైలిని పూర్తిగా మార్చేసిన సోషల్ మీడియా అంటే మొహం మొత్తే రోజు కూడా త్వరలోనే రావచ్చు. 

ఏఐతో సినిమాకు ఎలాంటి ప్రమాదం లేదు. టెక్నికల్‌గా ఏఐని మించిన ఇంకేదో ఒక కుదుపు తప్పక వస్తుంది. అప్పటిదాకా బహుశా ఇంతే. 

సినిమా బిజినెస్ మాత్రం ఉంటుంది. 

బయటికి చెప్పే లెక్కలు నిజమా అబద్ధమా అన్నది ఆ లెక్కలు చెప్పేవాళ్ళ సొంత విషయం. 

ఎంటర్‌టైన్మెంట్ ఒక్కటే పాయింట్.  

- మనోహర్ చిమ్మని