నో అపాలజీ. ఓన్లీ లవ్!

రేపు విడుదలవుతున్న మణిరత్నం "థగ్ లైఫ్" సూపర్ హిట్ కావాలని కోరుకొంటున్నాను. 

కట్ చేస్తే - 

వయసు మీదపడుతున్నప్పుడు కొంతమందికి "బాల క్యాలి" వస్తుందట! 

బాల క్యాలి అనేది తెలంగాణ మాట. "క్యాలి" అనేది ఉర్దూ "ఖయాల్" నుంచి వచ్చుంటుంది. వయసు మీదపడి పెద్దవారవుతున్నప్పుడు క్రమంగా కొందరిలో చిన్నపిల్లల మైండ్‌సెట్ మళ్ళీ ఎంటరవుతూ వుంటుంది. వాళ్ళు ఏది అనుకుంటే అదే, ఏది మాట్లాడితే అదే అన్నమాట. ఒక పట్టాన వినరు. ఒప్పుకోరు.  

ఇలాంటి మార్పు మనం చాలా మందిలో చూస్తాం. 

కట్ చేస్తే - 

తాజాగా ఈ 'బాల క్యాలి' మొన్న కమలహాసన్‌లో చూశాం. 

తన సినిమా రిలీజ్ రెండుమూడు రోజుల్లో పెట్టుకొని ఎవరైనా అలాంటి కాంట్రవర్షియల్ విజ్ఞానం కుమ్మరిస్తారా?

ఏమైంది?
కర్ణాటకలో "థగ్ లైఫ్" రిలీజ్ ఆగిపోయింది.

ఎంత లేదన్నా ఒక 20-30 కోట్ల నష్టం.
అవసరమా?

పోనీ, ఆ కర్ణాటక ప్రజలు, వాళ్ళ ఫిలిం చాంబర్, ఆఖరికి వాళ్ళ హైకోర్ట్ జడ్జ్ గారు కూడా చెప్పినట్టు ఒక చిన్న "సారీ" అలా నవ్వుకొంటూ చెప్తే ఏం పోయింది?

"అతను కమలహాసన్‌ అయితే ఏంటి? అపాలజీ చెప్తే ఏమవుతుంది? ఎందుకంత యాటిట్యూడ్ అతనికి" అని స్వయంగా జడ్జిగారే అనడం నాకే చాలా ఇబ్బందిగా అనిపించింది.   

కమలహాసన్‌ చెప్పలేదు. పైగా, "నో అపాలజీ. ఓన్లీ లవ్" అన్నాడు. కర్ణాటకలో తన ఫిలిం రిలీజ్ కాదు అని చెప్పాడు. 

పోనీ - ఈ మొత్తం గొడవకు కారణమైన అతని మాటల్లో నిజముందా అంటే... అంతా ఉట్టిదే. నిజం కాదు. తమిళం నుంచి కన్నడ భాష పుట్టలేదు. తెలుగు, కన్నడ, తమిళం, మలయాళం... ఇవన్నీ ద్రవిడభాషలు. సిస్టర్ లాంగ్వేజెస్.

లింగ్విస్టిక్స్ చదవకపోయినా చాలామందికి ఇది తెలుసు.
ఒక్క కమలహాసన్‌కు తప్ప. 

బాల క్యాలి... ఏం చేద్దాం! 

- మనోహర్ చిమ్మని 

100 Days, 100 Posts. 43/100.