నీ స్నేహం...

"మీరు ఎవరైతోనైనా స్నేహం చేసేముందే ఒకటికి రెండుసార్లు ఆలోచించండి. ఒకసారి స్నేహం చేశాక, ఆ వ్యక్తిలో మీకు చాలా తప్పులు కనిపించొచ్చు. వీలైతే సరిదిద్దండి. లేదంటే జన్మాంతం భరించండి!"

స్వరాభిషేకం ప్రోగ్రాంలో అనుకుంటాను... యస్ పి బాలు చెప్పిన ఈ విషయం నాకెప్పుడూ గుర్తుంటుంది. ఆ వీడియో బిట్‌ని కూడా రెండుమూడు సార్లు సోషల్ మీడియాలో పోస్ట్ చేశాను. ఒకరిద్దరితో దాని గురించి చెప్పాను కూడా. 

చెప్పింది యస్ పి బాలు కాబట్టి ఆ మాట అంత బాగా గుర్తుంది నాకు. 

వందలాదిమంది ఆహూతుల సమక్షంలో, స్టేజీ మీద యస్ పి బాలు చెప్పిన ఈ అద్భుతమైన మాటను, ఆయనకు అంతకు ముందెప్పుడో రామోజీరావు చెప్పారట.   

కట్ చేస్తే -

ఇట్లా నేను ఒకరిని భరిస్తున్నాను. బహుశా నన్ను కూడా ఎవరైనా ఇలాగే భరిస్తూండవచ్చు. 

- మనోహర్ చిమ్మని 

100 Days, 100 Posts. 75/100.