మీ అమ్మాయి ఫిలిం డైరెక్టర్ కావాలనుకుంటోందా?

భానుమతి, సావిత్రి, విజయనిర్మల, మీరా నాయర్, అపర్ణా సేన్, దీపా మెహతా, సుచిత్ర చంద్రబోస్, శ్రీప్రియ, నందితా దాస్, ఫర్హా ఖాన్, మేఘనా గుల్జార్, కంగనా రనౌత్, జోయా అఖ్తర్, గురిందర్ చద్దా, బి జయ, సుధా కొంగర, నందిని రెడ్డి, లక్ష్మీ సౌజన్య, గౌరి రోణంకి, కార్తీకి గాన్‌సాల్‌వ్స్...

వీళ్ళల్లో 70 శాతం మంది సూపర్ డూపర్ హిట్స్ ఇచ్చిన వుమెన్ ఫిలిం డైరెక్టర్సే. 

మొన్న ఆస్కార్ సాధించిన "ది ఎలిఫెంట్ విష్పరర్స్" డాక్యుమెంటరీ ఫిలిం డైరెక్టర్ & ప్రొడ్యూసర్ కార్తీకి గాన్‌సాల్‌వ్స్, గునీత్ మోంగా కూడా మహిళలే! 

ఇదొక చిన్న లిస్ట్. 

కొంచెం టైం తీసుకొని అధ్యయనం చేస్తే కనీసం ఇంకో వంద మంది వుమెన్ ఫిలిం డైరెక్టర్స్ లిస్ట్ తయారవుతుంది. 

ఎప్పుడో 60-70 ఏళ్ళ క్రితమే భానుమతి లాంటివాళ్లు ప్రొడ్యూసర్‌గా, డైరెక్టర్‌గా, మ్యూజిక్ డైరెక్టర్‌గా భారీ విజయాలు సాధించారు. 

అలాంటిది... ఒక అమ్మాయి డైరెక్టర్ కావాలని ప్యాషన్‌తో ముందుకొచ్చినప్పుడు, ప్రోత్సహించాల్సింది పోయి, ఇప్పుడు 2023 లో కూడా "అందరు ఏమనుకుంటారో" అని భయపడటం నిజంగా విచారకరం. 

ఇప్పుడు ఏ కారణాలనైతే చూపిస్తూ భయపడుతున్నారో, ఆ కారణాలు, ఆ పరిస్థితులు అప్పుడు కూడా తప్పకుండా ఉండే ఉంటాయి. అయినా - వాటన్నిటినీ ఫేస్ చేస్తూ అద్భుత విజయాలను సాధించిన, సాధిస్తున్న నారీమణుల లిస్టు పైనే ఉంది. 

కట్ చేస్తే - 

అరుదుగా ఎవరో ఒకరిద్దరు చేసే నాన్సెన్స్‌ను కామన్ చేయడం అనేది కరెక్టు కాదు. ప్రతి ఫీల్డులోను అలాంటి కొన్ని పరిస్థితులుంటాయి. అలాంటి ఎవరో కొందరుంటారు. 

చట్టం అంటూ ఒకటుంటుంది. లా ఆఫ్ ద లాండ్‌కు ఎవరూ అతీతులు కారు.       

నిజానికి వేరే ఏ ఫీల్డులో లేనంత ఇబ్బందికరమైన పరిస్థితులు సినీఫీల్డులో ఉండవు. 

ఇది గ్లామర్ ఫీల్డు కాబట్టి బయట కథలు కథలుగా చెప్పుకుంటారు. సినిమా వార్తల మీదే బ్రతికే అనేకమంది క్రియేట్ చేసే చెత్త గాసిప్స్, మరింత చెత్తరకం థంబ్‌నెయిల్స్ అసలు నిజాలు కావు. 

సినీ ఫీల్డు ఇప్పుడు క్రమంగా ఒక కార్పొరేట్ శైలిలోకి రూపాంతరం చెందుతోంది. అమ్మాయిలే నిర్మాతలుగా భారీ బడ్జెట్ సినిమాల్ని నిర్మించి అద్భుత విజయాలు సాధిస్తున్నారు. ఇలాంటి నేపథ్యంలో - ముఖ్యంగా ఈ డిజిటల్ యుగంలో - ఏవేవో భయాలు పెట్టుకొని ప్యాషన్‌ను చంపుకోవడం అనేది సరైన నిర్ణయం కాదు. కాబోదు. 

యాక్టర్స్, డైరెక్టర్స్, రైటర్స్, టెక్నీషియన్స్ కావాలన్న ప్యాషన్‌తో సినీఫీల్డులోకి వెళ్ళాలనుకొనే అమ్మాయిలను, మహిళలను ఎవరైనా భేషుగ్గా... భయం లేకుండా ప్రోత్సహించవచ్చు. 

"మా అమ్మాయి సినీ ఫీల్డులో పనిచేస్తోంది", "మా అమ్మాయి యాక్టర్", "మా అమ్మాయి ఫిలిం డైరెక్టర్ కాబోతోంది"... అని కాలర్ ఎగరేసి గర్వంగా చెప్పుకొనే స్థాయికి, సోషల్ స్టేటస్‌కు ఎప్పుడో ఎదిగింది సినీ ఫీల్డు.                       

సాఫ్ట్‌వేర్, రియల్ ఎస్టేట్, పాలిటిక్స్, ఎడ్యుకేషన్... వంటి ఇతర ఎన్నో రంగాలను ప్రత్యక్షంగా దగ్గర నుంచి చూసిన వ్యక్తిగా నేనొక విషయం గట్టిగా చెప్పగలను... 

సినీఫీల్డులోనే అమ్మాయిలకు, మహిళలకు ఎక్కువ రెస్పెక్ట్ ఇస్తారు. వారి భద్రత గురించి పట్టించుకొంటారు. 

ఒక ‘డిజిటల్ నోమాడ్’ జీవనశైలి

సుమారు 7 ఏళ్ల క్రితం, ఒక డెహ్రాడూన్ అమ్మాయి… సింగపూర్ టూరిజమ్ బోర్డులో తన ఉద్యోగాన్నీ, ఇంటినీ వదిలిపెట్టి, ప్రపంచాన్ని చుట్టివచ్చే ‘నోమాడ్’ జీవితాన్ని ఎంచుకుంది.

అప్పుడు ఆమె వయస్సు 23.

ఇప్పటివరకు చాలా దేశాలు తిరిగింది. ఎక్కువ భాగం ఒంటరిగా… సోలో ట్రావెలర్‌గానే.

మొదట్లో తను అనుకున్న దేశాలకు వెళ్లడానికి ఫ్లయిట్ జర్నీ చేసేది. ఇప్పుడు ఎంతవరకు వీలైతే అంతవరకు – దేశాల మధ్య కూడా రోడ్డు ప్రయాణమే ఎంచుకుంటోంది.

ఒకసారి దేశంలోకి ప్రవేశించాక, అంతా అతి మామూలు జీవనవిధానమే ఆమెది.

కాలినడకన నడవగలిగినంత దూరం నడవటం, అవసరాన్నిబట్టి అతి తక్కువ ఖర్చుతో కూడిన లోకల్ ప్రయాణ సౌకర్యాలను వాడటం, శుభ్రమైన శాఖాహారం ఎక్కడ ఏది దొరికితే అది తినడం, లోకల్‌గా ఎవరి ఇంట్లోనైనా ఉండటం, లేదంటే – ఎయిర్ బి ఎన్ బి నివాసాల్లో ఉండటం, నిర్ణీత సమయాల్లో పుస్తక పఠనం, లాపీలో తన పర్యటనలకు సంబంధించిన బ్లాగింగ్, ఇతర కమ్యూనికేషన్ చూసుకోవటం… ఇదీ ఆమె జీవనశైలి.

ఈ జీవనశైలి నుంచే ఆమెకు ఆదాయం, ఆనందం రెండూ లభిస్తాయి.

బీబీసీ, వాషింగ్టన్ పోస్ట్, నేషనల్ జాగ్రఫిక్, టెడెక్స్, రెస్పాన్సిబుల్ ట్రావెల్, హఫింగ్టన్ పోస్ట్ వంటి అంతర్జాతీయ స్థాయి మీడియా ఆమె ప్రయాణాలను, జీవనశైలిని ఎప్పటికప్పుడు కవర్ చేస్తాయి.

The Shooting Star పేరుతో ఆ అమ్మాయి రాసిన పుస్తకం ప్రఖ్యాత పెంగ్విన్ బుక్స్ సంస్థ పబ్లిష్ చేసింది. అది బెస్ట్ సెల్లర్ కూడా.

ట్రావెల్ బ్లాగర్, ట్రావెల్ ఇన్‌ఫ్లుయెన్సర్, ఫ్రీలాన్స్ ట్రావెల్ రైటర్‌గా – వివిధరకాల అసైన్‌మెంట్స్ ఎప్పటికప్పుడు ఆమెను వెతుక్కుంటూ వస్తుంటాయి. వివిధ దేశాల టూరిజమ్ శాఖలు, ఎయిల్ లైన్స్, కార్పొరేట్ కంపెనీలు ప్రమోషన్ కోసం ఆమెతో ఒప్పందాలు కుదుర్చుకుంటాయి.

ఇవన్నీ ఆమెకు ఆదాయం తెచ్చేవే.

ఈ ఆదాయమంతా ఆమెకెంతో ఇష్టమైన ‘జీవనశైలి’ ప్రయాణంలో, ఆమెతోపాటు వెంటపడి వచ్చేదే.

తనకిష్టమైన ఇదే జీవనశైలితో నిరంతరం ప్రయాణం చేస్తూ, భూగోళం చుట్టేస్తున్న ఈ యువతి వేసుకొనే దుస్తులు, బుక్స్, లాపీ, పెన్నూ, పేపర్లూ అంతా కలిపి, ఆమె లగేజ్ మొత్తం… జస్ట్ వీపుకు తగిలించుకొనే ఒకే ఒక్క బ్యాక్ ప్యాక్.

అంతే.

నమ్మశక్యం కాని ఈ మినిమలిస్ట్ డిజిటల్ నోమాడ్,  ట్రావెల్ బ్లాగర్ పేరు - శివ్య నాథ్.

Just a girl who travels.

కట్ చేస్తే –

2019 లో ఒకసారి తను సౌతాఫ్రికాలో ట్రెక్కింగ్ చేస్తూ, ఒక అందమైన వాటర్ ఫాల్స్ దగ్గర స్విమ్మింగ్ చేస్తున్నప్పుడు – తన శరీరానికి, శరీరాకృతికి సంబంధించిన ఒక వాస్తవాన్ని గురించి, మొట్టమొదటిసారిగా, తనను తనే ప్రశ్నించుకొంది. అర్థంచేసుకొంది. అర్థమయ్యాక ఆ అనుభూతిని ఆలింగనం చేసుకొంది. అక్షరాల్లో ఆవిష్కరించింది.

అదేంటో, క్లుప్తంగా శివ్య మాటల్లోనే –

“బాడీ పాజిటివిటీకి సంబంధించి నా మైండ్‌సెట్‌ను ప్రశ్నించడానికి, అర్థంచేసుకోడానికి నాకు చాలా సమయమే పట్టింది…

మనం ఎదుగుతున్న దశలో, మన చుట్టూ ఉన్న వాతావరణాన్ని బట్టి, మన పెంపకాన్ని బట్టి – అందానికి సంబంధించి మన మనసుల్లో, ఆలోచనల్లో కొన్ని స్టాండర్డ్స్ ఫిక్స్ అయిపోతాయి.

మ్యాగజైన్స్‌లో కనిపించే మోడల్స్… హాలీవుడ్, బాలీవుడ్‌లో కనిపించే హీరోయిన్స్… అందరూ ఎలాంటి మచ్చలేని తెల్లటి చర్మంతో, పర్‌ఫెక్ట్ హెయిర్‌తో, సన్నగా, నాజూగ్గా, ఒక లెక్కతో కూడిన ఎత్తుపల్లాల అవయవాకృతితో కనిపిస్తారు.

రకరకాల డైట్స్ గురించి, బ్యూటీ ట్రీట్‌మెంట్స్ గురించి, శరీరంలో అక్కడక్కడా ఉన్న ఎక్స్‌ట్రా ఫ్యాట్స్ తొలగించుకొనే పద్ధతుల గురించీ, ఎవరెవరు ఎలా ఉన్నారో జడ్జ్ చేయటం గురించీ… మనచుట్టూ ఉన్న స్త్రీల మాటలు కూడా ఎప్పుడూ వింటుంటాం.

వీటన్నిటితో వచ్చిన ఒక అవగాహన ఆధారంగా, మన శరీరాల్ని మనమే “ఇలా వుంది” అని నిర్ధారించుకుంటాం. విశ్లేషించుకుంటాం. చాలాసార్లు అసహ్యించుకుంటాం కూడా.

మన మానసిక, శారీరక ఆరోగ్యం పైన దృష్టి పెట్టకుండా – మనముందున్న అద్దం చూపిస్తున్నదే నిజమని నమ్ముతాం.

చాలా కాలంగా ఈ విషయంలో నా ఫీలింగ్స్ కూడా అలాగే ఉన్నాయి.

నా థండర్ థైస్ అంటే నాకు చాలా కోపం. నేను ఎంత ఎక్సర్‌సైజ్ చేసినా, ఎంత తక్కువ తిన్నా అవి ఎంతకూ సన్నబడవు. నా భుజాల్లో ఉన్న కొవ్వుని నా డ్రెస్ స్లీవ్స్ కింద దాచిపెట్టడానికి ఎప్పుడూ ప్రయత్నిస్తుంటాను. ఫ్రీగా ఉండి, హాయిగా ఊపిరి పీల్చుకోనీయకుండా నా నడుముభాగాన్ని ఎప్పుడూ టక్ చేస్తుంటాను. ఎవరైనా చూస్తారేమో అని, నా పిరుదుల్ని తొందర తొందరగా నా వన్ పీస్ స్విమ్‌సూట్‌లోకి తోసేసి కవరప్ చేసేస్తుంటాను.

ఒకసారి, 2019 లో సౌతాఫ్రికా వెళ్ళినప్పుడు – అక్కడ ట్రెక్కింగ్, వైల్డర్ స్విమ్మింగ్ కోసం వెళ్లే సమయంలో చూసుకున్నాను… 

నా స్విమ్‌సూట్ రిపేర్ చెయ్యడానికి వీల్లేనంతగా చినిగిపోయింది. వెంటనే అప్పటికప్పుడు ఇంకో స్విమ్‌సూట్ తీసుకోవాల్సివచ్చింది.

కాని, అక్కడ దగ్గర్లో ఉన్న స్టోర్‌లో బికినీలు మాత్రమే ఉండటంతో, ఇక తప్పనిసరై ఒక బికినీ తీసుకున్నాను.

ఇండియాలో – మనం స్విమ్ చేస్తున్నప్పుడు… స్విమ్‌సూటో, బికినీనో వేసుకున్నాసరే – ఒడ్డున ఉన్నవారికి ఏదీ కనిపించకుండా నీళ్లల్లోనే మన శరీరంలోని కొంతభాగాన్ని ఎప్పుడూ దాచి ఉంచుతాం. అలాంటప్పుడు ఇంక బికినీ ఎందుకో నాకర్థమయ్యేది కాదు!

కాని, నా 31వ యేట, సౌతాఫ్రికాలోని ఆ అద్భుత వాటర్ ఫాల్స్‌లో చల్లటి నీరు నా శరీరంలోని ప్రతిభాగాన్నీ స్పృశిస్తూ ఆలింగనం చేసుకుంటున్నప్పుడు – మొట్టమొదటిసారిగా అంతా మారిపోయింది.

ఉన్నట్టుండి… బికినీ వేసుకోవడంలో ఉన్న ఆ ఫ్రీడమ్‌తో ప్రేమలోపడిపోయాను. దానికంటే ముందు, అసలు నా బాడీ విషయంలో నేను ఎందుకని ఎప్పుడూ అంత నెగెటివ్‌గా ఫీలయ్యేదాన్నో నన్ను నేనే ప్రశ్నించుకున్నాను.

నా శరీరం “పర్‌ఫెక్ట్” సౌష్టవంతో లేకపోవచ్చు. కాని, నేను ఆరోగ్యంగా ఉన్నాను. ఎక్సర్‌సైజ్ చేస్తాను. మంచి ఆహారం తీసుకుంటాను. ఉండాల్సినంత బరువే ఉన్నాను. మానసికంగా కూడా ఒక మంచి స్థాయిలో ఉన్నాను.

నిజంగా ఒక్కసారిగా అంతా మారిపోయింది…

నా బాడీకి సంబంధించి, అంతకుముందటి నా అన్ని నెగెటివ్ ఆలోచనల్ని జస్ట్ అలా ఎడంచేత్తో పక్కకి తోసేశాను.

ఆ తర్వాత ఎప్పుడు ఏ వాటర్ ఫాల్స్ కిందకెళ్ళినా… ఏ సముద్రపు అలల్లో ఆడుకున్నా… చల్లటి ఆ నీళ్ళు నా శరీరాన్ని స్పృశించినప్పుడల్లా ఎంతో ఆనందాన్ని అనుభవిస్తున్నాను. పరవశంలో మునిగితేలుతున్నాను.

F*ck perfection! 

ఇప్పుడు నాకు క్యూరియస్‌గా ఉంది… మీ బాడీ గురించి మీరేం ఫీలవుతున్నారు?”

"నాటు నాటు" పాటకి ఆస్కార్... కొన్ని గంటలే!

డిస్నీ-హాట్‌స్టార్‌లో రేపు ఉదయం 5.30 నుంచి లైవ్ ప్రారంభం కాబోతోంది.  

మన దేశంలోని సినిమా ప్రియులు, మన ఎన్నారై సినిమా ప్రియులు కూడా... కోట్ల సంఖ్యలో... రేపుదయం లైవ్ చూడబోతున్నారు. 

కట్ చేస్తే -

దీనికి సంబంధించి ఒక సీనియర్ నిర్మాత-దర్శకుడు ఒక కామెంట్ చేశారు. వారు మాట్లాడుతున్న వేదిక మీద నుంచి ఒక ఉదాహరణ ఇస్తున్న సమయంలో బహుశా ఇది స్ట్రయిక్ అయ్యి అలా అని ఉండవచ్చు. ఆ కాంటెక్స్‌ట్ పరంగా వారి దృష్టిలో అది కరెక్టే కావచ్చు. 

కాని - కాంటెక్స్‌ట్ ఏదైనా - ఏ రకంగా చూసినా - ఈ సమయంలో అదొక వివాదాస్పదమైన కామెంట్ అని నా హంబుల్ ఒపీనియన్.     

ఫిలిం ఇండస్ట్రీ ఒక బిగ్ బిజినెస్. 

వివిధ దశల్లో ప్రమోషన్ కోసం కోట్లాది రూపాయలు ఖర్చుపెట్టడం సహజం. అది ఆ నిర్మాత, ఆ ప్రొడక్షన్ కంపెనీ, ఆ దర్శకుడు, ఆ టీమ్ ఇష్టం. 

ఎవరి లక్ష్యాలు వారికుంటాయి. 

తెలుగు సినిమాను అంతర్జాతీయంగా హాలీవుడ్ స్థాయికి తీసుకెళ్తున్న ఈ సమయంలో - వివిధ హాలీవుడ్ అవార్డులతో పాటు, ఆస్కార్ అవార్డు కూడా మనకు అవసరమైన బజ్ క్రియేట్ చేస్తుంది. 

కొత్తగా మన ఆర్టిస్టులకు, టెక్నీషియన్స్‌కు ఎన్నో ఆఫర్స్ వస్తాయి. డీల్స్ సెట్ అవుతాయి. బిజినెస్ విస్తరిస్తుంది.  

హాలీవుడ్ సర్కిల్స్‌లో అలాంటి బజ్ క్రియేట్ చెయ్యటం కోసం ఖర్చుపెట్టక తప్పదు. అదంతా పార్టాఫ్ ది బిజినెస్. 

రేపు వేల కోట్ల ఆదాయాన్ని ఆశిస్తూ, అంతర్జాతీయంగా పాపులారిటీని ఆశిస్తూ సినిమాలు తీయబోతున్న ఈ సమయంలో - ప్రమోషన్ కోసం కొన్ని కోట్లు ఖర్చుపెట్టడం అనేది నథింగ్. 

లంచాలిచ్చో, రికమెండేషన్ చేయించుకొనో తీసుకునేది కాదు... ఆస్కార్ అవార్డు. 

అవసరమైన ప్రమోషన్ ద్వారా, ఆయా సర్కిల్స్‌లో బజ్ క్రియేట్ చెయ్యటం ద్వారా మన తెలుగు సినిమా, నామినేట్ అయి వున్న మన "నాటు నాటు" పాట ఆస్కార్ వోటర్స్ దృష్టిలో పడతాయి. 

ఆ ప్రయత్నాల వల్లనే కదా స్పీల్‌బర్గ్ అయినా, కెమెరాన్ అయినా RRR సినిమా చూసిందీ, రాజమౌళితో, టీమ్‌తో మాట్లాడిందీ?

సో, ఈ సందర్భంలో ఆ కామెంట్ చాలా ఇబ్బందికరమైనది. ఒక రకంగా మనల్ని మనమే కించపర్చుకోవడం కూడా.  

తర్వాత కొందరు సినీ ప్రముఖులు ఆ మాటను పట్టుకొని నానా మాటలు అనటం మరింత రచ్చకు దారితీసింది. వీరంతా అలా అనడానికి కారణం కూడా ఆస్కార్ అవార్డు అందుకోబోతున్న తెలుగు సినిమా మీద అభిమానమే తప్ప ఎవరిమీదా వ్యక్తిగత ద్వేషం కాకపోవచ్చు. 

దీన్నిక్కడితో వదిలేసి, అందరం రేపటి 95వ ఆస్కార్ అవార్డ్స్ లైవ్ కోసం ఎదురు చూద్దాం. 

జస్ట్ కొన్ని గంటలే ఉంది...   

By the way, దీని మెద బెట్టింగ్ కూడా మస్త్ నడుస్తోందని విన్నాను! 

కట్ చేస్తే -

హాలీవుడ్ పరిధిలో ఆల్రెడీ 2 అవార్డులు సాధించిన "నాటు నాటు" పాటకు తప్పక ఆస్కార్ అవార్డు కూడా వస్తుందని నా గట్టి నమ్మకం. 

Best wishes to Director S S Rajamouli, Producer D V V Danayya, Junior NTR, Ram Charan, Music Director Keeravani, Lyricist Chandrabose, Singers Rahul Sipliganj, Kalabhairava & Team!

కొత్త ADs (అప్రెంటిస్‌లు), సోషల్ మీడియా కోసం!

సోషల్ మీడియా విభాగంలో కొత్తగా ఇద్దరు అసిస్టెంట్ డైరెక్టర్స్‌ (అప్రెంటిస్) లను తీసుకొంటున్నాను. 

డైరెక్టర్‌గా నా సూచనలు, మా ప్రొడక్షన్ హౌజ్ అవసరాల మేరకు  సోషల్ మీడియాలో కంటెంట్ పోస్ట్ చేస్తూ, బజ్ క్రియేట్ చేస్తూ డైనమిక్‌గా ఉండే ఇద్దరు అసిస్టెంట్స్ కావాలి. 

ఫీల్డులో అవకాశం కోసం ఎదురుచూస్తున్న కొత్తవారికోసమే ఈ ప్రకటన. 

వీరికి సినీఫీల్డులో పనిచేయాలన్న ప్యాషన్ ఉండాలి. సోషల్ మీడియా మీద, దాని ఎఫెక్టివ్‌నెస్ మీద తగినంత అవగాహన ఉండాలి. తెలుగు, ఇంగ్లిష్ భాషల్లో టీమ్ ఇచ్చిన కంటెంట్ పోస్ట్ చేయగాలి.  

ఇప్పుడందరూ సోషల్ మీడియా ఎక్స్‌పర్ట్‌లే కాబట్టి - దీనికోసం చాలామంది అప్లై చేస్తారనుకుంటున్నాను.

Strictly For FRESHERS ONLY. 

And... Strictly NO CALLS Plz. 

Whatsapp your resume with latest selfie immediately: 

9989578125 

అసలు నిన్ను సినిమాల్లోకి ఎవడు పొమ్మన్నడ్రా బై ?

మైండ్‌సెట్ కోణంలో తప్ప ఈ పోస్టును మరోవిధంగా నెగెటివ్‌గా భావించవద్దని మిత్రులకు మనవి.

కట్ చేస్తే - 

తెలుగు సినిమా ఇండస్ట్రీలో మొదటి నుంచీ ఒక ప్రాంతం వాళ్లే ఎక్కువగా రావడానికి, ఉండటానికి, ఎక్కువగా సక్సెస్ అవడానికి కారణం... వాళ్లకు ఆ ప్రాంతం వాళ్ళిచ్చే సపోర్ట్! 

ఒక్క డబ్బు పరంగా అనే కాదు. సోషల్‌గా కూడా సినిమా ఫీల్డుకు వాళ్ళిచ్చే రెస్పెక్ట్ వేరే. 

"మావాడు రామానాయుడు స్టూడియోలో బాయ్‌గా పనిచేస్తున్నాడు" అని కాలర్ ఎగరేసి చెప్పుకుంటారు అక్కడ. 

డిగ్నిటీ ఆఫ్ లేబర్! తప్పేం లేదు... 

 "మావాడు డైరెక్టర్" అని చెప్పుకోడానిక్కూడా ఫీలవుతారు ఇక్కడ. 

స్వయంగా ఆ డైరెక్టరే "నేను ఫిలిం ఇండస్ట్రీలో డైరెక్టర్‌గా చేస్తున్నాను" అని చెప్పుకోడానికి ఇబ్బంది పడుతుంటాడు. కొన్ని చోట్ల "ఏదో ప్రయివేట్ జాబ్ చేస్తున్నాలే" అని అబద్ధమే చెప్పేస్తాడు! 

ఇక ఫినాన్షియల్ మ్యాటర్స్‌లో హెల్ప్ గురించి ఎంత తక్కువ చెప్పుకుంటే అంత మంచిది. 

అక్కడ - ఒక కాల్ చేస్తే చాలు. ముందు డబ్బు అందుతుంది. అనుకున్న డీల్ ప్రకారం తర్వాత తీసుకుంటారు. డీల్‌లో కొందరు అడ్వాంటేజ్ తీసుకోవచ్చు. కాని, పని మాత్రం అవుతుంది. చేస్తారు. 

బిజినెస్ ఈజ్ బిజినెస్. 

ఇక్కడ కథ వేరు. చాలా చాలా అరుదుగా ఎవరో ఒకరిద్దరు మహానుభావులు తప్ప... అసలా చాన్స్ ఇవ్వరు. బై మిస్టేక్ సిగ్గు విడిచి అడిగామా... అంతే. "అసలు నిన్ను ఆ సినిమాల్లోకి ఎవడు పొమ్మన్నడ్రా? ఇట్లైతదని నీకు ముందే చెప్పలే?! పైసల్ ఎక్కన్నుంచి వస్తయ్?..." 

చెయ్యాల్సిన హెల్ప్ చెయ్యరు. మీద నుంచి క్లాసులు, ఉచిత సలహాలు, తిట్లు. 

పని కాదు. ప్రచారం మాత్రం ఫుల్! 

ఒక్క దెబ్బకి చులకనైపోతాం. అప్పటిదాకా "మీరు", "సార్" అన్నవాడు సింపుల్‌గా ఏకవచనంలోకి దిగుతాడు. పని మాత్రం చెయ్యడు!    

దీనికి ఆయా ప్రాంతాల సాంఘిక, ఆర్థిక నేపథ్యం ఎట్సెట్రా కారణాలు చెప్తారు కొందరు మేధావులు. 

కరెక్టే కావచ్చు.

కాని, శతాబ్దాలైనా అంతేనా? 

ఇలాంటి నేపథ్యం నుంచి ఎవరైనా ఫీల్డులో నెగ్గుకొచ్చి పైకొచ్చారంటే కారణం... నేను చెప్పను...  

కాపిటలిస్టే కమ్యూనిస్టు కూడా కావచ్చు!

కేజీయఫ్ ఇండియా యూట్యూబ్ చానెల్ ద్వారా - వారం వారం చేస్తున్న ఇంటర్వ్యూలు దేనికదే అద్భుతంగా ఉంటున్నాయి. ముందుగా నా మిత్రులు మిట్టా సైదిరెడ్డి, భువనగిరి నవీన్ టీమ్‌కు నా అభినందనలు. 

కట్ చేస్తే -

ఇదే చానెల్లో తాజాగా నేను మొన్న చూసిన ఇంటర్వ్యూ శాంతా బయోటెక్ స్థాపకులు, పద్మభూషణ్ అవార్డు గ్రహీత, ఫిలాంత్రపిస్టు కె ఐ వరప్రసాద్ రెడ్డి గారిది మరొక లెవెల్లో ఉంది. 

వరప్రసాద్ రెడ్డి గారి ఈ ఇంటర్వ్యూ ద్వారా నాకు తెలియని వాస్తవాలు కొన్ని కొత్తగా తెలుసుకున్నాను. 

ప్రపంచస్థాయిలో వందల కోట్ల మందికి లాభాపేక్ష లేకుండా వాక్సీన్లను అందిస్తూ, మన దేశానికే పేరు ప్రఖ్యాతులు తెచ్చిన శాంతాబయోటెక్ లాంటి ఒక సంస్థకు - 28 ఏళ్ళపాటు - తెలంగాణ రాష్ట్ర అవతరణకు ముందున్న ఏ ఒక్క ముఖ్యమంత్రి కూడా నీటివసతిని కల్పించలేకపోయారు అన్న వాస్తవం నన్ను సిగ్గుపడేలా చేసింది. 

సేవా దృక్పథమే తన బ్రాండ్‌గా చేసుకున్న వరప్రసాద్ రెడ్డి గారు కాబట్టి... ఆయా ముఖ్యమంత్రులను, ప్రభుత్వాల్ని పెద్దగా పట్టించుకోకుండా... రోజుకు 250 లారీలతో నీళ్ళు తెప్పించుకొంటూ శాంతా బయోటెక్‌ను విజయవంతంగా నడిపి, ఎన్నో విజయాలను సాధించగలిగారు.

కాని, వేరే ఇంకొక ఇండస్ట్రియలిస్టు ఎవరైనా అయితే - "నాకు నీటి వసతే అందించని ఇక్కడ నేనెందుకు ఇంత కష్టపడాలి" అనుకొని తన సంస్థను మూసేసేవారు, లేదా అన్ని సౌకర్యాలూ అందించే ఇంకో రాష్ట్రానికి వెళ్ళిపోయేవారు. 

28 ఏళ్ళపాటు ఏ ముఖ్యమంత్రి కూడా పట్టించుకోని ఈ సమస్యను... తెలంగాణ రాష్ట్రం వచ్చిన తర్వాత ముఖ్యమంత్రి కేసీఆర్ గారు వ్యక్తిగతంగా పట్టించుకొని... వారం వారం స్వయంగా కేసీఆర్ గారే వరప్రసాద్ రెడ్డి గారికి ఫోన్ ద్వారా అప్‌డేట్ అందిస్తూ... కేవలం కొన్ని రోజుల్లోనే శాంతాబయోటెక్‌కు పైప్ లైన్ వేయించి నీటి సమస్యను పరిష్కరించడం ఒక రికార్డు.

ఈ నిజాన్ని ఇంటర్వ్యూలో వరప్రసాద రెడ్డి గారు చెప్పినప్పుడు నేను నిజంగా షాకయ్యాను. ఒళ్ళు గగుర్పొడిచింది. 

దటీజ్ కేసీఆర్!

ఒక ఇండస్ట్రియలిస్టుగా, ఒక ఫిలాంత్రపిస్టుగా, ఒక సంగీతసాహిత్యాభిమానిగా వరప్రసాద్ రెడ్డి గారి అత్యున్నత స్థాయి ఆలోచనలకు, కృషికి నేను అభిమానిని. 

హెపటైటిస్ బి వాక్సీన్‌తో పాటు, ఇంకో డజనుకు పైగా లాభాపేక్ష లేని వాక్సీన్ల సృష్టికర్తగా ఆయన రంగంలో ఆయనొక లెజెండ్. 

అలాంటి వరప్రసాద్ రెడ్డి గారు... ఇంకో లివింగ్ లెజెండ్, మన కళ్ళముందు మనం చూసిన 'ప్రపంచస్థాయి సక్సెస్ స్టోరీ' ముఖ్యమంత్రి కేసీఆర్ గారి పాలనను ఒక స్వర్ణయుగం అని చెప్పడం చాలా గొప్ప విషయం. 

కట్ చేస్తే - 

ఒకవైపు శాంతా బయోటెక్ ద్వారా ఎన్నో ప్రపంచ స్థాయి విజయాలు సాధించిన తర్వాత - ఇప్పుడు విశ్రాంత దశలో కూడా - సమాజం కోసం, తన చుట్టూ ఉన్న మనుషుల కోసం ఏదైనా చేయాలన్న నిరంతర ఆలోచనలతో ఇప్పటికీ నిరంతరం పనిచేస్తూ ఉండటం వరప్రసాద్ రెడ్డి గారొక్కరికే సాధ్యం. 

తన ఆధ్వర్యంలోని ఒక ఫౌండేషన్ ద్వారా... ఇప్పటికే 25 కి పైగా పుస్తకాలను వరప్రసాద్ రెడ్డి గారు ప్రచురించారన్న విషయం ఎంతమందికి తెలుసు?

హాస్యం, సంగీతం, సాహిత్యం వంటివి మనిషిని మనిషిలా ఉంచడానికి బాగా ఉపయోగపడతాయని ఆయన గట్టిగా నమ్ముతూ,  ఆ దిశలో ఇప్పటికీ తనకు తోచింది ఏదో ఒకటి చేస్తుంటారంటే నమ్మశక్యంగా ఉంటుందా ఎవరికైనా? 

కాని... వారింకా ఇవన్నీ చేస్తున్నారు, చేస్తూనే ఉంటారు. 

"పెట్టుబడిదారుడు కూడా సంపద పెంచవచ్చు, సంపద పంచవచ్చు" అని బాగా నమ్మటమే కాదు, చేసి చూపించిన "ఆచరణాత్మక కమ్యూనిస్టు" వరప్రసాద్ రెడ్డి గారిని ఎప్పుడైనా కలిసే అవకాశం రాకపోతుందా అని అప్పుడప్పుడూ అనుకునేవాణ్ణి.

కేజీయఫ్ ఇండియా యూట్యూబ్ చానెల్‌లో చూసిన ఈ ఇంటర్వ్యూ తర్వాత - వరప్రసాద్ రెడ్డి గారిని ఎలాగైనా ఒకసారి కలవాలని... కొన్ని నిముషాలైనా వారితో ముచ్చటించాలనీ ఇప్పుడు గట్టిగా అనుకుంటున్నాను. 

ENTER FILM INDUSTRY EASY

ఇంతకుముందులా

ఈ డిజిటల్ యుగంలో కూడా 
Acting | Script Writing | Direction లో -
 

మీ శిక్షణ కోసం కొన్నేళ్ళు,
మీ "ఒక్క ఛాన్స్" కోసం కొన్నేళ్ళు,
సిల్వర్ స్క్రీన్ మీద
మీ టైటిల్ కార్డు కోసం కొన్నేళ్ళు...
వృధా చేసుకోనవసరం లేదు! 

ఒక రన్నింగ్ కమర్షియల్ సినిమా -
కాన్సెప్ట్ స్టేజి నుంచి రిలీజ్ దాకా -
నాతోనే నా టీమ్‌లో ఉండి,
జరుగుతున్న పని చూస్తూ,
మీరు కూడా పని చేస్తూ -
ఆన్-సైట్‌లో శిక్షణ పొందే
అద్భుత అవకాశం. 

ఇలాంటి ప్రోగ్రాం
ఇండియాలో ఇదే మొదటిసారి!

మీ శిక్షణ,
సినిమాలో మీ ఒక్క ఛాన్స్,
స్క్రీన్ మీద మీ టైటిల్ కార్డ్...
అన్నీ ఏకకాలంలో ఒక్కసారే -
ఒకే సినిమాతో... 

6 నెలల్లో! 

ఈ అవకాశం

కొద్దిమందికి మాత్రమే!

Get connected... If you're really serious about your Film Industry Entry... And ready to join the Personal Coaching Program immediately.. 

Whatsapp/Call: 9989578125 

మీ కళ్ళు వర్షించకపోతే ఒట్టు !!

మనం మర్చిపోయిన 

మన బాంధవ్యాల విలువను, 

మనకే తెలీయకుండా వర్షించే

మన కన్నీళ్ల సాక్షిగా 

మనకు గుర్తుచేసే  

మన తెలంగాణ ఆత్మ చిత్రం - 

బలగం!

వెళ్లండి... 

"బలగం" సినిమా చూడండి.

మీ ఊరిని, మీ బాల్యాన్ని, 

మీ తోబుట్టువుల్ని, 

మీ కుటుంబాన్నీ, మీవాళ్లనీ 

గుర్తుకు తెస్తూ _

కనీసం ఒక్కసారయినా 

మీ కళ్ళు వర్షించకపోతే ఒట్టు!! 

యువ ప్రొడ్యూసర్ ద్వయం

హన్షిత, హర్షిత్ రెడ్డిలకు,

దర్శకుడు వేణు వెల్దండికి, 

ఆర్టిస్టులు, టెక్కీస్ టీమ్‌కు; 

ఈ అద్భుతమైన ప్రాజెక్టుకు 

తిరుగులేని ఛీర్ లీడర్ -

దిల్ రాజు గారికి... 

హాట్సాఫ్ ... 

- మనోహర్ చిమ్మని 

"శ్యామ్ సింఘరాయ్" సత్యదేవ్ జంగా!

ఒక నేషనల్ మీడియా సంస్థలోని మ్యూజిక్ విభాగంలో డివిజనల్ ఇన్‌చార్జిగా పనిచేస్తున్న ఓ సిన్సియర్ ఉద్యోగి మీద ఉన్నట్టుండి ఒక భారీ కాపీరైట్ నేరం మోపబడింది. అంత భారీ కేసు అతని మీద వేసింది - ఒక టాలీవుడ్ ప్రొడ్యూసర్. 

తీవ్రమైన మానసిక వత్తిడితో ఒక మూడునాలుగు రోజులు అతను అనుభవించిన వేదన అంతా ఇంతా కాదు. అయితే - తనకున్న క్రెడిబిలిటీతో, పరిచయాలతో కలవాల్సిన ఒకరిద్దరిని కలిశాడు. అతనేం తప్పు చేయలేదు కాబట్టి లీగల్‌గా ఆ కేసు నుంచి ఎలాగో బయటపడ్డాడు.  

సదరు టాలీవుడ్ ప్రొడ్యూసర్ ఆ కేసును అతని మీద వేసింది కేవలం ఒక నెగెటివ్ బజ్ కోసం!... తద్వారా వీలైతే ఆ మీడియా సంస్థ నుంచి ఒక ఐదారు కోట్లు నష్టపరిహారం అప్పనంగా పొందటం కోసం!!   

ఇలా కూడా జరుగుతుందా అనిపిస్తుంది. కాని, జరిగింది. 

ఉన్నట్టుండి - అతనిలో ఎప్పటినుంచో నిద్రాణంగా ఉన్న రచయిత మళ్ళీ లేచాడు. 

ఒక ఫిలిం డైరెక్టర్, అతనికి ఎలాంటి సంబంధం లేకుండా - అతను చేయని నేరానికి - తప్పించుకోలేని విధంగా కాపీరైట్ చట్టం కింద బుక్ అయితే ఏంటి పరిస్థితి? అతని జీవితంలో తర్వాతేం జరుగుతుంది?.... ఈ ప్రశ్నలకు - తాను బలంగా నమ్మే పూర్వజన్మ సిద్ధాంతాన్ని కూడా జోడించి - ఒక మంచి సినిమా కథ అళ్ళుకున్నారు. 

ఆ కథే... రాహుల్ సాంకృత్యన్ దర్శకత్వంలో నాని, సాయిపల్లవిల బ్లాక్ బస్టర్ సినిమా... "శ్యామ్ సింఘరాయ్."

 

ఆ కథారచయిత... సత్యదేవ్ జంగా.  

కట్ చేస్తే -  

సుమారు పాతికేళ్లపాటు ఆదిత్య మ్యూజిక్‌లో సీనియర్ మేనేజర్‌ స్థాయి వరకు పనిచేసిన సత్యదేవ్... ఆదిత్య మ్యూజిక్ ద్వారా విడుదలయ్యే ప్రతి తెలుగు సినిమా మ్యూజిక్ ఈవెంట్‌కు, ఆ కంపెనీ తరపున వేదికనెక్కేవారు. అలా టాలీవుడ్‌లో సత్యదేవ్ దాదాపు అందరికీ బాగా తెలుసు. 

అయితే - సత్యదేవ్‌లో ఒక అద్భుతమైన కథారచయిత కూడా ఉన్నాడన్న విషయం శ్యామ్ సింఘరాయ్ వచ్చేవరకు ఇండస్ట్రీలో చాలామందికి తెలియదు.    

శ్యామ్ సింఘరాయ్ కంటే చాలా ముందు - 2005 లోనే "ఏ ఫిలిం బై అరవింద్" సినిమాకు కథ అందించిన నేపథ్యం సత్యదేవ్ జంగాకు ఉంది. 

మరి అప్పటి నుంచి ఇప్పటివరకు ఎందుకంత గ్యాప్? ఎందుకని కథారచయితగా పూర్తిస్థాయిలో దిగలేదు? 

"ఏది ఎవరికి ఎప్పుడు ఎక్కడ ఎలా జరగాలో అలా జరుగుతుంది" అంటూ నవ్వేస్తారు కర్మ సిద్ధాంత ప్రేమి సత్యదేవ్ జంగా. 

కట్ చేస్తే - 

నెల్లూరు జిల్లాలోని కావలి నుంచి తన తల్లిదండ్రులతో ఏడో ఏట హైద్రాబాద్‌కు వచ్చిన సత్యదేవ్‌కు తెలంగాణ మట్టి వాసన బాగా నచ్చింది. బాగానే అచ్చివచ్చింది. 

అలాగని సత్యదేవ్ తన మూలాల్ని మర్చిపోలేదు.

"I respect Andhra, I admire Telangana" అని సిన్సియర్‌గా చెప్పగలిగిన హంబుల్ ఓపెన్‌నెస్ సత్యదేవ్ సొంతం. 

ప్యారడైజ్ చౌరస్తాలో ఉన్న "సంగీత్ సాగర్"లో 1993 లో ఉద్యోగంలో చేరినప్పటి నుంచి -  ఒక నేషనల్ మీడియా సంస్థలో ఓ మూడేళ్ళు పనిచేసి - ఆదిత్య మ్యూజిక్‌లో రెండేళ్ల క్రితం వరకు సీనియర్ మేనేజర్‌గా తన ఉద్యోగ జీవితం వదిలేసేవరకు... కేవలం మ్యూజిక్‌లోనే "30 ఇయర్స్ ఇండస్ట్రీ" సత్యదేవ్‌ది! 

స్వయంగా తనే కంపోజర్‌గా ఒక పాతిక ఆల్బమ్స్‌తో కలిపి - ప్రొడ్యూసర్‌గా మొత్తం ఒక 250 వరకు భక్తిసంగీతం ఆల్బమ్స్ చేసిన రికార్డ్ సత్యదేవ్‌కుంది. 

ఈ జర్నీలో - బాలమురళీకృష్ణ, యస్ పి బాలు వంటి లెజెండ్స్‌తో కలిసి పనిచేసి, వారితో పాడించిన మధుర జ్ఞాపకాలు సత్యదేవ్ జీవితంలో చాలా వున్నాయి. 

అలాగే పార్థసారథి వంటి మ్యూజిక్ డైరెక్టర్స్‌ను... నిహాల్, నిత్యసంతోషిని, మాళవిక వంటి ఎందరో కొత్త తరం సింగర్స్‌ను పరిచయం చేసిన క్రెడిట్ కూడా సత్యదేవ్‌కుంది.   

కట్ చేస్తే - 

మా ఇద్దరిదీ దాదాపు 20 ఏళ్ళ పరిచయం. దర్శకుడిగా నేను చేసిన నాలుగు సినిమాల ఆడియోల విషయంలోనూ నాతో జర్నీలో ఉన్నారు సత్యదేవ్. 

ఈ జర్నీలోనే - సుమారు ఏడేళ్ళ క్రితం - మా బోయిన్‌పల్లి ఆఫీసులో కూర్చొని, సత్యదేవ్ నాకు చెప్పిన ఒక అద్భుతమైన కథ నాకింకా గుర్తుంది. ఇదే జర్నీలో - మా ఇద్దర్నీ మరింత దగ్గర చేసింది మా ఇద్దరిలోనూ ఉన్న ఆధ్యాత్మిక స్పృహ. ఈ గుళ్ళూ గోపురాలకి అవతలి ఆధ్యాత్మిక లోకం గురించి మేం ఎంతసేపైనా మాట్లాడుకోగలం! 

సత్యదేవ్ జంగా కథతో - మా ఇద్దరి కోంబోలో కూడా ఒక సినిమా ఎందుకు చెయ్యకూడదు అని మొన్నే అనుకున్నాం. అంతా అనుకున్నట్టు జరిగితే - ఆ ప్రాజెక్టు ఒక పెద్ద బ్యానర్‌లోనే ఉంటుంది. అది వేరే విషయం.    

సత్యదేవ్, భార్య, ఇటీవలే ISB లో సీట్ తెచ్చుకున్న ఒక అబ్బాయితో కలిపి వారిది చిన్న కుటుంబం. వాళ్ల అన్నగారి కుటుంబంతో కలిసి వారిది ఉమ్మడి కుటుంబం కూడా కావడం విశేషం.   

శ్యామ్ సింఘరాయ్ వంటి పెద్ద హిట్ తర్వాత - సత్యదేవ్ నుంచి వచ్చే కథను అదే స్థాయిలో, అంతకు మించిన స్థాయిలో ఎక్స్‌పెక్ట్ చేయటం సహజం. అలాంటి వత్తిడిని తట్టుకొంటూ - తనదైన శైలిలో దేనికదే విభిన్నమైన కథలను తయారుచేసుకొంటూ - తన ప్యాషనేట్ కథాప్రపంచంలో బిజీగా ఉన్నారు సత్యదేవ్.

బ్లాక్ బస్టర్ "శ్యామ్ సింఘరాయ్" తర్వాత "వాట్ నెక్‌స్ట్" అంటే - 

"ఒక సూపర్ న్యాచురల్ యాక్షన్ డ్రామా, కాశీ బ్యాక్‌డ్రాప్‌లో ఒక పీరియాడిక్ లవ్‌స్టోరీ, రోమోకామ్స్, థ్రిల్లర్స్... అన్నీ కలిపి ఒక 10 నుంచి 15 వరకు కథలున్నాయి. త్వరలోనే నా కథతో ఒక పెద్ద ప్రాజెక్టు కూడా ఎనౌన్స్ అవబోతోంది" అన్నారు సత్యదేవ్.  

నిజానికి - "శ్యామ్ సింఘరాయ్" తర్వాత - సత్యదేవ్‌కు ముంబై నుంచి, ఇక్కడ తెలుగు ఇండస్ట్రీలో పెద్ద బ్యానర్స్ నుంచి కూడా ఆఫర్స్ వచ్చాయి. కథలు వినిపించారు, ఒప్పించారు. అయితే - భారీ కమర్షియల్ సినిమా అంటే బేసిగ్గా కాంబినేషన్స్‌తో భారీ వ్యాపారం కాబట్టి - అవన్నీ సరిగ్గా కుదరాలి. ప్రస్తుతం  ఆ దిశలోనే ఇంకా చర్చలు కొనసాగుతున్నాయి. 

సో... ఆ కాంబినేషన్స్, బడ్జెట్స్ అన్నీ కుదిరి... శ్యామ్ సింఘరాయ్‌ని మించిన కథతో అతి త్వరలోనే సత్యదేవ్ జంగా సినిమా ఎనౌన్స్ అవుతుందని ఈ అంతర్జాతీయ రచయితల దినోత్సవం రోజు ఒక మిత్రుడిగా నేను మనస్పూర్తిగా ఆశిస్తున్నాను. 

"శ్యామ్ సింఘరాయ్ లాంటి బ్లాక్ బస్టర్ హిట్ సినిమాకు కథ ఇచ్చారు కదా - మాతో చేస్తారో లేదో" అని అనుకొనే అవకాశం ఇండస్ట్రీలో కొందరిలో ఉంటుంది. అది సహజం. నిజానికి చిన్న పెద్దా, సీనియర్ జూనియర్ అనే భేషజాల్లేకుండా - టేస్ట్ ఉన్న దర్శకులు-ప్రొడ్యూసర్స్ ఎవరితోనైనా కలిసి మంచి సినిమా చెయ్యడానికి ఎప్పుడూ సిద్ధంగా ఉండే సత్యదేవ్ జంగాకు మంచి ప్రాజెక్ట్సే లభిస్తాయని ఆయన మనసు తెలిసిన మిత్రునిగా నా నమ్మకం... నా ఆకాంక్ష. 

Happy International Writers' Day!  

అట్లుంటది "కేటీఆర్" తోని!

ఇప్పటిదాకా "బలగం" ప్రి-రిలీజ్ ఈవెంట్ యూట్యూబ్‌లో చూశాను. మొన్న చూళ్ళేదు. 

ఏదో ఇంకో రెండు పక్కా కమర్షియల్ సినిమాలు చేసేసి, నాలుగు డబ్బులు సంపాదించుకొని, ఆ రకంగా కొంచెం ఫ్రీడం తెచ్చుకొని, సినిమాలకు గుడ్‌బై చెప్పి, ఉన్న నాలుగు రోజులు నా ఇష్టమున్నట్టు లైఫ్ ఎంజాయ్ చేద్దాం అని మొన్ననే డిసైడ్ అయినవాన్ని... ఇప్పుడు మనసు మార్చుకున్నాను.

అసలు సిసలు మెయిన్‌స్ట్రీమ్‌ లోకి  ఎంటరవుదామనుకుంటున్నా ఇప్పుడు! 

నా ఆలోచనలో ఇలాంటి మార్పు రావడానికి కారణం "బలగం" సినిమా, దిల్ రాజు, దాని దర్శకుడు వేణు & టీమ్, డీజే టిల్లూ ఎట్సెట్రా గెస్టులు మాత్రమే కాదు. 

చివరలో మాట్లాడిన సెకండ్ జెనరేషన్ నిర్మాతలు హర్షిత్ రెడ్డి, హన్షిత రెడ్డిల్లో హన్షిత మాట్లాడిన రెండు మాటలు నాకు బాగా నచ్చాయి... 

ఎంత భారీ దర్శకుడినయినా, ఎంత భారీ హీరోనయినా తెచ్చుకోగల నేపథ్యం ఉన్నా - వాటిని పక్కనబెట్టి, తెలంగాణ ఆత్మను వారి తొలి సినిమాగా అందిస్తున్న ఈ ఇద్దరికీ నా శుభాభినందనలు. 

"సెకండ్ జెనరేషన్ ఐకాన్" కేటీఆర్ గారు వాళ్ళిద్దరికీ చెప్పిన రెండు మాటలు ఈ మొత్తం ఈవెంట్‌కే హైలైట్. 

కట్ చేస్తే - 

"తెలంగాణ సినిమాకు చాలా చెయ్యాల్సి ఉంది, చేస్తాం" అని కేటీఆర్ గారు ఈ వేదిక మీద నుంచి చెప్పటం ఒక గొప్ప ఫినిషింగ్ టచ్. 

ఎందుకంటే - సిరిసిల్లలో కేటీఆర్ చెప్పింది చేశారు. చెప్పినదానికంటే వందరెట్లు ఎక్కువ చేశారు. 

అదే సిరిసిల్ల నుంచి ఆయనే స్వయంగా చెప్పిన ఈ మాటకు చాలా విలువుందని నాకు తెలుసు. కేటీఆర్ గారి గురించి తెలిసిన అందరికీ బాగా తెలుసు. 

ట్విట్టర్‌లో - "ఆస్క్ కేటీఆర్" ద్వారా - నాకిచ్చిన మాటను మర్చిపోకుండా, నన్ను ప్రగతి భవన్ పిలిపించుకొని, నా పుస్తకం "కేసీఆర్ - ది ఆర్ట్ ఆఫ్ పాలిటిక్స్"ను ఆవిష్కరించి, నాతో ముచ్చటిస్తూ కేటీఆర్ గారు గడిపిన ఆ విలువైన సమయం నాలో ఇంకా ఫ్రెష్‌గానే ఉంది.      

మరోవైపు, ఎన్నో అంశాల్లో హైద్రాబాద్‌ను ఇంటర్నేషనల్ స్థాయి సిటీల్లో ఒకటిగా మనం చూస్తూండగా చేసి చూపించారు కేటీఆర్.

ఈ దిశలో కేటీఆర్ సారథిగా, వారి టీమ్ సాధిస్తున్న విజయాలు నిజంగా ఎపిక్! 

వారంలో దాదాపు ప్రతిరోజూ - కనీసం ఒక భారీ ఇన్వెస్ట్‌మెంట్ అయినా తెలంగాణకు తీసుకురాని రోజు లేదు. 

ఇన్నిన్ని పనుల్లో నిరంతరం బిజీగా ఉంటూ - ఒక తెలంగాణ నేపథ్యం ఉన్న సినిమా కోసం - సిరిసిల్లలో కేటీఆర్ గారు రెండు మూడు గంటలు కెటాయించడం అనేది ఆయనకు మాత్రమే సాధ్యమైంది. 

That is KTR... The Future Perfect of Telangana.