వీళ్ళు అసలు క్రియేటివిటీకి పనికొస్తారా?

ప్రొఫెషనల్స్‌తో పనిచేయడం వేరు, పనిమీద ఆసక్తిలేనివారితో పనిచెయ్యడం వేరు. ఈ ఇద్దరి పనితీరులో, యాటిట్యూడ్‌లో భూమ్యాకాశాల తేడా ఉంటుంది.

కట్ చేస్తే -

నా కొత్త సినిమా కథాచర్చలు అనుకోకుండా ఇవాళ వై-జంక్షన్ దగ్గరున్న ఒక 'మాల్'లో జరిగాయి. 

సుమారు మూడున్నర గంటలపాటు కూర్చున్నాం. 

ఎలాంటి డిస్టర్బెన్స్ లేదు. ఫుల్ 'ఏసీ'లో ఎక్కడ సౌకర్యంగా ఫీలైతే అక్కడ కూర్చోవచ్చు. ఆకలైతే 'కేయఫ్సీ'లో చికెన్-పెప్సీ తీసుకొని తినొచ్చు. కావాలనుకున్నప్పుడు మంచి కాఫీ త్రాగొచ్చు. బోర్ కొడితే, చేంజ్ కోసం, చుట్టూ ఉన్న కలర్‌ఫుల్ యాంబియెన్స్‌లో కాసేపు అలా వాకింగ్ చేసిరావచ్చు. 

క్రియేటివ్ మీటింగ్స్‌కు ఇప్పుడు ది బెస్ట్ ప్లేస్... మాల్స్. నిజానికి, మాల్స్‌ను మించిన ఎకానమీ మీటింగ్ ప్లేసులు నా దృష్టిలో అసల్లేవు. 

ఇక్కడ ఎవరూ ఎవర్ని పట్టించుకోరు. మన పని మనం హాయిగా చేసుకోవచ్చు. 

ఇంకేం కావాలి?

ఎప్పుడూ నాకు అది కావాలి, ఇది కావాలి అనేవాళ్ళూ... ఇదుంటేనే చేస్తా, అదుంటేనే చేస్తా అనేవాళ్ళూ... అసలు క్రియేటివిటీకి పనికిరారు. 

ఇంకేం లేకపోయినా ఫరవాలేదు కాని, వీళ్ళు మాత్రం వద్దు. 

- మనోహర్ చిమ్మని