అవ్వా బువ్వా రెండూ కావాలంటే కుదరదు!

ఒకటి సాధించాలనుకొంటే, ఒకటేదో వొదులుకోవాలి... ఏ విషయంలోనయినా సరే, ఏ వృత్తిలోనయినా సరే. ఇది తప్పదు.

సినిమాల్లో అయితే, ఇది నూటికి నూరు శాతం అస్సలు తప్పదు.  

కట్ చేస్తే -

రెండే రెండు విషయాలు...

ఒకటి: మీకిష్టమైన ఫీల్డులో ఎలాంటి అడ్డంకులూ, పరిమితులూ లేకుండా పనిచేసుకోగలగడం.

రెండు: పై విషయంలో ఇంట్లో భార్య/భర్త, కుటుంబం మనస్పూర్తిగా మిమ్మల్ని ప్రోత్సహించి, సహకరించడం. 

  

90 శాతం మంది విషయంలో ఈ రెండింటి బ్యాలెన్స్ అసలు కుదరదు. రెండోది ఉన్నప్పుడే  మొదటి విషయంలో ఏదైనా సాధించే అవకాశముంటుంది. అలా లేదంటే మాత్రం, రెండిట్లోనూ ఫెయిలవక తప్పదు. 

  

అలా ఇలా కూడా కాదు, అట్టర్ ఫ్లాప్ అవుతారు. 

మరి మనకు సక్సెస్ కావాలా, ఫ్లాప్ కావాలా? 

ఇది మీ పాయింట్ నంబర్ 2 మీద ఆధారపడి ఉంటుంది. అక్కడ ఆ కోపరేషన్ లేదంటే సింపుల్‌గా పాయింట్ నంబర్ 1 పూర్తిగా మర్చిపోవాలి. హాప్పీగా ఉంటారు. 

లేదంటే ఒక్కటే మార్గం.

ఏక్ నిరంజన్!

- మనోహర్ చిమ్మని