మన తిప్పలేదో మనం పడుతుంటాం. అయితే, మనం అడక్కపోయినా సరే, కల్పించుకొని మరీ చాలా మంది పరిచయస్తులు, మిత్రులు, ఉచితసలహాదారులు ఒక మాట అంటుంటారు:
"ముందు నువ్వు ఇది కానివ్వు. మంచి హిట్ కొట్టు. హిట్ కొట్టిన తర్వాత నీకు ఎన్ని కోట్లు అంటే అన్ని కోట్లు మేం పెడతాం, పెట్టిస్తాం" అని.
హిట్ కొట్టిన తర్వాత మార్కెట్లో ఉన్న లీడింగ్ ప్రొడ్యూసర్సే పిలుస్తారు, మంచి ఆఫర్స్ ఇస్తారు. ఏ చిన్న సపోర్ట్ అయినా నిజంగా నువ్వు చెయ్యాలనుకుంటే అది ఇప్పుడు కదా అన్నది నా హంబుల్ పాయింట్.
ఇలాంటి బుర్రలేని మాటలు ఒక్క సినిఫీల్డులోనే కాదు. ఏ ఫీల్డులో అయినా వింటుంటాం. ఆఖరికి మన ఇళ్ళల్లో కూడా వింటుంటాం. అయితే - ఇలాంటివన్నీ చిరునవ్వుతో వింటూ, సాధ్యమైనంతవరకు ఇలాంటి 'టైమ్ వాంపైర్స్'ను తప్పించుకొంటూ ముందుకెళ్ళగలిగినవారే ఏదైనా సాధిస్తారు.
- మనోహర్ చిమ్మని
No comments:
Post a Comment
Thanks for your time!
- Manohar Chimmani