ఏదీ ఊరికే రాదు, ఊరికే అందరూ హీరోలవ్వలేరు!

నిజంగా సినీఫీల్డు మీద చచ్చేంత ప్యాషన్, ఏమైనా సరే సాధించాలన్న తపన ఉన్న కొత్త హీరోలకు, కొత్త ఆర్టిస్టులకు ఇదొక పనికొచ్చే పోస్ట్.  

హీరోగా ఇంట్రొడ్యూస్ కావాలనుకొనే కొత్త ఆర్టిస్టులు... ఈ పోస్ట్ చదివాక, ఈజీగా ఒక డెసిషన్ తీసుకోవచ్చు.  

కట్ చేస్తే -

సినీఫీల్డులో హీరోగా మీ ప్రవేశానికి టాలెంట్ ఒక్కటే సరిపోదు!  

బై డిఫాల్ట్ ఎవరికైనా టాలెంట్ ఉండాల్సిందే. అయితే - ఆ టాలెంట్ మిమ్మల్ని ఇండస్ట్రీకి పరిచయం చేయగలిగినవారి దృష్టికి తీసుకెళ్ళగలగాలి. అదెలా సాధ్యమవుతుందో మీకు తెలిసుండాలి. 

చాలా సందర్భాల్లో ఒక కొత్త హీరో బయటినుంచి పరిచయమవడం అన్నది చాలా అరుదుగా జరిగే అంశం. డబ్బు, ఇండస్ట్రీ లింక్స్, కాంటాక్ట్స్ లేకుండా దాదాపు ఇది అసాధ్యం. 

కేవలం అతి కొద్ది మంది విషయంలో మాత్రమే, చాలా అరుదుగా, టాలెంట్ సపోర్ట్ చేస్తుంది. అది షార్ట్ ఫిలిమ్స్‌లో మీ యాక్షన్ గుర్తించి కావచ్చు. అంతకు ముందు చిన్న చిన్న కారెక్టర్స్‌లో మీరు ప్రూవ్ చేసుకున్న మీ నటన చూసి కావచ్చు. కాని, ఇది అందరికీ సాధ్యం కాదు.  

ఎవరో ఒకరిద్దరిని ఉదాహరణగా తీసుకొని, "నేనూ అలాగే హీరో అవుతా" అని అనుకోవడం ఇప్పుడున్న భారీ కాంపిటీషన్‌లో, ఈ ఏఐ యుగంలో దాదాపు అసాధ్యం. విలువైన మీ సమయం... ఏళ్లూ దశాబ్దాలూ వృధాకావడం తప్ప ఇంకేం జరగదు.  

కట్ చేస్తే - 

సినిమా అంటేనే - ప్రతిరోజూ లక్షల్లో ఖర్చు. భారీ స్టార్స్ ఉన్న సినిమా అయితే ఈ ఖర్చు రోజూ కోట్లల్లో ఉంటుంది. 

అంతా కొత్తవాళ్లతోనే, ఒక మాడరేట్ స్థాయిలో సినిమా తీయాలంటేనే... కనీసం ఓ 2 కోట్లు అవుతుంది. 

కొత్త హీరోలకు చాన్స్ ఇచ్చే సినిమాలు 99% చిన్న బడ్జెట్ సినిమాలే.

ఈ చిన్న బడ్జెట్ సినిమాలకు ఎప్పుడూ ఒక పెద్ద సమస్య ఉంటుంది. డబ్బు! 

ప్రొడ్యూసర్స్ ఉండరు. డైరెక్టర్స్ ఎవరికివారే ప్రొడ్యూసర్స్‌ను క్రియేట్ చేసుకోవాల్సి ఉంటుంది. లేదంటే ఇన్వెస్ట్‌మెంట్స్ క్రియేట్ చేసుకోవాల్సి ఉంటుంది.   

ఒక కొత్త హీరోను ఇంట్రొడ్యూస్ చెయ్యాలనుకున్నప్పుడు, ఎవరైనా టాలెంట్‌కే ఫస్ట్ ప్రెఫరెన్స్ ఇస్తారు. ఇందులో ఎలాంటి డౌట్ లేదు. అయితే - అలా టాలెంట్ ఉన్నవాళ్ళు వందల్లో ఉంటారు. సో, వారిలో ఎవరి ద్వారా ప్రాజెక్టుకు సపోర్ట్ ఉంటుందో వారికే ఫస్ట్ ప్రిఫరెన్స్ ఇస్తారు. 

ఇప్పుడు మీకు అర్థమై ఉంటుంది... 

మీకు తెలిసిన చాలా ఉదాహరణలు గుర్తుకొస్తుంటాయి...

 

కొత్త హీరోలను ఎక్కువగా వారి బంధువులో, ఫ్రెండ్సో ప్రొడ్యూసర్స్‌గా ఉండి ఇంట్రొడ్యూస్ చేస్తారు. కొంతమంది కొత్త హీరోలు వారే స్వయంగా బడ్జెట్లో కొంత భాగం ఇన్వెస్ట్ చేస్తారు. కొంతమంది కొత్త హీరోలు వారే స్వయంగా సినిమాని ప్రొడ్యూస్ చేస్తారు.  

వారికి ఆ స్థోమత లేనప్పుడు, వారి సర్కిల్లో తెలిసినవారి ద్వారా  ఇన్వెస్ట్ చేయిస్తారు. 

ఓవర్‌నైట్‌లో హీరోలయిపోతారు!  

ఇది కొత్త విషయం కాదు. ఎప్పుడూ జరిగేదే.  

ఈమధ్య కూడా - ఈ పద్ధతిలో హీరోలుగా పరిచయమై నిలదొక్కుకున్న హీరోలెవరైనా గుర్తొస్తున్నారా మీకు? తప్పకుండా వస్తారు. ఇది చాలా మామూలు విషయం.

అంతెందుకు... కొందరు ఎస్టాబ్లిష్ అయిన హీరోలు కూడా, బయటి ప్రొడ్యూసర్స్‌నుంచి ఆఫర్స్ లేక, సొంతంగా వాళ్ళ బ్యానర్స్‌లోనో, వాళ్ళ బంధువుల బ్యానర్స్‌లోనో సినిమాలు చేస్తుంటారు. 

ఇదంతా మామూలు విషయం. ఎవ్వరినీ ఎవ్వరు తప్పుపట్టాల్సిన అవసరం లేని బిజినెస్. క్రియేటివ్ ప్రొఫెషన్.  

కొత్త హీరోల ఇంట్రడక్షన్ వెనకున్న ఈ ఆర్థిక కోణాన్ని అర్థం చేసుకోలేక - చాలా మంది చాలా తప్పుగా అనుకుంటారు... డబ్బులు పెడితేనే  చాన్స్ ఇస్తారనీ, ప్రొడ్యూసర్లు - డైరెక్టర్లు వాళ్లకు తెలిసిన వాళ్లకే చాన్స్ ఇస్తున్నారనీ, నెపొటిజమ్ అనీ... రకరకాలుగా అనుకుంటారు.  

ఏదీ ఊరికే రాదు, ఊరికే అందరూ హీరోలవ్వలేరు!
హీరోలయ్యాక వారికి కూడా ఊరికే కోట్లల్లో రెమ్యూనరేషన్ ఇవ్వరు!! 

ప్రతిదానికీ ఓ లెక్కుంటుంది. ఈ రియాలిటీని అర్థం చేసుకుంటే చాలు. జీవితంలో మీ టైం వేస్ట్ కాదు.

ఆసక్తి ఉందా?

సినీఫీల్డులో హీరోగా మీ కెరీర్ పట్ల చచ్చేంత ప్యాషన్ ఉందా? 

అయితే - ఆసక్తి, ప్యాషన్ మాత్రమే సరిపోవు. స్థోమత ఉండాలి. మీ కుటుంబం, మీ కుటుంబ నేపథ్యం మీకు సహకరించాలి. అలా లేనప్పుడు, మీకోసం బడ్జెట్‌లో కొంత భాగమయినా ఇన్వెస్ట్ చేయడానికి ముందుకు వచ్చే సర్కిల్, కాంటాక్ట్స్ మీకుండాలి.  

ఓకే అనుకుంటే - 

నిజంగా ఆ స్థాయి సీరియస్‌నెస్, ఆ స్థోమత, ఆ కాంటాక్ట్స్ మీకు ఉన్నట్టయితే -  

మీ పూర్తి వివరాలతో నాకు DM చేయండి. 

మీరు హీరోగా బెస్ట్ పాజిబిలిటీస్ ఆలోచిద్దాం.     

Welcome to Glamour World! 

See You On The Sets...   

– Manohar Chimmani

Nandi Award Winning Writer, Film Director