ఆనందో బ్రహ్మ

మైండ్ చేంజెస్ లైక్ వెదర్... అని ఇంగ్లిష్‌లో ఒక కొటేషన్ ఉంది.

జీవితంలో కొన్ని అనుభవాల తర్వాత - ఒక్కటే ఆలోచనతోనో, ఒక్కటే ఆలోచనావిధానంతోనో ఒక గీత గీసినట్టుగా ఉండటం అనేది అన్నివేళలా అందరికీ సాధ్యం కాదు. 

జీవితం వైరుధ్యాలమయం.   

ముఖ్యంగా క్రియేటివ్ రంగాల్లో ఉన్నవారికి.  

కట్ చేస్తే -

9-6 వర్క్‌కు అలవాటుపడని మనిషి జీవితమంతా ప్రయోగాలే. 

ఎక్కడో ఒక్కచోట, ఎప్పుడో ఒకప్పుడు మనకిష్టమైన ఆ యురేకా క్షణం వస్తుంది. రాకపోవచ్చుకూడా.  

వస్తుందని ఎదురుచూడకుండా, రాదని నిరాశ చెందకుండా, మనకిష్టమైన ఆ క్షణాన్ని తెచ్చుకోవడం పైనే మన దృష్టిపెట్టాలి. తెచ్చుకోవాలి. అసాధ్యమేం కాదు. కాకపోతే, ఇదింకో ప్రయోగమవుతుంది. 

ప్రపంచం మెచ్చే సార్థకతనా? మన మనసుకి ఇష్టమైన ఆనందమా?

ఏదో ఒక అంతిమరేఖను తాకడమే విజయమా? ఆ ప్రాసెస్‌లో అనుక్షణం ఆనందాన్ని అనుభవిస్తుండటం విజయమా?   

ఇది తెలుసుకోవడమే జ్ఞానం. 

- మనోహర్ చిమ్మని