ఆరోగ్యమే మహాభాగ్యం

నిజంగా రెండే రెండు పదాల్లో ఎంత బాగా చెప్పారు మన పెద్దలు! 

మనం వింటామా? 

ఒక్క ఆరోగ్యం విషయమనే కాదు, ఇంకేదైనా అంతే. 

వ్యక్తిగత విషయాలు, వృత్తి విషయాలు, ఆర్థిక విషయాలు, సాంఘిక విషయాలు, మానవ సంబంధాలు... ఏదైనా సరే, ప్రతీదీ మనకు అనుభవమయ్యేదాకా, మన అనుభవంలోకి వచ్చేదాకా అసలు వినం. పట్టించుకోం.

ఇంకో పెద్ద ఈగోటిస్టిక్ "అతి" మనలో ఏంటంటే, మన పెద్దలు చెప్పింది అంతో ఇంతో నిజమే కదా అనిపించినా సరే, దాన్ని మనం స్వయంగా టెస్ట్ చెయ్యాలనుకుంటాం. రీ-ఇన్వెంట్ చెయ్యాలనుకుంటాం. 

చిక్కంతా అక్కడే. 

కట్ చేస్తే -

జరగాల్సిన నష్టం జరిగాక గాని, మనకు అర్థం కాదు. 

అప్పుడు గుర్తొస్తుంది... 

"పెద్దల మాట-సద్ది మూట" అన్న నిజం.

- మనోహర్ చిమ్మని