ఈ క్షణం నా అవసరమేంటి? ఈ క్షణం నాకు ఎవరితో పని?

"ది మేకింగ్ ఆఫ్ ఎక్స్-వై-జెడ్"... అని తప్పక ఒక బుక్ రాసి, బుక్‌తో పాటు, ఫ్రీ పీడీయఫ్ కూడా రిలీజ్ చేస్తాను. 

ఇంతకుముందు నేను చేసిన ఏ సినిమాకు కూడా ఇలాంటి అనుభవాల్లేవు. ఇన్ని అవమానాల్లేవ్, కష్టాల్లేవ్. 

ఇలాంటి పుస్తకాలే నిజంగా ఫ్యూచర్ ఫిలిం మేకర్స్‌కు బాగా ఉపయోగపడతాయి... సినిమా తీయడం ఎలా, స్క్రిప్టు రాయడం ఎలా వంటి పుస్తకాలు కాదు.    

కట్ చేస్తే -

ఇది వ్యక్తిగతం కాదు. 

ట్రెండ్స్ ఎలా ఉన్నాయి చెప్పడం.

ఇలా ఉన్నాయేంటా అని బాధపడ్డం. 

ఒక్క సినీఫీల్డే కాదు, అంతటా ఇంతే. 

ఈ క్షణం నా అవసరమేంటి? ఈ క్షణం నాకు ఎవరితో పని? మన పని అయిపోయిందా... ఖేల్ ఖతమ్, దుకాణ్ బంద్. 

ఎవరూ ఎవరికి కనిపించరు,

ఎవరూ ఎవరిని పలకరించరు. 

మళ్ళీ ఏదైనా అవసరముంటే తప్ప.

సినిమాలు, అవకాశాలు, హిట్లు, డబ్బులు... ఇవి మాత్రమే కాదు. కలిసి ఒక పనిచెయ్యాలి అనుకున్నప్పుడు ఎంత ఫోకస్ ఉండాలి? ఎంత టీమ్ ఎఫార్ట్ ఉండాలి? ఎలాంటి కమ్యూనికేషన్ ఉండాలి? 

బేసిక్ కమ్యూనికేషన్ పాటించటమే ఒక తప్పుగా భావించేవాళ్ళు నిజంగా ఏదైనా సాధించగలరా? 

నాలుగయిదురోజులుగా నీ మెసేజెస్‌కు-కాల్స్‌కు రెస్పాన్స్ లేదు, నీతో అసలు కమ్యూనికేషన్ లేదు అంటే... నువ్వు ప్రయారిటీలో లేవన్నట్టే కదా?  

ప్రయారిటీలో లేనిచోట ఏదైనా పని అవుతుందని, ఇంకేదైనా సాధిస్తామని ఎలా భ్రమిస్తాం?    

అన్నీ బాగున్నప్పుడు కాదు... అసలేమీ బాగాలేనప్పుడే అద్భుతమైన టీమ్‌వర్క్ ఉండాలి, హాట్‌లైన్ కమ్యూనికేషన్ ఉండాలి.     

ఇది ఏ ఒక్కరి గురించో రాస్తున్నది కాదు. మనుషులు క్రమంగా ఎలాంటి మానసికస్థితికి చేరుకుంటున్నారు అన్న వ్యధ. 

Success begins with communication.
If you can’t express, you can’t achieve.  

- మనోహర్ చిమ్మని