ది మనోహర్ చిమ్మని షో

టిమ్ ఫెర్రిస్, జేమ్స్ ఆల్టుచర్ లాంటి వారి పాడ్‌కాస్టులు విన్న తర్వాత, చూసిన తర్వాత... ఇంచుమించు ఆ స్థాయిలో మన తెలుగులో కూడా పాడ్‌కాస్టులు వస్తే బాగుంటుంది కదా అని ఒక అయిదారేళ్ళ నుంచీ అనుకుంటున్నాను. 

ఈ మధ్యలో తెలుగులో చాలా పాడ్‌కాస్టులు వచ్చాయి. ఒకటి రెండు ఇంటరెస్టింగ్‌గా ఉన్నాయి. 

"మనం కూడా ఒక యూట్యూబ్ చానెల్ స్టార్ట్ చేద్దాం సార్" అని మా ప్రదీప్, నాగ్ ... రెండుమూడేళ్ళుగా ఎన్నిసార్లు చెప్తున్నా విననివాణ్ణి, ఉన్నట్టుండి యూట్యూబ్ స్టార్ట్ చేశాను. కిందామీదా పడి ఏదో ప్రాక్టీస్ చేస్తున్నాను. 

కాని, నా అసలు లక్ష్యం పాడ్‌కాస్ట్...

The Manohar Chimmani Show.

కట్ చేస్తే - 

కేవలం పొలిటికల్ అంశాలతో ప్రత్యేకంగా "10X తెలంగాణ" అని రెండో యూట్యూబ్ చానెల్ కూడా ప్రారంభించాలనుకొన్నాను. చాలా ప్లాన్ చేశాను ఆ దిశలో. 

కాని, "ది మనోహర్ చిమ్మని షో" ఒక్కటి చాలు. ఇందులోనే అన్నీ వచ్చేట్టుగా చేసుకోవచ్చు. పాలిటిక్స్ కూడా.  

అన్ని ఏర్పాట్లు జరుగుతున్నాయి. తేదీ ఇంకా అనుకోలేదు కాని, అక్టోబర్ లోనే నా పాడ్‌కాస్టు ప్రారంభిస్తున్నాను. 

Podcasts can be thoughtful, connective, and even life-changing — like books. But they can also be addictive, shallow, and manipulative — like cigarettes. With my soon-to-launch podcast, The Manohar Chimmani Show, I aim to create something thoughtful, soulful, and deeply connective — a podcast that can be life-changing, like books. 

- మనోహర్ చిమ్మని   

నా రైటింగ్ & కోచింగ్ సర్విసెస్... త్వరలో!

"మీలోని నైపుణ్యాలను, శక్తి సామర్థ్యాలను పూర్తిస్థాయిలో వినియోగించుకోవడమే మీ జీవితాదర్శం కావాలి." అని ఇంగ్లిష్‌లో ఈమధ్యే ఎక్కడో చదివాను. 

కట్ చేస్తే - 

మారిన నా ప్రాథమ్యాల నేపథ్యంలో, ఈరోజు నుంచే క్రింది విభాగాల్లో నా టైమ్-బౌండ్ సేవలను పూర్తి స్థాయిలో ప్రారంభిస్తున్నాను: 

> కంటెంట్ రైటింగ్ 

> ఘోస్ట్ రైటింగ్

> కోచింగ్ & కన్సల్టింగ్ 

పూర్తి వివరాలను ఎప్పటికప్పుడు నా బ్లాగులో, సోషల్ మీడియాలో పోస్ట్ చేస్తుంటాను. 

Wish me the best. 
Thank you. 

- మనోహర్ చిమ్మని 

10X తెలంగాణ... జస్ట్ పాలిటిక్స్!

పూర్తిగా పొలిటికల్ కంటెంట్‌తో నేను ప్రారంభించబోతున్న యూట్యూబ్ చానెల్ ఇది. 

దీనికి ఇంకా సమయం ఉంది. ఏర్పాట్లు జరుగుతున్నాయి. 

కట్ చేస్తే -

అసలు పాలిటిక్స్ కోసం ప్రత్యేకంగా ఇంకో చానెల్ ఎందుకు... ఒకే చానెల్లో దాన్నీ ఒక విభాగంగా చేసుకొని ప్రారంభించవచ్చుకదా... అని ఆమధ్య అనుకున్నాను. ఇప్పుడు నా పేరుతో ప్రారంభించిన చానెల్లోనే పాలిటిక్స్ కూడా చేర్చుదామనుకున్నాను. కాని, అది కరెక్టు కాదు అని మళ్ళీ నా నిర్ణయం మార్చుకున్నాను. 

పాలిటిక్స్ ఒక డిఫరెంట్ గేమ్. 

పాలిటికల్ కంటెంట్ మీద ఆసక్తితో వచ్చే యూట్యూబ్ ప్రేక్షకులను ఒక మిక్స్‌డ్ చానెల్లో ప్లే లిస్టులతో కన్‌ఫ్యూజ్ చేయడం మంచిది కాదు. వ్యూయర్స్‌కు అంత సమయం, అంత ఓపిక ఉండవు. 

అందుకే మళ్ళీ నా మొదటి ఆలోచనకే ఫిక్స్ అయిపోయాను. 

ఇదొక ప్రత్యేక చానెల్:

10X తెలంగాణ... జస్ట్ పాలిటిక్స్!
అక్టోబర్‌లో ప్రారంభం. 

Politics is a different game. In today’s YouTube era, viewers and enthusiasts are often sharper than the creators themselves. That’s why we must create epic content — always. And that’s the task we’re on now.

- మనోహర్ చిమ్మని 

PS: 

Like 👍 | Comment 💬 | Subscribe 🔔 | Hit the Bell Icon for updates! 🙂

https://www.youtube.com/@manoharchimmani10x  

సినిమా అన్న పదమే ఇప్పుడు బోర్ కొడుతోంది...

సినిమా నేపథ్యంలో ఏదైనా చిన్న కంటెంట్ రాయాలన్నా ఇప్పుడు నాకు నిజంగా బోర్ కొడుతోంది. దాన్ని మించిన వినోదాలు, వ్యాపకాలు, పనులు ఇప్పుడు నాకు చాలా ఉన్నాయి. 

కట్ చేస్తే - 

జీవితం లోని వివిధ దశల్లో సహజంగానే కొన్ని మార్పులు వస్తుంటాయి. అవి - మన ఆలోచనల్లో కావచ్చు, మనం చేసే పనుల్లో కావచ్చు, అంతిమంగా మన లక్ష్యాల్లో కావచ్చు. 

మార్పు అనేది తప్పదు. 

మార్పే శాశ్వతం. 

Change isn’t the end — it’s the beginning of growth.

- మనోహర్ చిమ్మని 

ఆస్ట్రేలియా, కెనడా, బ్రిటన్, అమెరికా... అన్నిచోట్లా అదే!

యూకే సహా, కొన్ని దేశాల్లో ఇస్లాం మతం వాళ్ళు బాహాటంగా చేస్తున్న కొన్ని ప్రదర్శనలు, పనులు నిజంగా భయపెట్టిస్తున్నాయి. ట్రంప్ అయితే నేనసలు వాళ్లని మా దేశంలోకే ప్రవేశించనీయను అంటున్నాడు.    

అసలు అంత దాకా యూకే ఎందుకు తెచ్చుకుంది? నాకర్థం కాలేదు. ఇటీవలి అంతర్జాతీయ రాజకీయ, మత సంబంధమైన విషయాల్లో నేను ఎంత వెనుకబడి ఉన్నానో నాకు తెలుస్తోంది. కొంతైనా అధ్యయనం చెయ్యాలి. 

ఇదొక భయంకరమైన కోణం కాగా, మరోవైపు, ఇంకొక పెద్ద సమస్య నన్ను నిజంగా డిస్టర్బ్ చేస్తోంది. 

భారతీయులు వెనక్కిపోవాలి అని మొన్న ఆస్ట్రేలియాలో లక్షలాది మంది ఆస్ట్రేలియన్లు రోడ్లమీదకి వచ్చి చేసిన భారీ బహిరంగ నిరసన అస్సలు ఊహించనిది. 

నిన్న ఒక యూట్యూబ్ వీడియోలో బ్రిటన్ వాళ్ళు ఒక భారతీయ సంతతి యువతిని చేజ్ చేస్తూ రేసిజమ్ చూపిస్తున్న దృశ్యం ఇంకా మర్చిపోలేకపోతున్నాను. 

అమెరికాలో ఒక భారతీయున్ని, అతని భార్య, పిల్లల ఎదురుగా నరికి చంపిన వార్త జీర్ణం చేసుకోలేకపోతున్నాను. 

కెనడాలో, యూరప్‌లోని కొన్ని దేశాల్లో కూడా భారతీయుల్ని వెనక్కి వెళ్ళిపొమ్మంటున్నారని చదివాను. చూస్తున్నాను.        

ఇవన్నీ చాలా సున్నితమైన అంశాలు. ఎక్కడికి దారితీస్తాయో అర్థం కావడం లేదు.  

ఆవేశంతో ఒకసారి ఏదైనా జరగరానిది జరిగితే... తర్వాత భారీ ధనప్రాణ నష్టం పరిస్థితి తల్చుకుంటేనే వొళ్ళు గగుర్పొడుస్తోంది. 

What’s happening in countries like the UK, Canada, the US, and Australia — both politically and religiously — shouldn’t have happened. The real reason behind all this tension is nothing but brutal politics. After all, religion is a man-made construct. It should first uphold humanity. Otherwise, there’s no point in following that religion or political party.

- మనోహర్ చిమ్మని 

సుమతీ శతకకారుడు ఏదీ ఊరికే రాయలేదు!

మాట్లాడ్డం తెలీకపోవడం వేరు. 

తను ఏం మాట్లాడుతున్నది తనకే తెలీక మాట్లాడ్డం వేరు.

"ఆ ఏముందిలే, నా పనైతే అయిపోయిందిగా, లైట్!" అనుకొని, తెలిసి, ఏదిపడితే అది మాట్లాడ్డం వేరు.  

ఇది కనుక్కోవడం కొందరి విషయంలో కష్టం. బహుశా అదే వాళ్ళకుండే ఒక మంచి అడ్వాంటేజ్. 

కాని, ఎవరిలోనైనా పాజిటివ్ అంశాలనే నేను వెతుక్కుంటాను, ఇష్టపడతాను. అందువల్ల లోపల్లోపల నేను ఎంత హర్ట్ అయినా, అవుతున్నా, దాన్ని లోపలే తొక్కిపెట్టేస్తాను. పైదాకా రానివ్వట్లేదు. రానివ్వను. 

ఏమీ అనలేక కాదు. దానివల్ల ఉపయోగం లేదు. వినరు.

ఎదురు మళ్ళీ మనమే ఇంకొన్ని మాటలు అనిపించుకోవటం తప్ప వేరే ప్రయోజనం లేదు. 

కట్ చేస్తే - 

దేవుడు కొన్ని సందర్భాలను కావాలనే ఇట్లా క్రియేట్ చేస్తాడనుకొంటున్నా. 

ఆయన మాట నేను వినట్లేదని, ఇది నా మీద ఆయన ప్రయోగించిన ఆఖరు అస్త్రం అనుకుంటున్నా. 

Just leave and walk away from those who cannot honor the respect you give. Your energy is too precious to waste on distractions—focus on what truly deserves your importance. 

- మనోహర్ చిమ్మని 

నాకు తెలిసిన ఒక సక్సెస్ స్టోరీ

"నా సమయం నా చేతుల్లో ఉంది. నాకు కావల్సినంత నేను సంపాదించుకున్నాను. నా జీవితం నా ఇష్టం. ఇంకొకరి నుంచి ఏదీ ఆశించే అవసరం నాకు లేదు. నన్ను ఎవ్వరూ కొశ్చన్ చేసే ధైర్యం చెయ్యలేరు."

ఎంత కాన్‌ఫిడెన్స్! 

ఎవ్వరైనా ఈ మాటలు వింటే ఇన్‌స్పయిర్ కావల్సిందే. ఇదే కదా జీవితంలో ఎవ్వరైనా సాధించాలనుకునేది? దీనికోసమే కదా దశాబ్దాల ఉరుకులు పరుగులు? 

కాని, ఆమె సాధించింది.
అది కూడా ఒక ఒంటరి మహిళగా.
సింగిల్ పేరెంట్‌గా.

ఆమె ఇద్దరు పిల్లలు రెండు విభిన్న ప్రొఫెషన్స్‌లో మంచి పొజిషన్‌లో హాప్పీగా ఉన్నారు. 

పిల్లల్ని మంచి ప్రయోజకులుగా తీర్చిదిద్దటం ఆమె సాధించిన ఇంకో పెద్ద ఆస్తి.

కట్ చేస్తే -

నాణేనికి ఇంకో వైపు... 

చిన్న వయసులోనే పెళ్ళి. భర్త క్యాన్సర్‌తో పోయారు. ఇద్దరు పిల్లలు, బ్యాగులో ఇరవై వేల రూపాయలతో హైద్రాబాద్ వచ్చిందామె. 

చిన్న ప్రూఫ్ రీడింగ్ ఉద్యోగంతో ప్రారంభించింది. ఆ తర్వాత ఏ సంస్థలో అయితే తను ఉద్యోగిగా చేరిందో, ఆ సంస్థనే కొనుక్కునే స్థాయికి ఎదిగింది. స్థిరాస్థులు సంపాదించుకొంది. ఒక కోటీశ్వరురాలుగా ఇప్పుడు ఏ పనీ లేకుండా రిలాక్స్ అవుతోంది.  

ఇదంతా చాలా సులువుగా రాయడానికీ చదవడానికీ బానే ఉంటుంది. సాధించడం అంత తేలిక కాదు. బయటికి తెలియని ఒంటరితనపు విషాదం కూడా ఎంతో ఉంటుంది. కాని, అవన్నీ ఆమె తట్టుకుంది. జయించింది.   

నాకు తెలిసిన సర్కిల్స్‌లో ఈ స్థాయి సక్సెస్ సాధించిన మహిళలెవ్వరినీ నేను చూడలేదు. 

ఆమె ఒక ఇన్‌స్పిరేషన్. 

మంచి కవిత్వం కూడా రాస్తుంది. పబ్లిష్ చేసుకోడానికి ఇష్టపడదు. కాని, బుక్ వేసే ఆలోచన ఉంది. 

ఆమె పేరు ఒక ప్రఖ్యాత హిందీ నటి పేరు. 

Life is not served on a golden plate. It is full of ups and downs, yet the true strength lies in rising above them. For a single woman, the journey is even tougher in our society—but the few who conquer it become the real heroines of life. 

- మనోహర్ చిమ్మని 

అనుకోకుండా ఒకరోజు...

మా మ్యూజిక్ కంపోజర్ ప్రదీప్ చంద్ర మూడు-నాలుగేళ్ళుగా అడుగుతూనేవున్నాడు... "యూట్యూబ్ చానెల్ స్టార్ట్ చెయ్యండి సార్" అని. నేను విన్లేదు. 

"మనకెందుకు ప్రదీప్... ఓ రెండు సినిమాలు చేసుకొని, నాలుగు డబ్బులు సంపాదించుకొని బయటపడదాం" అనేవాణ్ణి. 

ఆ రెండు సినిమాలు ఇంకా చెయ్యలేదు మేము. ఎప్పుడు చేస్తామో తెలీదు. అసలు చెయ్యకపోవచ్చు. అది వేరే విషయం.

మా ఇద్దరికీ ఉన్న తిక్క అలాంటిది. 

కట్ చేస్తే -

మొన్న ఓ పది రోజుల క్రితం అనుకోకుండా "10X మీడియా" పేరుతో అప్పటికప్పుడు ఒక స్టార్టప్ ప్రాజెక్ట్ రిపోర్ట్ తయారుచేసి, మా ప్రదీప్‌కు పంపించాను. వెంటనే రిజిస్ట్రేషన్ కూడా పూర్తిచేశాం. ఫండింగ్ కోసం మా స్టార్టప్ రిపోర్ట్‌ను ఓ నాలుగైదు ప్లేస్‌లకు ఫార్వార్డ్ చేశాం. 

కొన్ని గంటల్లోనే యూట్యూబ్ చానెల్లో వీడియోలు అప్‌లోడ్ చెయ్యటం ప్రారంభించాను. 

నా యూట్యూబ్ చానెల్ పేరు నా : Manohar Chimmani. 

ఈ చానెల్లో మూడు విభాగాల్లో వీడియోలు అప్‌లోడ్ చేస్తాము: 

1. Music   

2. Red Wine Time (నా సోలో టాక్స్)

3. The Manohar Chimmani Show 

రెండో చానెల్: 10X Telangana - Just Politics. 
(Link will be posted after the launch.)

ఈ రెండో చానెల్ సంపూర్ణంగా పాలిటిక్స్‌కే అంకితం. ఈ చానెల్ కూడా అతి త్వరలో ప్రారంభమవుతుంది. 

నా సోలో టాక్స్‌తో ఒక రకంగా ప్రాక్టీస్ జరుగుతోంది. మ్యూజిక్, ది మనోహర్ చిమ్మని షో వీడియోల అప్‌లోడ్ కూడా త్వరలోనే ప్రారంభిస్తాము. 

మరోవైపు, నా సోలో టాక్స్‌కు పెద్దగా సెటప్ & ఇక్విప్‌మెంట్ అవసరం లేదు. కాని, 10X తెలంగాణ చానెల్ విషయంలో మాత్రం ముందుగానే ఏర్పాటు చేసుకోవాల్సినవి చాలా ఉన్నాయి.   

ప్రస్తుతం ఆ పనుల్లో కూడా బిజీగా ఉన్నాము.  

నాకిప్పటికే ఆల్రెడీ ఉన్న కొన్ని స్టకప్‌లు, స్ట్రెస్ మధ్య, ఇప్పుడిదొక కొత్త హాబీ-కమ్-యాక్టివిటీ అయ్యింది. కొంచెం ఇబ్బందిగా ఉన్నా, ఎంజాయ్ చేస్తున్నాను. 

కెమెరా వెనకుండి వేరేవాళ్ళకు నేను "యాక్షన్" చెప్పడం వేరు. నేనే కెమెరా ముందుకొచ్చి మాట్లాడ్డం వేరు. కొంచెం కొత్తగా ఉంది.

ఫ్రెండ్స్... మా చానెల్‌ను సబ్‌స్క్రైబ్ చెయ్యండి, బెల్ ఐకాన్ నొక్కండి. లైక్ కొట్టండి, కామెంట్ చెయ్యండి. అభినందించండి, ఆశీర్వదించండి. 

థాంక్యూ సో మచ్. 

There are no limits—only horizons.

- మనోహర్ చిమ్మని. 

Othello’s Whisper

కొందరిని ఒకవైపు ఎంత అత్యున్నతంగా అనుకుంటామో, ఇంకోవైపు చాలా చిన్న పిల్లల మనస్తత్వంతో, చాలా చాలా ఇమ్మెచ్యూర్‌గా ఆలోచిస్తుంటారు. 

లేనిదేదో ఊహించుకొంటుంటారు. వాళ్ళ ఊహల్లో వాళ్ళు అనుకున్నదే నిజం అనుకొని బాధపడుతుంటారు. బాధపెడ్తుంటారు. 

పోనీ, వాళ్ళు చెప్పిందే నిజం అని ఒప్పుకోడానికి అక్కడ ఏమీ ఉండదు.  శూన్యం. 

మనం చెప్పింది వినే ఓపిక ఉండదు. అసలు వినరు. వినడానికి ఈగో. అలాగని అబద్ధాల్ని నిజం అని ఒప్పుకొని మన క్యారెక్టర్ చంపుకోలేం కదా. 

అసలు ఎందుకలా ఆలోచిస్తున్నావో ఆలోచించాలి.      

దీన్ని డెల్యూజనల్ జెలసీ అందామా? ఒథెల్లో సిండ్రోమ్ అందామా?

నీ ఊహల్లోని నిజాన్ని నువ్వు నిజంగా చూపించలేనప్పుడు, నిజమైన నిజాన్ని నువ్వు నమ్మతీరాలి. దానికి నీ ఈగో అడ్డురావాల్సిన అవసరం లేదు. 

ప్రేమలో ఈగోలేంటి? అసలు ఈ గోలేంటి?  

అన్నిటికీ శాస్త్రీయ కారణాలుంటాయి. ఆ విషయం మాట్లాడితే ఇంకేం లేదు. సునామీలే!  

కట్ చేస్తే - 

షేక్స్‌పియర్లు, విశ్వనాథలు, బుచ్చిబాబులు, చలంలు... వీళ్లంతా పెన్నులు మూతపెట్టి సముద్రంలోకి విసిరేసేవాళ్ళే కదా? ఇంత సాహిత్యం ఎలా పుట్టేది? అసలు సాహిత్యం పుట్టేదా?    

రచయితలు, క్రియేటివ్ పీపుల్ ఆలోచనా ప్రపంచం పూర్తిగా వేరేగా ఉంటుంది. అది అందరికీ అర్థం కాదు. 

Trust is the highest form of love. Without it, love turns into fear, doubt, and sorrow.

- మనోహర్ చిమ్మని 

అప్పుడే 247 రోజులయిపోయాయి... ఏం సాధించాం?

2025 అయిపోడానికి ఇంక 118 రోజులే ఉన్నాయి. 
ఏం సాధించాను? 

చాలా సాధించాను...

ప్రొఫెషనల్ & బిజినెస్ అనుభవాలు చాలా ఉన్నాయి. కాని, అవన్నీ ఆశించిన ఫలితాన్ని తీసుకురాలేకపోయాయి.

ఎక్కడికక్కడ స్టకప్ అయ్యి, ఊపిరి తీసుకోని పరిస్థితులు అనుక్షణం వేధించే అంత సాధించాను. 

అయితే - ఇది నా ఒక్కడి పరిస్థితి కాదు. బిజినెస్ ప్రపంచమంతా ఉంది. కాని, దీనికి కూడా ఒక ముగింపు ఉంటుంది. ఉంది. 

కట్ చేస్తే - 

అన్నిటికన్నా ఎక్కువగా సాధించింది ఒక పెద్ద పాఠం నేర్చుకోవడం... 

ప్రాణం పోయినా సరే, ఏ తెలివితక్కువ పొరపాటు చేయవద్దో నేర్చుకున్నాను. 

కారణం లేకపోయినా, తప్పు లేకపోయినా, ఎదుటివారు మనల్ని అత్యంత చులకనగా ఎంతమాట పడితే అంత మాట అనగల స్థితిలో మనం ఉండకూడదన్న కఠిన వాస్తవం తెలుసుకున్నాను.  

దీనిలో కూడా నేను తీసుకొనే పాజిటివ్ సజెషన్ ఒకటుంది. పరోక్షంగా, ఇంకొకరి ద్వారా, ఇంత బాగా నన్ను వేధిస్తే తప్ప నన్ను నేను పూర్తిగా మార్చుకోలేనని కావచ్చు... ఆ దేవుడి సంకల్పం. 

అయినా సరే - 

One cannot have the right to assassinate the character of someone who respects them deeply — especially without reason, in a meaningless way, again and again. 

- మనోహర్ చిమ్మని