Othello’s Whisper

కొందరిని ఒకవైపు ఎంత అత్యున్నతంగా అనుకుంటామో, ఇంకోవైపు చాలా చిన్న పిల్లల మనస్తత్వంతో, చాలా చాలా ఇమ్మెచ్యూర్‌గా ఆలోచిస్తుంటారు. 

లేనిదేదో ఊహించుకొంటుంటారు. వాళ్ళ ఊహల్లో వాళ్ళు అనుకున్నదే నిజం అనుకొని బాధపడుతుంటారు. బాధపెడ్తుంటారు. 

పోనీ, వాళ్ళు చెప్పిందే నిజం అని ఒప్పుకోడానికి అక్కడ ఏమీ ఉండదు.  శూన్యం. 

మనం చెప్పింది వినే ఓపిక ఉండదు. అసలు వినరు. వినడానికి ఈగో. అలాగని అబద్ధాల్ని నిజం అని ఒప్పుకొని మన క్యారెక్టర్ చంపుకోలేం కదా. 

దీన్ని డెల్యూజనల్ జెలసీ అందామా? ఒథెల్లో సిండ్రోమ్ అందామా? 

నీ ఊహల్లోని నిజాన్ని నువ్వు చూపించలేనప్పుడు, నిజమైన నిజాన్ని నువ్వు నమ్మగలగాలి. దానికి నీ ఈగో అడ్డురావాల్సిన అవసరం లేదు. 

ప్రేమలో ఈగోలేంటి? అసలు ఈ గోలేంటి?  

అన్నిటికీ శాస్త్రీయ కారణాలుంటాయి. ఆ విషయం మాట్లాడితే ఇంకేం లేదు. సునామీలే!  

కట్ చేస్తే - 

షేక్స్‌పియర్లు, విశ్వనాథలు, బుచ్చిబాబులు, చలంలు... వీళ్లంతా పెన్నులు మూతపెట్టి సముద్రంలోకి విసిరేసేవాళ్ళే కదా? ఇంత సాహిత్యం ఎలా పుట్టేది? అసలు సాహిత్యం పుట్టేదా?    

రచయితలు, క్రియేటివ్ పీపుల్ ఆలోచనా ప్రపంచం పూర్తిగా వేరేగా ఉంటుంది. అది అందరికీ అర్థం కాదు. 

Trust is the highest form of love. Without it, love turns into fear, doubt, and sorrow.

- మనోహర్ చిమ్మని