సృజనాత్మక జీవితంలో ప్రయోగాలు నిరంతరం!

ఒక మల్టిఫేరియస్ ఫ్రీలాన్సర్‌గా నా ప్రొఫెషనల్ ప్రయాణంలో చాలా పనులు చేశాను. చాలా ప్రయోగాలు చేశాను. ఎక్కడా ఫెయిల్ కాలేదు, ఎక్కడా వెనుతిరిగి చూళ్లేదు... ఒక్క సినిమాల్లో తప్ప! :-) 

దీనికి కారణాలేమీ పెద్దగా వెతుక్కోనవసరం లేదు. సినిమా అంటే - నా ఒక్కడి నిర్ణయాల మీద జరిగే పనులు కావు. ఈ ఒక్కటి చాలు, నేను అనుకున్నది అనుకున్నట్టు కాకపోవడానికి. 

ఒక్క హిట్ ఇక్కడ ఎంతో పేరు, ఎంతో మంచి సెలెబ్ స్టేటస్‌నిస్తుంది. డబ్బు విషయం చెప్పే అవసరం లేదు. 

అసలు నేను సినీఫీల్డులోకి ఎంటర్ కావాలనుకున్నది కేవలం 'బిగ్ మనీ' కోసమే. ఇలా చెప్పడానికి ఇబ్బందిగా ఏం ఫీల్ కావడం లేదు నేను. కాని, అనుకున్నట్టు పూర్తిస్థాయిలో ఫీల్డులోకి దిగలేకపోయాను.  

చాలా చిన్న లక్ష్యంతో, ఇప్పుడు మాత్రం, పూర్తిస్థాయిలో సినిమాలు చేయబోతున్నాను. చేస్తాను. నేను అనుకున్న లక్ష్యం సాధించడానికి పెద్ద సమయం కూడా పట్టదు. 

జస్ట్ పేరు, సెలబ్ స్టేటస్ వంటి వాటి కోసమే అయితే... సినిమాలే కానక్కర్లేదు. రాయడం, సోషల్ మీడియా వంటి హాబీల ద్వారా కూడా ఇప్పుడిది సాధ్యం.   

కట్ చేస్తే -

ఈ డిజిటల్ యుగంలో ప్రపంచంలో ఏ ఒక్కరు కూడా, కేవలం ఒకే ఒక్క ఆదాయమార్గం మీద బ్రతికే పరిస్థితి లేదు. సాధ్యం కాదు.  

ఈ నేపథ్యంలో నేను కూడా కొన్ని ప్రయోగాలు చేశాను. వీటిలో కొన్ని పరోక్షంగా ఉపయోగపడేవి. కొన్ని ప్రత్యక్షంగా ఫుడ్డు పెట్టేవి. 

అయితే - ప్రయోగం అన్నప్పుడు సహజంగానే కొన్ని ఫెయిలవుతుంటాయి. కొన్ని మనం అనుకున్నట్టు అద్భుతంగా ఉపయోగపడతాయి. నా అనుభవంలో ఫెయిల్యూర్ ప్రయోగాలేం  లేవు. నాకు కుదరదు అని, నేను వద్దనుకొని మధ్యలో వదిలేసినవి మాత్రం కొన్నున్నాయి. ఇంకొకరి సమయం మీద, నిర్ణయాల మీద ఆధారపడి నేను అనుకున్నది చేయాల్సిన ప్రయోగాలను కూడా వదులుకున్నాను.   

ఇలాంటి ఈ నిరంతర ప్రయోగాల నేపథ్యంలో - ఈమధ్య నేను మొదలెట్టిన మరో కొత్త ప్రయోగం నా తెలుగు పాడ్‌కాస్ట్... ఫిలిం నగర్ డైరీస్. 

సంతోషం ఏంటంటే  - ఇప్పటివరకు ఒక 11 ఎపిసోడ్లు చేశాను. ఇంకో 10 ఎపిసోడ్లు చేసేవరకు నేను అనుకున్న స్థాయిలో పర్ఫెక్షన్ రాకపోవచ్చు. కానీ, దీనికోసం నేను ఎవ్వరిమీదా ఆధారపడాల్సిన అవసరం లేదు. ప్రస్తుతం అదే నాకు ముఖ్యం.  

మరి పుట్టింది ఎందుకో తెలిసేది ఎందరికి?

ఆ మధ్య నా బర్త్ డే నాడు, నాకు అత్యంత ప్రియమైన ఫ్రెండ్ ఒకరు ఒక ప్రశ్న అడగటం జరిగింది. "ఈ బర్త్ డే కి స్పెషల్ గా నువ్వు ఏదయినా కొత్త నిర్ణయం తీసుకుంటున్నావా?" అని. 

నిజానికి నాకు అలాంటి నమ్మకాలు లేవు.

ఒక మనిషి నిజంగా ఏదయినా మానేయాలనుకొన్నా, లేదంటే, కొత్తగా ఏదయినా ప్రారంభించాలనుకొన్నా - దానికి ప్రత్యేకంగా న్యూ యియర్లు, బర్త్ డేలు, మరేవో స్పెషల్ డేలూ, ముహూర్తాలూ అవసరం లేదు అన్నది నా వ్యక్తిగత అభిప్రాయం.   అదే విషయం నా ఫ్రెండ్ తో చెప్పాను. 

నిర్ణయాలు ఏ క్షణంలో అయినా తీసుకోవచ్చు. ఒక చిన్న సంఘటన చాలు. మన ఆలోచనా విధానాన్నీ, మన జీవన పథాన్నీ సంపూర్ణంగా మార్చివేయగల ఒక నిర్ణయం తీసుకోడానికి.

కట్ చేస్తే - 

మొన్నీ మధ్యే, జూలైలో, కేవలం రెండు రోజుల వ్యవధిలో - మా పెద్దబ్బాయి ప్రణయ్, చిన్నబ్బాయి ప్రియతమ్ నాతో ఏకాంతంగా ఉన్నప్పుడు చెరొక ప్రశ్న చాలా క్యాజువల్ గా అడిగారు. 

మా అబ్బాయిలిద్దరి రెండు ప్రశ్నలూ నన్ను కనీసం ఒక వారం పాటు ఒక సంపూర్ణ అంతర్ముఖుడ్ని చేశాయి. చివరకు, ఒకే ఒక్క గంట స్వీయ విశ్లేషణ తర్వాత అప్పటికప్పుడు ఒక నిర్ణయం తీసుకున్నాను.

ఇప్పటివరకూ నా జీవితంలో నేను తీసుకున్న నిర్ణయాలన్నిటిలోకెల్లా అత్యుత్తమమయిన నిర్ణయం అది.  

27 జూలై...

ఆరోజు ఎలాంటి ప్రత్యేకమయిన రోజు కాదు. కానీ, ఆరోజు నేను తీసుకున్న నిర్ణయం ఫలితాలను, ఇంకో 71 రోజుల్లో, 26 నవంబర్ నాడు రాబోతున్న నా పుట్టినరోజు నాటికి పూర్తిగా అందుకోవాలి, పూర్తిగా ఫ్రీ అయిపోవాలి అని గట్టిగా అనుకున్నాను.  

సో, రివర్స్ ఇంజినీరింగ్ లో, నా పుట్టినరోజు నాకు అలా పనికొచ్చిందన్నమాట! 😊

అయితే - నిర్ణయం తీసుకోవడం ఒక్కటే సరిపోదు. దాని అమలు కోసం కనీసం పదింతల వేగంతో పనిచేయాలి. 

ఇప్పుడు నేనదే చేస్తున్నాను...   

ఓవర్ నైట్ లో హీరో కావడం ఎలా?

టైటిల్ చూస్తే - ఇదేదో  పక్కా కమర్షియల్ యాడ్ లా అనిపిస్తుంది.   

కానీ... There is a catch.   

నిజంగా సినీఫీల్డు మీద చచ్చేంత ప్యాషన్, ఏమైనా సరే సాధించాలన్న తపన ఉన్న యాస్పయిరింగ్ హీరోలకు, కొత్త ఆర్టిస్టులకు ఇదొక పనికొచ్చే పోస్ట్.  

హీరోగా ఇంట్రొడ్యూస్ కావాలనుకొనే కొత్త ఆర్టిస్టులు... ఈ పోస్ట్ చదివాక, ఈజీగా ఒక డెసిషన్ తీసుకోవచ్చు.  

కట్ చేస్తే -

సినీఫీల్డులో హీరోగా మీ ప్రవేశానికి టాలెంట్ ఒక్కటే సరిపోదు. బై డిఫాల్ట్ ఎవరికైనా టాలెంట్ ఉండాల్సిందే. అయితే - ఆ టాలెంట్ మిమ్మల్ని ఇండస్ట్రీకి పరిచయం చేయగలిగినవారి దృష్టికి తీసుకెళ్ళగలగాలి. అదెలా సాధ్యమవుతుందో మీకు తెలిసుండాలి. 

చాలా సందర్భాల్లో ఒక కొత్త హీరో బయటినుంచి పరిచయమవడం అన్నది చాలా అరుదుగా జరిగే అంశం. డబ్బు, ఇండస్ట్రీ లింక్స్, కాంటాక్ట్స్ లేకుండా దాదాపు ఇది అసాధ్యం. 

కేవలం అతి కొద్ది మంది విషయంలో మాత్రమే టాలెంట్ సపోర్ట్ చేస్తుంది. అది షార్ట్ ఫిలిమ్స్‌లో మీ యాక్షన్ గుర్తించి కావచ్చు. అంతకు ముందు చిన్న చిన్న కారెక్టర్స్‌లో మీరు ప్రూవ్ చేసుకున్న మీ నటన చూసి కావచ్చు. ఇలా కొద్దిమందికి మాత్రమే సాధ్యమవుతుంది. 

సినిమా అంటేనే - ప్రతిరోజూ లక్షల్లో ఖర్చు. 

అంతా కొత్తవాళ్లతోనే ఒక మాడరేట్ స్థాయిలో సినిమా తీయాలంటే కనీసం ఓ 2 కోట్లు అవుతుంది. మరీ తక్కువలో తక్కువ అనుకుంటే కనీసం ఓ 60 లక్షలవుతుంది. 

కొత్త హీరోలకు చాన్స్ ఇచ్చే సినిమాలు 99% చిన్న బడ్జెట్ సినిమాలే. ఈ చిన్న బడ్జెట్ సినిమాలకు ఎప్పుడూ ఒక పెద్ద సమస్య ఉంటుంది. డబ్బు! 

ఒక కొత్త హీరోను ఇంట్రొడ్యూస్ చెయ్యాలనుకున్నప్పుడు, ఎవరైనా టాలెంట్‌కే ఫస్ట్ ప్రెఫరెన్స్ ఇస్తారు. అందులో డౌట్ లేదు. అయితే - అలా టాలెంట్ ఉన్నవాళ్ళు వందల్లో ఉంటారు. సో, వారిలో ఎవరి ద్వారా ప్రాజెక్టుకు సపోర్ట్ ఉంటుందో వారికే ఫస్ట్ ప్రిఫరెన్స్ ఇస్తారు. 

ఇప్పుడు మీకు అర్థమై ఉంటుంది. 

కొత్త హీరోలను ఎక్కువగా వారి బంధువులో, ఫ్రెండ్సో ప్రొడ్యూసర్స్‌గా ఉండి ఇంట్రొడ్యూస్ చేస్తారు. కొంతమంది కొత్త హీరోలు వారే స్వయంగా బడ్జెట్లో కొంత భాగం ఇన్వెస్ట్ చేస్తారు. వారికి ఆ స్థోమత లేనప్పుడు, వారి సర్కిల్లో తెలిసినవారి ద్వారా ఎంతో కొంత ఇన్వెస్ట్ చేయిస్తారు. 

ఓవర్‌నైట్‌లో  హీరోలయిపోతారు!  

ఈమధ్య కూడా - ఈ పధ్ధతిలో హీరోలుగా పరిచయమై నిలదొక్కుకున్న హీరోలెవరైనా గుర్తొస్తున్నారా మీకు? తప్పకుండా వస్తారు. అది చాలా మామూలు విషయం. మామూలుగా జరిగేదే అది.  

కొత్త హీరోల ఇంట్రడక్షన్ వెనకున్న ఈ ఆర్థిక కోణాన్ని అర్థం చేసుకోలేక - చాలా మంది తప్పుగా అనుకుంటారు... డబ్బులు పెడితేనే  చాన్స్ ఇస్తారనీ, ప్రొడ్యూసర్లు - డైరెక్టర్లు వాళ్లకు తెలిసిన వాళ్లకే చాన్స్ ఇస్తున్నారనీ... రకరకాలుగా అనుకుంటారు. 

ఏదీ ఊరికే రాదు, ఊరికే అందరూ హీరోలవ్వలేరు. హీరోలయ్యాక వారికి కూడా ఊరికే కోట్లల్లో రెమ్యూనరేషన్ ఇవ్వరు. 

ప్రతిదానికీ ఓ లెక్కుంటుంది.  ఈ  రియాలిటీని అర్థం చేసుకుంటే చాలు. జీవితంలో మీ టైం వేస్ట్ కాదు. 

అన్ని యాదికొస్తయ్!

అప్పుడప్పుడు బరస్ట్ అవుతుంటం. కావాలె. 

ఏదన్న మనసుల బాధ వుంటె బయటపడెయ్యాలె. 

షిఫ్ట్ డిలీట్!

అట్ల చెయ్యకుండ, అన్ని లోపల్లోపల్నె పెట్టుకొంటెనె... గీ గుండెపోటు, షుగర్, బీపీలు వచ్చేది.  ఎక్కడిదక్కడె ఆగిపోయేది. 

అంత రిస్కు ఎందుకని అప్పుడప్పుడు గీ బ్లాగుల బయటపడుతుంటాను. ఏది పడితె అది రాస్తుంటాను. ఏది లోపల్నుంచి తన్నుకొస్తుంటె అది బయటపడేస్తుంటాను.  

అందుకే ఇప్పటికీ నా జోలికి ఏ రోగం రాలేదు. 

అందుకే... నా బ్లాగంటే నాకిష్టం.

బ్లాగింగ్ బంద్ చేద్దమని ఎన్నిసార్లో అనుకున్న. "ఇగ బ్లాగ్ బంద్" అని పోస్టులు కుడ పెట్టిన. కని, మళ్ల తిరిగి తిరిగి ఈడికే వచ్చిన. 

నా బ్లాగ్ నా ఊపిరి. నా యోగా. నా మెడిటేషన్. నా ప్రయోగశాల. నా తప్పొప్పుల బోను. నా స్ట్రెస్ బస్టర్. 

కట్ చేస్తె - 

జీవితంల పైకొచ్చిన ప్రతి మనిషి వెనుక ఎన్నో బాధలుంటై. ఎంతో మంది మిత్రులు, శత్రువులతోటి అనుభవాలుంటై. వాళ్ళూ వీల్ళ్లూ అని లేకుంట - అందరూ నేర్పిన పాఠాలుంటై. 

బాగుపడ్డా, పైకొచ్చినా... ఒక్కటే ఒక్క ట్రిగ్గరింగ్ వ్యక్తి ప్రభావం తప్పక ఉంటది. 

నా లైఫ్‌ల అట్లాంటి మనుషుల సంఖ్య కొంచెం ఎక్కువే అనిపిస్తది. అన్నీ యాదికొస్తయి. ఏం చెయ్యగలం? ఆ యాదికొచ్చేవాట్నే పట్టుకొని బాగుపడలేం కదా! మర్చిపోవాలె. ఇప్పుడదే చేస్తున్న. కని, అవి నాకు నేర్పిన పాటాలను అస్సలు మర్చిపోలేం. మర్చిపోవద్దు. మర్చిపోతె మల్లదే తప్పు చేస్తం. 

పాజిటివ్ సైడు... ఒక్కటే ఒక్క మెసేజ్‌తోటి నన్నూ, నా జీవితాన్ని ఇంద్రధనుస్సు ఎక్కించి జారుడు బల్ల ఆడించిన వ్యక్తులున్నరు. ఒక్కటే ఒక్క ఫోన్ కాల్‌తోటి నన్ను నేను మర్చిపోయిన నన్నులాగ మార్చినవాళ్లున్నరు. 

వాళ్ళు నాతోటి జీవితాంతం ఉండకపోవచ్చు. కని, వాళ్ళిచ్చిన మంచి జ్ఞాపకాలు మాత్రం కొసాకరి దాక నాతోనే ఉంటై. 

ఇసొంటి మంచిని యాది చేసుకొనుడే నాకు చానా ఇష్టం. చానా మంచిది. 

అప్పుడప్పుడు, నేను పుట్టి పెరిగిన, చిన్నప్పుడు తిరిగిన... నా వరంగల్ భాషల... గిట్ల  పోస్టులు పెట్టుకుంటె గుడ మస్తుంటది! 

మై డియర్ న్యూ టాలెంట్, ఇదీ లెక్క !!

"నిన్ను నువ్వు తెల్సుకో"... అన్నాడు ఓ ఫిలాసఫర్.

ఆర్టిస్టుగానో , టెక్నీషియన్‌గానో, చివరికి సినిమా ఆఫీస్ లో ఒక ఆఫీస్‌బాయ్‌గానో... సినీ ఫీల్డులోకి ఎంటర్ కావాలనుకొనే న్యూ టాలెంట్... ముందుగా తెల్సుకోవాల్సిన లెక్క ఒకటుంది. 

అదేంటంటే -

ఫీల్డులోకి ప్రవేశించాలనుకొని... ఫిలిమ్‌నగర్‌కు వచ్చే ప్రతి 1000 మందిలో ఒక 10 మందికి మాత్రమే సినిమాల్లో చాన్స్  దొరుకుతుంది. 

అదీ... ఎంతో కష్టంగా! 

అవకాశం దొరికిన ఆ పదిమందిలో కూడా - ఏ ఒక్కరో ఇద్దరో మాత్రమే క్లిక్ అవుతారు. 

వాళ్లే ఫీల్డులో కొన్నాళ్ళు నిలబడగలుగుతారు. 

అలా నిలబడ్డవాళ్ళ టాప్ ప్రయారిటీస్ లో సినిమానే ఫస్ట్ ప్లేస్ లో ఉంటుంది. 

ఆర్టిస్టులయినా, టెక్నిషియన్స్ అయినా... సినిమా తప్ప వేరే పనిలేకుండా, సినిమానే జీవితంగా తీసుకోగలిగే వాళ్ళు మాత్రమే ఇండస్ట్రీలో దశాబ్దాలపాటు ఉంటారు. వాళ్ళల్లోనే కొందరు లెజెండ్స్ అవుతారు.  

కట్ చేస్తే -

ఒక సంవత్సరంలో ఎన్ని సినిమాలు తీస్తారు? వాటిలో కొత్తవాళ్లకు అవకాశం ఇచ్చే సినిమాలు ఎన్నుంటాయి? అసలు ఒక సినిమాలో ఎంతమంది కొత్తవాళ్లకు అవకాశం ఇవ్వడానికి వీలవుతుంది? 

రెండే రెండు నిమిషాలు ఆలోచిస్తే, సింపుల్ గా మ్యాటర్ అర్థమైపోతుంది.  

ఒక్క టాలీవుడ్‌లోనే కాదు. ఏ వుడ్డులోనయినా ఇదే లెక్క! 

వెయ్యి మందిలో ఒక్క పది మందికే చాన్స్. 

అది కూడా అతి కష్టం మీద దొరుకుతుంది. ఆ పది మందిలో ఒక్కరో ఇద్దరో సక్సెస్ అవుతారు. మిగిలినవాళ్ళంతా అలా అలా లాగిస్తుంటారు. 

ఇలా లాగిస్తున్నవాళ్ళ గురించి చెప్పాలంటే... అదొక ఎవర గ్రీన్ సీరియల్ అవుతుంది. ఆ ఎపిసోడ్లకు అంతుండదు... 

ఇది ఎగ్జాగరేషన్  కాదు, జోక్ కాదు... రియాలిటీ. 

ఇప్పుడు ఓటీటీ లొచ్చాయి... వెబ్ సీరీస్ లొచ్చాయి. కొత్తవాళ్ళకే కాదు, అప్ కమింగ్ వాళ్లకు కూడా  అవకాశాలు పెరిగాయి. 

ఈమధ్య షార్ట్ ఫిలింస్ కూడా బాగా పాపులర్ అయ్యాయి. దాదాపు ఇంటికో డైరెక్టర్ ఉన్నాడు. వీళ్ళల్లో అద్భుతంగా షార్ట్ ఫిలిమ్స్ తీసి... ఇండస్ట్రీ దృష్టికి రీచ్ అయ్యేవారికి సినిమా అవకాశాలు కూడా పెరిగాయి. 

అయితే - ఎన్ని అవకాశాలు పెరిగినా, లెక్క లెక్కే. 

ఈ లెక్క మారదు.  

హాలీవుడ్ అయినా, బాలీవుడ్ అయినా సుమారుగా రేషియో మాత్రం ఇదే. 

వెయ్యి మందిలో ఒక్క పది మందికే చాన్స్. ఆ 10 మందిలో - ఒక్కరో, ఇద్దరో సక్సెస్ అవుతారు. ఇండస్ట్రీలో నిలదొక్కుకుంటారు. 

వినడానికి కొంచెం కష్టంగా ఉన్నా - ఇదే రియాలిటీ. 

ఈ రియాలిటీని ఎదుర్కొనే  గట్స్ ఉన్నవాళ్లకే సినీఫీల్డు వెల్కం చెప్తుంది. 

మరి మీలో ఆ గట్స్ ఉన్నాయా?! ...  ఒకసారి చెక్ చేసుకోండి. 

ఏవో లెక్కలు చెప్పి డిస్కరేజ్ చేస్తున్నా అనుకోవద్దు... ఈ లెక్కలన్నిటినీ ఓవర్ నైట్లో  బైపాస్ చేసే మార్గాలు కూడా కొన్నుంటాయి. వాటిగురించి... తర్వాత మాట్లాడుకుందాం.  

ఇంక చాలా ఉంది... కథ!  
^^^^

#FilmNagarDiaries #TeluguPodcast #Episode2 #Transcript 

ప్రమోషన్ టైమ్స్!

నా బ్లాగ్ పాఠక మిత్రులకు చిన్న నోట్:

ఆన్‌లైన్‌లో కొన్ని రెడీ రిఫరెన్స్ అవసరాల కోసం - కొంత ప్రమోషన్ స్టఫ్‌ను, సమాచారాన్ని నా బ్లాగ్‌లో పోస్ట్ చేస్తున్నాను. అలాగే, బ్యాకప్ కోసం కూడా మరొకచోట పోస్ట్ చేసినవాటిని మళ్ళీ ఇక్కడ పోస్ట్ చేస్తున్నాను.

బ్లాగ్ లింక్స్ పర్మనెంట్‌గా ఉంటాయని నా ఉద్దేశ్యం. 

ఉదాహరణకు: నా గురుంచి (ABOUT). ఒకసారి దీన్ని బ్లాగ్‌లో పోస్ట్ చేశానంటే, అవసరమైన ప్రతిచోటా మళ్ళీ మళ్ళీ రాసేకంటే, ఈ లింక్‌ను నేను ఎక్కడైనా ఈజీగా పోస్ట్ చెయ్యొచ్చు. :-) 

ఇలాగే - నా ఇతర ఫ్రీలాన్సింగ్ సర్విసెస్ స్టఫ్. మొత్తం ఓ అరడజన్ ఉంటాయనుకుంటున్నాను. ఆన్‌లైన్‌లో రెడీ రెఫెరెన్స్ కోసం, ప్లస్ బ్యాకప్ కోసం కూడా. 

కట్ చేస్తే - 

నా ఫిలిం కెరీర్‌కు సంబంధించిన ప్రమోషన్ స్టఫ్ కూడా, ఇకనుంచీ కొంత కాలం, ఏదో ఒకటి పదే పదే కనిపించొచ్చు. మీకు ఆసక్తిగా అనిపిస్తేనే చదవండి. లేదంటే, ఇంకో పోస్టుకు వెళ్ళొచ్చు. 

కొన్ని ఫ్రీ రిసోర్సెస్‌ను బాగా ఉపయోగించుకోకతప్పదు. ఇప్పుడు పూర్తిస్థాయిలో సినిమా పనుల మీదున్నాను కాబట్టి, ఇలాంటి ప్రమోషనల్ స్టఫ్ కొంచెం ఎక్కువగా కనిపిస్తుండవచ్చు. 

మీకు బోర్ కొట్టించాలని కాదు. కేవలం నా టెక్నికల్ అవసరాల కోసం మాత్రమే ఇవి పోస్ట్ చేస్తున్నాను.

అయితే... చెప్పలేం... నా బ్లాగ్ మీద ఈ పోస్టుల్ని అనుకోకుండా చూసిన ఎవరో ఈవైపు ఇంట్రెస్టు ఉన్నవారు వన్ ఫైన్ ఈవెనింగ్ నన్ను కనెక్టు కావచ్చు కూడా! :-) :-) 

థాంక్స్ & గుడ్ నైట్! 

MAKE MOVIES THAT MAKE MONEY!

ప్రొడ్యూసర్ అవుతారా, కోప్రొడ్యూసర్ అవుతారా, హీరో అవుతారా... మీ ఇష్టం. ఇదంతా సాధ్యమే. చదవండి, మీకే తెలుస్తుంది.  

థాంక్స్ టు కరోనా లాక్‌డౌన్... ఇప్పుడంతా ఇండిపెండెంట్ సినిమాల హవా నడుస్తోంది.  

మార్కెట్‌నూ బిజినెస్‌నూ బాగా స్టడీ చేసి, ఒక అవగాహనతో సినిమా నిర్మించినప్పుడు ఎలాంటి రిస్క్ ఉండదు. డబ్బులూ వస్తాయి. పేరూ వస్తుంది. ఓవర్‌నైట్‌లో సెలబ్రిటీ హోదా వస్తుంది. 

అతి తక్కువ ఇన్వెస్ట్‌మెంట్‌తో, ఇదంతా ఇప్పుడు అతి సులభంగా సాధించవచ్చు. 

కట్ చేస్తే –

లాక్‌డౌన్ సమయంలో – ఫిలిం ఇండస్ట్రీలో OTTలు, ATTల నేపథ్యంలో చాలా గమ్మత్తులు జరిగాయి.

OTT (Over-The-Top): Netflix, Amazon Prime, Aha, Zee5, Sony Liv, ShreyasET, Urvasi, SparkOTT, etc. Subscription based.

ATT (Any-Time-Theater): Advanced version of OTTs. Pay per view based.

ఇండస్ట్రీ అంతా ఆందోళనతో, కన్‌ఫ్యూజన్‌తో అన్నీ మూసేసుకొని ఒకవైపు టెన్షన్‌పడిపోతోంటే – ఒక్క ఆర్జీవీ మాత్రం దాదాపు ప్రతి రెండు వారాలకు ఒక సినిమా ఎనౌన్స్ చేస్తూ, తీస్తూ, చూపిస్తూపోయాడు!

100 రూపాయల టికెట్ పెట్టి, CLIMAX సినిమాకు కేవలం 24 గంటల్లో రెండున్నర కోట్లు సంపాదించుకున్నాడు. క్లైమాక్స్ ఇచ్చిన కిక్‌తో, వెంటనే ఒక 22 నిమిషాల NAKED సినిమా తీసి, దానికి 200 రూపాయల టికెట్ పెట్టి, ఇంకో అరకోటి సంపాదించుకున్నాడు.

చాలా పెద్ద గ్యాప్ తర్వాత ప్రొడ్యూసర్ ఎం ఎస్ రాజు DIRTY HARI అనే టైటిల్‌తో ఒక హాట్ రొమాంటిక్ డ్రామా, తనే డైరెక్ట్ చేసి, ఏటీటీలో రిలీజ్ చేశారు. టికెట్ 120 రూపాయలు. 24 గంటల్లో 91 వేలమంది చూశారు. సుమారు కోటి పది లక్షల కలెక్షన్! ఇదే ట్రాక్‌లో ఎం ఎస్ రాజు తాజాగా “6 Days, 7 Nights” అని ఇంకో సినిమా గోవాలో ఇటీవలే పూర్తిచేశారు.

“ఆర్జీవీ కాబట్టి అంత పబ్లిసిటీ వచ్చింది. వేరేవాళ్లకు అట్లా కలెక్షన్స్ రావు” అని ఒక లాజిక్. కాని, ఇప్పుడున్న సోషల్‌మీడియా పవర్ నేపథ్యంలో ఈ లాజిక్ నిలబడదు.

కలర్ ఫోటో, మెయిల్, సినిమా బండి వంటి సినిమాల్ని ఓటీటీలో ఆడియన్స్ బాగా రిసీవ్ చేసుకున్నారు. ఈ సినిమాల్లో బ్రాండెడ్ ఆర్టిస్టులు, టెక్నీషియన్స్ ఎవరూ లేరు! హాట్ కంటెంట్ అసల్లేదు!!

సో, ఏటీటీల్లో కూడా మొత్తం అడల్ట్ కంటెంట్‌తో రన్‌చేస్తేనే డబ్బులొస్తాయి అనుకోవడం కూడా కరెక్టు కాదు.

బూతే చూడాలనుకొంటే ఇంటర్నెట్ నిండా ఒక మనిషి చూడ్డానికి జీవితకాలం కూడా సరిపోనంతటి పోర్న్ ఉంది. అదంతా వదులుకొని, ఇక్కడ 100 రూపాయల టికెట్ కొనుక్కొని ఈ సినిమాల్లో ఏదో రెండు హాట్ సీన్లు చూడ్డానికి ప్రేక్షకులు వస్తారనుకోవడం ఉట్టి భ్రమ.

మనం ఎంత ఎఫెక్టివ్‌గా సినిమా తీస్తాం… ఎంత ఎఫెక్టివ్‌గా ప్రమోట్ చేస్తాం అన్నదే ముఖ్యం.

ఇంతకుముందు సినిమాలు వేరు. ఇప్పుడు వేరు.

Content is the King. Money is the ultimate Goal.

ఇప్పుడు ఊహించనంత అతి తక్కువ బడ్జెట్లో కొత్తవారితో సినిమాలు నిర్మించి, OTT/ATT ల్లో రిలీజ్ చేయవచ్చు.

ATTలు ఇన్‌స్టెంట్ మనీ సంపాదించిపెడతాయి.

OTTలు అవుట్‌రైట్ సేల్ పద్ధతిలో మంచి ఆదాయాన్ని అందిస్తాయి. 

అప్పటి బిజినెస్ ట్రెండ్‌ను బట్టి థియేటర్స్‌లో కూడా రిలీజ్ చేసుకోవచ్చు. 

ఈమధ్యే, చాలా తక్కువ బడ్జెట్‌లో నిర్మించిన “ఏక్ మినీ కథ” సినిమాను అమెజాన్ ప్రైమ్ 9 కోట్లకు కొనుక్కొందని ఫిలిం ఇండస్ట్రీ బిజినెస్ వర్గాల్లో ఒక పెద్ద సంచలనం.

లేటెస్టుగా, 4 చిన్న సినిమాలను కలిపి హోల్‌సేల్‌గా ఒక ఓటీటీ ప్లాట్‌ఫామ్ 17 కోట్లకు కొనుక్కొంది. ఈ చిన్న సినిమాలు అన్నీ కూడా దాదాపు కోటి రూపాయల లోపు బడ్జెట్‌లో చేసేవే. అయితే – ఏ లెక్కన చూసినా, సుమారు కోటి రూపాయల బడ్జెట్లో తీసిన ఒక్కో సినిమాకు ఒక 6 నెల్లల్లో కనీసం 4 కోట్లు వచ్చినట్టు!

సినిమాల రిలీజ్‌కు లాక్‌డౌన్‌లు ఎలాంటి అడ్డంకి కావు అని ఇప్పటికే ఓటీటీలు నిరూపించాయి. నిజానికి ఇతర బిజినెస్‌లన్నీ ఆగిపోయినా… ఓటీటీ/ఏటీటీల్లో సినిమాల రిలీజ్‌లు, వాటి బిజినెస్ మాత్రం ఆగలేదు. మరింతగా పెరిగాయి. కొత్తగా ఇంకో అరడజన్ ఓటీటీలు మార్కెట్లోకి రాబోతున్నాయి.

సో… ఓటీటీలు, ఏటీటీలు ఇప్పుడు గోల్డ్ మైన్స్. లాక్‌డౌన్ ఉన్నా, లేకపోయినా, ఇకమీదట ఈ OTT/ATT బిజినెస్ మోడల్ అనేది ఒక ఎవర్‌గ్రీన్ సక్సెస్‌ఫుల్ బిజినెస్ మోడల్‌గా ఖచ్చితంగా కొనసాగుతుంది.

మనం చూస్తుండగానే… ఫ్యూచర్లో ప్రతి OTT కూడా కొత్తగా రిలీజయ్యే సినిమాలకు ATT అవుతుంది.

చిన్న బడ్జెట్ సినిమాల రిలీజ్ సమస్యకు కూడా ఈ ఓటీటీ, ఏటీటీలే ఇప్పుడు శాశ్వత పరిష్కారం చూపాయి. ఇకనుంచీ, 90% చిన్న బడ్జెట్ సినిమాలు ఓటీటీల్లోనే రిలీజవుతాయి.

సినిమా నిర్మాణం పట్ల, సినిమా బిజినెస్ పట్ల అత్యంత ప్యాషన్ ఉండి, ఎక్కువ మొత్తంలో పెట్టుబడి పెట్టడాన్ని రిస్కుగా భావించే కొత్త ఇన్వెస్టర్స్, ఎంత చిన్న పెట్టుబడితోనయినా సరే ఫీల్డులోకి ప్రవేశించవచ్చు!

బిజినెస్ పాయింటాఫ్ వ్యూలోనే ఆలోచిస్తూ, సినిమా పట్ల ప్యాషన్ ఉన్న చిన్న ఇన్వెస్టర్స్ అందరికీ ఇదొక మంచి అవకాశం. OTTల ప్రారంభంలో ఉండే అత్యధిక స్థాయి బిజినెస్‌ను సులభంగా క్యాష్ చేసుకోవచ్చు.

ఈ గోల్డెన్ అపార్చునిటీని వినియోగించుకొనే ప్రయత్నంలో భాగంగా – ఒక ‘నంది అవార్డు’ రైటర్-డైరెక్టర్‌గా, కేవలం OTT/ATT లో రిలీజ్ కోసమే నేనొక సీరీస్ ఆఫ్ మైక్రో బడ్జెట్ సినిమాలను న్యూ టాలెంట్‌తో ప్లాన్ చేస్తున్నాను. తర్వాత ఇదే ఒక భారీ ప్రొడక్షన్ హౌజ్ అయినా ఆశ్చర్యం లేదు.

అంతకు ముందు థియేటర్స్‌లోనే సినిమాలు రిలీజ్ చేసిన అనుభవం ఉన్న మాకు… ఈ సినిమాల రిలీజ్, బిజినెస్ విషయంలో ఎలాంటి ఇబ్బంది లేదు. ఇండస్ట్రీ బిజినెస్ సర్కిల్స్ నుంచి ఈ విషయంలో, ఇప్పుడు అదనంగా మాకు మరింత సపోర్ట్ కూడా ఉంది.

ఈ నేపథ్యంలో… సినిమాలపైన ప్యాషన్, ఫిలిం ప్రొడక్షన్‌పైన ఆసక్తి ఉండి, వివిధ ఆప్షన్స్‌లో ఫండింగ్ చేయగల సోర్సెస్ కోసం నేను చూస్తున్నాను:

1. సినీఫీల్డు వైపు బాగా ఆసక్తి ఉండి, నాకు వెంటనే ఫినాన్షియల్‌గా సపోర్ట్ ఇవ్వగల ఒకే ఒక్క లైక్-మైండెడ్ ఫండింగ్ పార్ట్‌నర్: మీ బెనిఫిట్స్ మీకు చాలా ఉంటాయి. 

2. పార్ట్‌నర్‌గా ఇన్వెస్ట్ చేస్తూ, హీరోగా ఇంట్రొడ్యూస్ అవ్వాలనుకొనే కొత్త ఆర్టిస్టులు: దాదాపు 90% కొత్త హీరోలు ఇలాగే ఇంట్రొడ్యూస్ అవుతారు.

3. అతి తక్కువ పెట్టుబడితో, కొత్తగా ఫిలిం ప్రొడక్షన్‌లోకి రావాలనుకొనే ఇన్వెస్టర్లు: కో-ప్రొడ్యూసర్స్, అసోసియేట్ ప్రొడ్యూసర్స్. 

4. అత్యంత సమర్థవంతంగా, వేగంగా ఫండింగ్ ఎక్జిక్యూట్ చేయగల మీడియేటర్స్: ఇన్ని ఆప్షన్స్‌లో ఏ ఒక్క ఆప్షన్‌లో మాకు పార్టీని కనెక్ట్ చేసి, డీల్ సక్సెస్ చేసినా మీకు వెంటనే అఫీషియల్‌గా కమిషన్ వస్తుంది.

మీ ఇన్వెస్ట్‌మెంట్స్, అగ్రిమెంట్స్ అన్నీ లీగల్ అడ్వైజర్స్ సలహాతో స్పష్టంగా పేపర్ మీద రాసుకొని, సంతకాలతో నోటరైజ్ చేయటం జరుగుతుంది.

ఫిలిం ఇన్వెస్ట్‌మెంట్, ఫిలిమ్స్ పట్ల నిజంగా సీరియస్‌నెస్, ప్యాషన్ ఉన్న లైక్‌మైండెడ్ ఇన్వెస్టర్ మిత్రులు, సమర్థులైన మీడియేటర్లు… ఎవరైనా సరే, నన్ను కాంటాక్ట్ చేయొచ్చు.

కలిసి పనిచేద్దాం, కలిసి ఎదుగుదాం!

Welcome to Glamour World!

– మనోహర్ చిమ్మని 

Film Director, Nandi Award Winning Writer

WhatsApp: +91 9989578125

Email: mchimmani10x@gmail.com

ABOUT MANOHAR CHIMMANI: 

http://bit.ly/manutime

(మీ కాంటాక్ట్స్‌లో సినీఫీల్డు వైపు ఆసక్తి ఉన్నవారికి, ఫిలిం ప్రొడక్షన్‌లో ఇన్వెస్ట్ చేయాలన్న ఇంట్రెస్ట్ ఉన్నవారికి, ఇన్వెస్ట్ చేస్తూ హీరోగా పరిచయం కావాలని ప్రయత్నిస్తున్నవారికి ఈ లింక్ షేర్ చేయండి. థాంక్ యూ!)
***

#MakeMoviesThatMakeMoney #CoProducer #FilmProduction #FeatureFilms #InvestInFilms #BecomeProducer #BecomeCoProducer 

ఒక మాయలా, ఒక మహాద్భుతంలా...

సముద్రం మీద వ్యామోహంతో ఇంతకుముందు నాకు ఎప్పుడు వీలైతే అప్పుడు... ఎక్కువగా గోవా, పాండిచ్చేరిలకు వెళ్లేవాణ్ణి. 

గత కొన్నేళ్లుగా... ఊపిరాడనివ్వని కొన్ని ప్రొఫెషనల్ సమస్యల్లో ఇరుక్కొని, ఎంతకూ బయటపడలేక, నేను ఎక్కువగా ట్రావెల్ చెయ్యటం లేదు.

అయితే - నిజానికి సమస్య అది కాదు. 

వివిధ దశల్లో నేను ఎన్నుకున్న మనుషులు, నేను తీసుకున్న నిర్ణయాల ఫలితం ఇదీ అని... ఎవరికీ చెప్పుకోలేని ఒక రేంజ్‌లో బాగా నష్టపోయి, చివరికి నన్ను నేనే పరామర్శించుకున్నాను. "జరిగిందేదో జరిగింది... ఇప్పుడిక ఈ పాయింట్ నుంచే జీవితం"... అని నా మైండ్ సెట్ చేసుకున్నాను. ఒకప్పటి నా వీక్ మెంటాలిటీ నుంచి దాదాపు పూర్తిగా బయటపడ్డాను.  

రాగ్స్ నుంచి మళ్ళీ పనులు ప్రారంభించాను. 

కట్ చేస్తే - 

సముద్రం మీద వ్యామోహంతో, ఇంతకుముందు నాకు ఎప్పుడు వీలైతే అప్పుడు... ఎక్కువగా గోవా, పాండిచ్చేరిలకు వెళ్లేవాణ్ణి. 

ఈ రెండూ... నాకు ఇప్పటికీ చాలా ఇష్టమైన ప్రదేశాలు. 

దేని ప్రత్యేకత దానిదే.

అయితే... గోవా, పాండిచ్చేరిల కంటే ఇప్పుడు వైజాగే నాకు మరింత బాగా అనిపిస్తోంది. 

బీచ్ రోడ్దు నుంచి భీమిలీ దాకా... కార్లో వెళ్తూ, కుడి వైపు అలా సముద్రాన్ని చూసుకొంటూ, నచ్చినచోట దిగుతూ, ఆగుతూ, రోజంతా గడిపేయొచ్చు. 

నాకెప్పుడు అవకాశం దొరికినా నేనీ పనే చేస్తాను. 

ఈ పని చేయడం కోసం, నా పనుల్లో ఎంతవరకు వీలైతే అంతవరకు వైజాగ్‌లోనే  చేసుకునేటట్టుగా ప్లాన్ చేసుకుంటున్నాను. ఈ మధ్య నా ప్రొఫెషనల్ పనులమీద కూడా, అనుకోకుండా వైజాగ్‌కే నేను ఎక్కువసార్లు వెళ్లాల్సిరావడం కూడా నాకే ఆశ్చర్యంగా ఉంది.  

లేటెస్ట్‌గా, మొన్న ఏప్రిల్‌లో, కరోనా సెకండ్ వేవ్ టైంలో కూడా వైజాగ్‌ వెళ్ళాను.   

వైజాగ్ అనగానే నాకు ముందుగా గుర్తొచ్చేది సముద్రం.  

తర్వాత - చలం, భీమ్‌లీ... ఆ తర్వాత - అరకు, స్టీల్ ప్లాంట్, పోర్ట్, గంగవరం బీచ్‌లో నేను షూట్ చేసినప్పుడు, స్టీల్ ప్లాంట్ గెస్ట్ హౌజ్‌లో, మా టీమ్‌తో నేనున్న ఆ నాలుగు రోజులూ... 

ఇంకోసారి, అదే గెస్ట్ హౌస్  లో నాకు పరిచయమై దగ్గరైన ఒక  స్టార్, ఇప్పటికీ కొనసాగుతున్న మా స్నేహం...  

ఆర్కే బీచ్, అక్కడి కాఫీడే... రిషికొండ బీచ్, అక్కడి రిసార్ట్స్... రియోబీచ్, నొవాటెల్ హోటళ్ళు... ఎయిర్‌పోర్టూ, బస్‌స్టాండూ... లలితా జ్యువెల్లరీస్ దగ్గర్లో ఫుట్‌పాత్ మీద బొకేలమ్మే చిన్న షాపూ... వైజాగ్ కి కొంచెం దూరంలో - గాజువాకలోని సినిమా హాళ్ళూ, అక్కడి గ్రీన్ యాపిల్ హోటల్... 

వైజాగ్ సిటీలోనూ, స్టీల్‌ప్లాంట్ చుట్టుపక్కలా వున్న నా ఆత్మీయ మిత్రులు, శ్రేయోభిలాషులూ... ఇంకా బోల్డన్నున్నాయి నాకు గుర్తొచ్చేవి. 

1987లో అనుకుంటాను, మా ఎమ్మే క్లాస్‌మేట్స్‌తో నేను మొట్టమొదటిసారిగా వైజాగ్ వెళ్ళాను. ఒరిస్సాలోని కోణార్క్, భువనేశ్వర్‌ల నుంచి మా తిరుగు ప్రయాణంలో వైజాగ్ వెళ్లాం. అప్పుడే మొదటిసారి... నేను అరకులోయ చూడ్డం! 

కొన్నేళ్ళ  క్రితం... నా మొదటి సినిమా షూటింగ్ కోసం కూడా, నా టీమ్‌తో ఓ నాలుగయిదు రోజులున్నాను వైజాగ్‌లో. ఒక మంచి లొకేషన్‌గా తప్ప, అప్పుడు కూడా వైజాగ్ అంటే నాకు మరీ అంత ప్రత్యేకమైన ఫీలింగేమీ  కలగలేదు. తర్వాత ఎన్నోసార్లు వైజాగ్ వెళ్లాను గానీ, ఏ ఒక్క సారి కూడా -  వైజాగ్‌ను మరీ అంత స్పెషల్‌గా నేనేం ఫీలవ్వలేదు. 

నాకు యాక్సిడెంట్ అయిన తర్వాత, బహుశా ఓ పదేళ్ల క్రితం అనుకుంటాను... ఉన్నట్టుండి - అసలు మొత్తంగా వైజాగ్‌కే మారిపోవాలని అనుకున్నాం. అక్కడున్న తెలిసినవారితో కనెక్ట్ అయి - ఫ్లాట్ కొనుక్కుంటే ఎక్కడ బాగుంటుంది... రెంట్స్ ఎలా ఉన్నాయి... ఢిల్లీ పబ్లిక్ స్కూల్‌కి దగ్గర్లో ఉన్న మంచి రెసిడెన్షియల్ ఏరియా ఏది... ఇవన్నీ కనుక్కున్నాం. ఇదే పని మీద రెండుసార్లు నేను వైజాగ్ వెళ్ళాను కూడా. కాని, ఎందుకో ఆ ఆలోచన అప్పుడు సఫలం కాలేదు. 

మళ్ళీ - గత మూడు నాలుగేళ్ళుగానే... ఉన్నట్టుండి ఒక్కసారిగా... వైజాగ్ నాకు అత్యంత ఇష్టమైన విజిటింగ్ ప్లేస్ అయింది! 

ఈ పాండిచ్చేరి, గోవా... ఇవన్నీ వైజాగ్ తర్వాతే కదా అని ఇప్పుడనిపిస్తోంది. 

అసలు 'వైజాగ్ అందమే వేరు'... అని నేను పూర్తిగా ఫిక్స్ అయిపోయాను. 

గొప్ప గొప్ప రచయితలు, కవులకు... వారి రచనలకూ పుట్టిల్లుగా... వైజాగ్ సాహితీ సాంస్కృతిక నేపథ్యం నాకు ముందే తెలుసు. అయితే - వైజాగ్ నన్ను ఇంత బాగా ఆకర్షించడానికి ఇదొక్కటే కారణం కాదు. 

కొన్నిటికి కారణాలుండవు. లాజిక్కులుండవు. అలా జరిగిపోతాయ్. 

అంతా ఒక మాయలా, ఒక మహాద్భుతంలా అనిపిస్తుంది. 

అసలేంటీ... ఒక ప్రదేశంపైన అంత ఈజీగా చెప్పలేని ఈ ప్రేమ... కాదల్... ఇష్క్... ప్యార్... మొహబ్బత్... ల్యుబోఫ్... లవ్... ?!  

లవ్... అనగానే నాకు ముందుగా గుర్తొచ్చేది కూడా... వైజాగే. 

బాలచందర్ అపూర్వ సృష్టి 'మరోచరిత్ర'... బాలు-స్వప్న క్యారెక్టర్స్... అందమైన భీమిలి లొకేషన్ బ్యాక్ డ్రాప్... కమలహాసన్, సరిత... 'పదహారేళ్ళకూ'  అని యస్ జానకి గారు పాడిన పాట... 

ఐ థింక్... నా లవ్ కూడా అక్కడే ఉంది, వైజాగ్‌లో. 

వైజాగ్‌లో ఉన్న నా లవ్, నా ప్రేయసి, నా వాలెంటైన్ మరెవరో కాదు... సముద్రం.  

"సముద్రం ఇంకా చాలా చోట్ల ఉంది కదా?"... అంటే, ఉండొచ్చు. బట్, ఇది వేరే.  

"ఎందుకలా?"... అంటే చెప్పడానికి నాదగ్గర కారణాల్లేవు. 

ఏదో 'స్పిరిచువల్ కనెక్షన్' అనుకుంటాను... అంతే. 

“Our souls speak a language that is beyond human understanding. A connection so rare the universe won't let us part.” 

― Nikki Rowe

పాడ్‌కాస్ట్ అంత ఈజీ ఏం కాదు!

నా వీలునిబట్టి - అయితే నా మొబైల్‌లో రికార్డ్ చేస్తున్నాను. లేదంటే, ఇయర్ ఫోన్స్ పెట్టుకొని, నా లాపీలో రికార్డ్ చేస్తున్నాను. ఇంకో 20 ఎపిసోడ్స్ అయ్యాక గాని, మైక్రోఫోన్ ఎట్సెట్రా స్టాండర్డ్ ఇక్విప్‌మెంట్ గురించి ఆలోచించొద్దని ముందే అనుకున్నాను. 

ఇంట్లో మూడు బెడ్రూములున్నా... నేను పాడ్‌కాస్ట్ రికార్డ్ చెయ్యాలనుకున్నప్పుడే నాకు ఒక్క రూం దొరకడం లేదు! హాల్లో సోఫాలో కూర్చొని రికార్డ్ చేస్తున్నప్పుడు ఎప్పుడు ఎవరొస్తారో, ఏ సౌండ్ డిస్టర్బ్ చేస్తుందో అని అదొక టెన్షన్!!  

బహుశా ఇలాంటి పరిస్థితి ఉన్నందుకేనేమో - ఎపిసోడ్ మొత్తం రియల్ టైమ్‌లో... సింగిల్ టేక్‌లో రికార్డ్ చేస్తున్నాను. ఇప్పటివరకు చేసిన 5 ఎపిసోడ్లూ ఇలాగే హడావిడిగానే ముగించేశాను. 

కట్ చేస్తే - 

నేను నా పాడ్‌కాస్ట్‌లో ఇప్పటివరకు గమనించిన చిన్న చిన్న అంశాలు (నేను సరి చేసుకోవల్సినవి, ప్లాన్ చేసుకోవల్సినవి) ఇవి:

> కంటెంట్ ఎట్టిపరిస్థితుల్లో 5 నిమిషాలు దాటకూడదు. 

> ఫ్రీగా ఓ గంటపాటు నా వాయిస్ లెవల్, మాడ్యులేషన్ బాగా స్టడీ చేసి, ఒక స్టయిల్‌కు ఫిక్స్ అయిపోవాలి.

> ఎవరేమనుకుంటారో అని ఆలోచించటం పూర్తిగా మానేసి - అనుకున్న టాపిక్ చేసేసుకొంటూ వెళ్లాలి. 

> కంటెంట్ ఇంకా బాగుండాలి. ఎఫెక్టివ్‌గా ఉండాలి. 

> ఈ డిసెంబర్ నాటికి కనీసం ఒక 100 ఎపిసోడ్స్ చెయ్యాలి. పాడ్‌కాస్ట్ పాపులర్ కావడం అనేది 100% ఆర్గానిక్‌గానే జరగాలి. 

పాడ్‌కాస్ట్ చేయటం అంత ఈజీ ఏం కాదు. అలాగని, మరీ అంత కష్టం కూడా కాదు. 

ManuTime.
A Podcast by Manohar Chimmani. 
Link: https://anchor.fm/manohar-chimmani3 

సినిమా ఒక యుధ్ధభూమి!

సినిమా ఫీల్డు అంటే చాలామందికి చిన్న చూపు ఉంటుంది. 

ఎగతాళి చేస్తారు, సెటైర్లు వేస్తారు, తిడతారు, నానా చెత్త మాట్లాడతారు. 

అయితే - వీళ్ళంతా అర్థం చేసుకోలేని విషయం ఒకటుంది... ప్రపంచంలోని ఏ ఫీల్డు అయినా సినిమా ఫీల్డు లాంటిదే.

ఇక్కడుండే అన్‌సర్టేనిటీ అన్ని ఫీల్డుల్లో ఉంటుంది. బయటి ఫీల్డుల్లో జరగని తప్పులు, రాజకీయాలేవీ ఇక్కడ స్పెషల్ గా జరగవు, స్పెషల్ గా ఉండవు. 

ఒప్పుకోడానికి ఇష్టం ఉండదు అంతే. 

అందరూ ఈ ఫీల్డు మీద పడి ఏడవటానికి ఒకే ఒక్క కారణం ఏంటంటే – ఇక్కడ గ్లామర్ ఉంది. సెలబ్రిటీ స్టేటస్ ఉంది. ఇక్కడ చీమ చిటుక్కుమన్నా బ్రేకింగ్ న్యూస్ అవుద్ది. 

అదొక్కటే. అంతకంటే ఏం లేదు.

కట్ చేస్తే –

ఫిలింనగర్ అంటేనే సినిమా. మరో ప్రపంచం. 

ప్రతిరోజూ వందలాదిమంది ఈ ఫీల్డులో ప్రవేశించాలని, తెరమీద కనిపించాలని, తెరవెనుక తమ టాలెంట్ చూపించాలని, సెలబ్రిటీలు కావాలని... కలలు కంటూ ఎక్కడెక్కడినుంచో ఇక్కడికి వస్తుంటారు.

అన్ని ఫీల్డుల్లాగే – ఈ ఫీల్డులో కూడా అతి తక్కువమందిని మాత్రమే ఆ అదృష్టం వరిస్తుంది. దాని వెనుక ఎన్నో నిద్రలేని రాత్రులుంటాయి. ఆకలి కేకలుంటాయి. అవమానాల గాయాలుంటాయి. 

అయినా సరే – అన్నీ దిగమింగుకుంటూ రేపటి మీద ఆశతో నవ్వుతూ, తుళ్ళుతూ బ్రతుకుతుంటారు. తమ మీద తామే జోకులు వేసుకొంటూ ఎప్పటికప్పుడు ఎనర్జైజ్ అవుతుంటారు.

వీళ్లల్లో కొందరు మాత్రం రేపటి స్టార్లు, స్టార్ డైరెక్టర్లు, టెక్నీషియన్లూ అవుతారు. 

మిగిలినవాళ్ళు... ఎప్పటికయినా ఏదో ఒకటి అవుతాంలే  అన్న ఆశతో – యూసుఫ్ గూడా బస్తీలో, కృష్ణానగర్ గల్లీల్లో, గణపతి కాంప్లెక్స్ దగ్గరా, శ్రీనగర్ కాలనీ- ఫిలింనగర్-జుబ్లీ హిల్స్ రోడ్లల్లో... ఎవర్నీ పట్టించుకోకుండా... కుంభమేళాలో నాగసాధువుల్లా... వాళ్ల లోకంలో వాళ్ళు తిరుగుతూ ఉంటారు.

ఈ నేపథ్యంలో నేను ప్రారంభిస్తున్న పాడ్ కాస్టే - ఈ ఫిలింనగర్ డైరీస్!  

ఈ పాడ్ కాస్ట్ సినీఫీల్డుకు సంపూర్ణంగా అనుకూలం.  Always for the field...

దీన్లోని ఎపిసోడ్లు ఎవర్నీ ఉద్దేశించి చేస్తున్నవి కాదు. అలాగని పూర్తిగా ఫిక్షన్ కూడా కాదు. మన గురించి మనం చెప్పుకోగల ధైర్యం, మనమీద మనమే జోకులేసుకోగల దమ్ము మనకుందని... లైటర్ వీన్ లో  సరదాగా గుర్తుకుతెచ్చుకోవడం. షేర్ చేసుకోవడం.  

ముఖ్యంగా... కొత్తగా ఫీల్డులోకి వచ్చేవాళ్ళకు తెలియాల్సిన బేసిక్ విషయాలు చెప్పడం. పరోక్షంగా వారి కెరీర్ ప్లానింగ్ కు ఉపయోగపడటం. 

ఇంకా... వార్తలు, విశేషాలు, పాజిటివ్ టిడ్‌బిట్స్... ఇదీ అదీ అని ఏం లేదు. సినిమాకు సంబంధించిన ప్రతిఒక్కటీ ఈ పాడ్ కాస్ట్ ఫ్రేం లోకి వస్తుంది.  

After all, Cinema is a battle ground... 
^^^^

#FilmNagarDiaries #TeluguPodcast #Episode1 #Transcript