ఎవరీ "సాకింగ్ సోదింగ్స్"?

ప్రతి ఒక్క ఈలన్ మస్క్‌కూ ఓ మిలియన్ "సాకింగ్ సోదింగ్స్"లుంటారు.  

మధ్యలో ఈ సాకింగ్ సోదింగ్స్ ఎవరు?

ఏమో నాకూ అంత ఖచ్చితంగా తెలియదు. 

కాని, ఎన్నెన్నో సాధించాలనుకుని కలలు కంటూ, ఏదీ సాధించలేక, ప్రతి చిన్న అపజయానికీ కారణాలు వెతుక్కుంటూ, అధైర్యపడుతూ, అసంతృప్తిలో కూడా అట్టడుగు స్థాయిలో మిగిలిపోవడానికి ఇష్టపడే వాళ్లంతా 'సాకింగ్ సోదింగ్స్' లని నా ఉద్దేశ్యం.

లక్ష్యం ముఖ్యం.

అది గైడెడ్ మిసైల్‌లా ఉండాలి.  

ఊహించని అవాంతరాలు, ఊపిరి పీల్చుకోనీయని టెన్షన్లు వేధిస్తున్నా, వెంటాడుతున్నా దృష్టంతా లక్ష్యం మీదనే ఉండాలి. ఆ దిశలో పని చేసుకుంటూ ముందుకు వెళుతూనే ఉండాలి.

అలా చేయగలిగినపుడే అన్ని అవాంతరాలూ వాటంతటవే తొలగిపోతాయి. అన్ని టెన్షన్‌లూ కనుమరుగైపోతాయి. లక్ష్యం చేరుకోడానికి మార్గం దానంతట అదే సుగమమైపోతుంది. లక్ష్యం చేరుకుంటాము.

కట్ చేస్తే -

నాకిలా ఉంటే అది చేసేవాణ్ణి, అలా ఉంటే ఇది చేసేవాణ్ణి... వంటి కారణాలు ఉట్టి మూర్ఖత్వం.

పనికిమాలిన సాకులు, సోది. 

ఈ ప్రపంచంలో అన్నీ అనుకూలంగా, అనుకున్నట్టుగా ఉండే రోజు ఎవ్వరికీ ఎన్నటికీ రాదు. ఈ నిజాన్ని ఎంత త్వరగా గుర్తిస్తే అంత మంచిది.

ఈ అనంత విశ్వం, మన చుట్టూ కనిపిస్తున్న ఈ ప్రకృతి, మన జీవితం, జీవితంలోని సంఘటనలు, మన జయాలు, అపజయాలు, సుఖం, సంతోషం, కష్టాలు,నష్టాలు, వివాదాలు, అనుబంధాలు... అన్నీ ఒకే ఒక్క సింపుల్ సూత్రంపైన ఆధారపడి నడుస్తున్నాయి.

కాజ్ అండ్ ఎఫెక్ట్!

మిగిందంతా ఉట్టి భ్రమ. 

- మనోహర్ చిమ్మని