కోపరేటివ్ ఫిలిం మేకింగ్ - 3

"నువ్వు సినిమాల్లోకి రావాలని డిసైడ్ అయినప్పుడే బాధ, అవమానం అనే మాటలు విడిచి పెట్టాలి. ఎందుకంటే, ఇక్కడ నీకు అవి అడుగడుగున ఎదురవుతాయి."

- మణిరత్నం 

మొన్న మణిరత్నం బర్త్‌డే నాడు ఒక ఆర్టికిల్ చూస్తున్నపుడు అతను చెప్పిన ఈ మాట కనిపించింది. 

ఇంటా బయటా ఎన్నో అనుభవించకపోతే, మణిరత్నం ఇంత గొప్ప వాస్తవం చెప్పేవాడు కాదు అని నాకనిపించింది. 

అంతదాకా ఎందుకు... మణిరత్నం డైరెక్టర్‌గా నిలదొక్కుకుంటున్న రోజుల్లో సుహాసిని డేట్స్ అడిగితే ఇవ్వలేదు. మణిరత్నం అప్పుడు అంత పెద్ద డైరెక్టర్ కాదు. సుహాసిని మాత్రం అప్పటికే ఫుల్ స్వింగ్‌లో ఉన్న హీరోయిన్! 

1987లో అనుకుంటాను... మణిరత్నం 'నాయకుడు' సినిమాతో డైరెక్టర్‌గా ఇండియాలోనే టాప్ రేంజ్‌కి ఎదిగిపోయాడు. 1988లో సుహసిని  అతన్ని పెళ్ళిచేసుకుంది. 

దటీజ్ సినిమా. 🙂   

కట్ చేస్తే - 

ఎప్పటికప్పుడు అప్‌డేట్ అవుతూ, కొత్త కొత్త కథాంశాలతో మణిరత్నం ఇంకా సినిమాలు తీస్తున్నాడు. ప్రేక్షకులను అతని సినిమాల కోసం ఎదురుచూసేలా చేస్తున్నాడు. 

"ఇంకా మణిరత్నం సినిమాలెందుకు తీస్తున్నాడు?" అని అసలు సినిమా తీయడంలో ఓనమాలు కూడా ప్రాక్టికల్‌గా తెలియని వెర్రి విశ్లేషకులు రాస్తున్నది పట్టించుకోకుండా - ఆమధ్యే ఒక "ఓకే బంగారం" సినిమా తీసి, యూత్‌కి కనెక్ట్ అయ్యే అడ్వాన్స్‌డ్ ట్రెండీ సబ్జెక్టులను కూడా తనెంత బాగా తీయగలడో మరోసారి ప్రూవ్ చేసుకున్నాడు మణిరత్నం. 

సుధ కొంగర, గౌతమ్ మీనన్, సుహాసిని, రాజీవ్ మీనన్, కార్తీక్ సుబ్బరాజ్ దర్శకులుగా మొన్నీమధ్యే "పుతం పుదు కాలై" పేరుతో ఒక 5 అద్భుత కథల యాంథాలజీ సినిమాను నిర్మాతగా తీశాడు!

మొన్నటికి మొన్న "పి యస్ - 1", "పి యస్ - 2" లు తీసి, భారీ సినిమాలకు భారీ గ్రాఫిక్స్ లాంటి హంగులు అంత అవసరం లేదు అని హిట్ కొట్టి నిరూపించాడు. 

తన సొంత బ్యానర్ మద్రాస్ టాకీస్ ఎందుకంటే... అప్పుడు మాత్రమే తను అనుకున్నట్టు సినిమా తీయడానికి వీలవుతుంది కాబట్టి. ఒకవేళ ఫట్ అయినా ఇంకొకరెవరో కారణం అని చెప్పి తప్పించుకొనే వీలుండదు కాబట్టి! 

అందుకే సొంత బ్యానర్. అవసరమైతే - తనకు నచ్చిన లైక్‌మైండెడ్ ఒకరిద్దరు ఇన్వెస్టర్‌లతో మాత్రమే కొలాబొరేషన్. 

ఇంకో లివింగ్ లెజెండ్ ఇళయరాజా, మణిరత్నం... వీళ్ళిద్దరి పుట్టినరోజు జూన్ 2 కావడం విశేషం.    

  

తన మద్రాస్ టాకీస్ బ్యానర్‌లో ఇంకెన్నో కొత్త సినిమాల పనుల్లో ఇప్పటికీ బిజీగా ఉన్న లివింగ్ లెజెండ్... 67 ఏళ్ళ మణిరత్నం విషయంలో 'Age is Just a Number' అన్నది వంద శాతం నిజం.