అలాంటి "డిఎస్‌పి" (దేవిశ్రీప్రసాద్) కి మొదటిసారిగా మహేశ్ చిత్రానికి పనిచేసే అవకాశం వచ్చింది. అందరి ఎక్స్‌పెక్టేషన్స్ ఆకాశంలో ఉంటాయన్నది మామూలే.
కానీ అలా జరగలేదు!
దర్శకుడిగా సుకుమార్ తన "హాలీవుడ్ స్క్రిప్టు" తో ఆటాడుకుంటే, మ్యూజిక్ డైరెక్టర్‌గా డిఎస్‌పి తనకు మహేశ్‌తో వచ్చిన తొలి అవకాశాన్ని అసలు మామూలు స్థాయిలో కూడా వినియోగించుకోలేకపోయాడన్నది.. ఆన్‌లైన్‌లో ప్రచారమౌతున్న ఒక భారీ ఆరోపణ!
కట్ టూ వాస్తవం -
దర్శకుడిగా సుకుమార్ ఒక రేంజ్‌లో ఉన్నాడు. పైగా, అంతకు ముందు డిఎస్‌పి తో కలిసి పనిచేశాడు. మహేశ్ ఒక టాప్ రేంజ్ హీరో. వీరిద్దరి అంగీకారం లేకుండా ఏ ఒక్క పాట కూడా ఫైనల్ అవదన్నది నిజం.
మహేశ్‌తో తనకు వచ్చిన తొలి అవకాశాన్ని డిఎస్‌పి అంత కేర్‌లెస్‌గా తీసుకుంటాడని నేననుకోను. తప్పక ఒక ఛాలెంజ్‌గానే తీసుకుని ఉంటాడు. అందులో సందేహం లేదు.
మరి పొరపాటెక్కడ జరిగింది?
నా ఉద్దేశ్యంలో "1" చిత్రానికి డిఎస్‌పి ఇచ్చిన మ్యూజిక్ చాలా బాగుంది. బ్యాక్‌గ్రౌండ్ స్కోర్ విషయంలో అయితే అత్యున్నత స్థాయి ప్రతిభని చూపించాడు డిఎస్‌పి. ఇది సాధారణ ప్రేక్షకులను ప్రభావితం చేయలేకపోవడం ఆ మ్యూజిక్ డైరెక్టర్, ఆ టీమ్ దురదృష్టం అంతే.
కథలో ఎక్కువ భాగం గోవా బ్యాక్‌డ్రాప్‌లో జరిగేది కాబట్టి, అవసరమైనంతవరకు కొన్ని పాటల్లో ఆ గోవన్/కొంకణ్ మ్యూజిక్ ఫ్లేవర్‌ని అద్భుతంగా ఇచ్చాడు డిఎస్‌పి.
అదే పెద్ద ప్రాబ్లమై కూర్చుంది.. మన "రొటీన్ ను మాత్రమే మెచ్చే" ప్రేక్షకులకూ, మహేశ్ అభిమానులకూ.
స్క్రిప్త్ విషయంలో జరిగింది కూడా అదే.
No comments:
Post a Comment
Thanks for your time!
- Manohar Chimmani