దీపికా పడుకొనే 'పిచ్చి యవ్వనం!'

ఇప్పుడు నేనున్న బిజీలో - రిలీజయిన రెండు వారాలకి గాని "యే జవానీ హై దివాని" (YJHD) సినిమా చూళ్లేకపోయాను! రణబీర్ కపూర్-దీపిక కెమిస్ట్రీ, అయన్ ముఖర్జీ స్క్రీన్‌ప్లే-డైరెక్షన్, కరణ్ జోహార్ టేస్టు.. ఈ మూడూ కలిసి ఈ సినిమాని టాప్ హిట్ చేశాయి.

ఈ సాయంత్రానికి, ఈ సినిమా సాధించిన రికార్డుల్లో కొన్ని చూద్దాం:

> ఓపెనింగ్ నాడే 19.5 కోట్లు వసూలు చేయటం.

> ఫస్ట్ వీక్ లోనే 100 కోట్ల కలెక్షన్లు క్రాస్ చేయటం.

> రెండో వారంలో 40 కోట్లు క్రాస్ చేసిన రెండో సినిమా కావటం (మొదటిది "3 ఇడియట్స్").

> విడుదలైన 3 వ శుక్రవారం రోజు కూడా 3.5 కోట్లు వసూలు చేయటం.

> ఈ సినిమా రిలీజయి 19 రోజులయింది. తర్వాత ఇంకో 4 భారీ సినిమాలు కూడా రిలీజయ్యాయి. అయినా, 940 స్క్రీన్స్‌లో ఇంకా హౌజ్‌ఫుల్స్ తో నడుస్తుండటం! .. ఇలా, ఇంకా చాలా ఉన్నాయి ..

కట్ టూ దీపికా పడుకొనే -

దీపిక నటించిన చిత్రాల్లో, 2007 లో వచ్చిన దీపిక తొలి చిత్రం "ఓం శాంతి ఓం" ఒక్కటే చూశాను. ఆ సినిమాలో తన నటనతో పోలిస్తే - YJHD లో దీపిక నటన అద్భుతం. నిజానికి అది దీపిక నటన కాదు. సింపుల్‌గా నయన కేరెక్టర్లో దీపిక జీవించింది.

ఒకప్పుడు తన హృదయాన్ని గెల్చుకొన్న రణబీర్‌తో కల్సి మళ్లీ నటించినందుకో ఏమో .. సినిమా అంతా దీపిక ముఖంలో ఒక నిండైన నవ్వు, ఒక ప్రత్యేకమైన వెలుగు, ఒక ఆరా .. అన్నీ కలిపి ఒక "నయన"గా మ్యాజిక్ చేసింది దీపిక.

కట్ టూ "ది రష్యన్ కనెక్షన్" -

సినిమా హిట్ ని బాగా ఎంజాయ్ చేస్తున్న రణబీర్ కపూర్ ప్రస్తుతం ఎక్సయిట్ అవుతున్న విశేషం ఇంకొకటుంది. 1950 ల్లో తన చిత్రాలతో అప్పటి సోవియట్ రష్యాని ఉర్రూతలూగించిన తాత రాజ్ కపూర్ తర్వాత ఇన్నాళ్లకి..
వచ్చే నెల్లో, ఆయన మనవడు రణబీర్ కపూర్ YJHD సినిమా రష్యాలో యమ గ్రాండ్‌గా రిలీజ్ కాబోతోంది!

రష్యన్ భాషతో, రష్యన్ సాహిత్యంతో, రష్యన్ ఫ్రెండ్స్‌తో అంతో ఇంతో కనెక్షన్ ఉన్న నాకూ ఇది ఆనందంగానే ఉంది. ఛీర్స్, రణబీర్!