ఇప్పుడు నేను చేస్తున్న "యురేకా సకమిక"తోపాటు - ఫాస్ట్ ట్రాక్ మేకింగ్‌లో, మరో మైక్రో బడ్జెట్ సినిమాకు కూడా నేనిప్పుడు పని చేస్తున్నాను. ఈ రెండో సినిమా టైటిల్ ఇంకా రిజిస్టర్ కావాల్సి ఉంది. ఈ రెంటిలో, తర్వాతదే ముందుగా పూర్తయ్యే అవకాశాలు పుష్కలంగా కనిపిస్తున్నాయి.
కట్ టూ హిట్ సినిమా -
ఫిలిం ఇండస్ట్రీలో ఒక సినిమా హిట్ కావడానికి చాలా విషయాలు కలిసిరావాలి. తోడ్పడాలి. "డబ్బు/నిర్మాత " ఒక్కటే ప్రధానం కాదు. వాటిని మించిన లైక్‌మైండెడ్ టీమ్ అనేది చాలా అవసరం. టీమ్‌లో అందరి గోల్ ఒక్కటిగానే ఉండాలి. కనీసం చేస్తున్న ప్రాజెక్టు విషయంలో నయినా.. ఆ కొద్ది సమయానికయినా.. అందరి లక్ష్యం ఒకే వైపుండాలి. ఒక్కటిగానే ఉండాలి. అయితే - ఇది అనుకున్నంత సులభం కాదు. దిగినవారికే తెలుస్తుంది లోతెంతో!
మంచి పవర్‌ఫుల్ సినిమా నెట్‌వర్క్ బేస్, అన్‌కండిషనల్ సపోర్టుతోపాటు, స్వయంగా తనలోనే ఫిలిం మేకింగ్ పట్ల ఒక డైహార్డ్ ప్యాషన్ ఉన్నప్పటికీ - నాలుగు కమర్షియల్ ఫ్లాప్‌ల తర్వాతే "మౌనరాగం"లాంటి హిట్ ఇవ్వగలిగాడు మణిరత్నం.
అన్నీ తనకు అనుకూలం చేసుకుని, తన ఇష్ట ప్రకారం సినిమా చేసి ఒక హిట్ ఇవ్వడానికి మణిరత్నంకు కనీసం నాలుగు సినిమాల సమయం పట్టిందంటే ఎవరూ నమ్మలేరు! కానీ నిజం.
కట్ టూ నేనూ నా సినిమాలూ -
నేనేదో ఇప్పుడున్న యూత్ సినిమాల ట్రెండ్‌ని కాస్త క్యాష్ చేసుకుంటూ, మైక్రో బడ్జెట్లో ఓ మూడు సినిమాలు చక చకా పూర్తి చేసేసి, నా ఈ పార్ట్ టైం ఫిలిం మేకింగ్ ప్రొఫెషన్‌కు ఇంక ఇక్కడితో "బై" చెప్పేద్దామనుకున్నాను.
కానీ, పరిస్థితి చూస్తే నేననుకున్నది అంత సులభంగా జరిగేట్టులేదు.
విసిగిస్తున్న ఈ ఆలస్యం, ఏకంగా ఓ ఫ్యాక్టరీనే పెట్టేలా నన్ను ఉసిగొల్పుతోంది. ఈ డిసెంబర్ లోపు కమిటయ్యే మూడు సినిమాలా.. లేదంటే, ఆ తర్వాత కూడా కొనసాగించే మైక్రో బడ్జెట్ సినిమాల ఫ్యాక్టరీనా?
ఓ నెలాగితే అదే తెలుస్తుంది. టెన్షన్ ఎందుకు?
cinemalo story undi, screenplay correct ga unte , adi "ala modailindi","ishq","gundajaare" laga hiy avutayee.
ReplyDelete