సోషల్ మీడియా కోసం తెలుగులో రాయడం/టైప్ చెయ్యడం అంత కష్టం కాదు. వీలైనంతవరకు సోషల్ మీడియాలో ఎక్కువగా తెలుగే రాయాలి. మనకు చేతనైనంతలో మన తెలుగును మనం బ్రతికించుకోవాలి.
తెలుగురానివాళ్ళు కూడా మన సోషల్ మీడియా మిత్రుల్లో, ఫాలోవర్స్‌లో ఉంటారు. వారి కోసం ఒక 30% వరకు కొన్ని పోస్టులకు ఇంగ్లిష్ తప్పదు. అయితే, ఒక్కోసారి ఏ పోస్ట్ ఎవరికోసం పెడుతున్నాం అన్న ఫిల్టర్ మర్చిపోయి అంతా ఇంగ్లిష్‌లోనే రాస్తూపోతాం.
సోషల్ మీడియాలో పోస్ట్ చేసేముందు, ఇప్పుడు నేను ఈ ఫిల్టర్ వేసుకోవడం కూడా అలవాటు చేసుకోవాలి.
నా తెలుగులో అక్కడక్కడా ఇంగ్లిష్ పదాలు కూడా కొన్ని వస్తుంటాయి. వీలైనంతవరకు అది కూడా తగ్గించుకొనే ప్రయత్నంలో ఉన్నాను. కాని, అసలు తెలుగులో రాయకుండా ఉండటం కంటే కొంతవరకు ఇది మంచిది కదా! (మామూలుగా అయితే "ఇది బెటర్ కదా" అని రాసేవాణ్ణి!)
కట్ చేస్తే -
మీరు గమనించారా... ఎక్స్ లో కమలహాసన్, అమితాబ్ బచ్చన్ లాంటివాళ్ళు వారి వారి మాతృభాషల్లోనే ఎక్కువగా పోస్ట్ చేస్తుంటారు.
అదీ మాతృభాష మీద ప్రేమంటే.
- మనోహర్ చిమ్మని
- మనోహర్ చిమ్మని
No comments:
Post a Comment
Thanks for your time!
- Manohar Chimmani