ఒక అడిక్షన్‌కు గుడ్‌బై!

ఫేస్‌బుక్ మీద నాకు నిజంగా విరక్తి వచ్చేసింది. ఇది ఉన్నట్టుండి వచ్చేసింది కాదు. సుమారు రెండు మూడు నెలలనుంచీ అనుకుంటున్నాను. కానీ, రావాల్సిన టైమ్ ఇప్పుడొచ్చింది!

మొన్న సాయంత్రం 6 గంటలకు నా ఎఫ్ బి మిత్రులు, శ్రేయోభిలాషులందరికీ దీని గురించి ముందే చెప్పాను, నా టైమ్‌లైన్ ద్వారా.

చెప్పినట్టుగా అదే రోజు సాయంత్రం 6 గంటలకు నా ఎఫ్ బి ప్రొఫైల్‌ను, పేజ్ ని డియాక్టివేట్ చేశాను.

72 గంటలు గడిచింది. కొంపలేం మునగలేదు. సునామీ రాలేదు. వందలాది సిల్లీ సెల్ఫీలు, సొంతడబ్బాలు చూసే/రాసే/చదివే తలనొప్పి మాత్రం ఒక్క దెబ్బతో మాయమైపోయింది.

ఈ కారణాన్ని మించిన మరో కారణం కూడా ఉంది .. నా ఎఫ్ బి డీయాక్టివేషన్ వెనుక.

హిపోక్రసీ నావల్లకాదు.

లౌక్యం గురించిన ఎబిసిడిలు ఇప్పుడు నేను నేర్చుకోలేను.

నేను సంఘర్షణలో ఉన్నాను అంటే, సంఘర్షణలో ఉన్నాననే చెప్తాను. నా మనసులో నీ గురించి ఇలా అనుకుంటున్నాను అంటే, అలా అనుకున్నదే చెప్తాను కానీ, షుగర్ కోటింగిచ్చి మరొకటి చెప్పలేను.

నేను సూటిగా కమ్యూనికేట్ చేయలేని ఫ్రెండ్స్ కూడా (నా ఫ్రెండ్స్ లిస్ట్‌లో) ఉన్న ఫేస్‌బుక్‌లో నేనుండటం నాకు చాలా అసహజంగా అనిపించింది. ఫేస్‌బుక్ ను ఎప్పటినుంచో వదిలెయ్యాలి అనుకుంటున్న నా ఆలోచనకు ఇది కేటలిస్ట్‌గా పనిచేసింది.

ఇలా అనుకోవడం, డీయాక్టివేట్ చేయడం వెంటనే అయిపోయాయి.

సో, ఆల్ హాపీస్ ..