అతను నిజంగా చాలా మంచి యాక్టర్. చాలా బాగా చేశాడు.
నేననుకున్న కథ ప్రకారం సినిమా చివర్లో కూడా హీరోకంటే ఎక్కువ వెయిటేజ్ ఆ కేరెక్టర్‌కు ఇచ్చాను.
ఇలా చేయడం వల్ల నేను ఆ విలన్ దగ్గర బాగా డబ్బులు తీసుకున్నానని అప్పట్లో ఆ చిత్రంలోని హీరో అనుకోవడం, అనడం కూడా జరిగింది.
హీరో నేనూ గుడ్ ఫ్రెండ్స్. అది వేరే విషయం.
కట్ చేస్తే -
ఇప్పుడా విలన్ మంచి పొజిషన్‌లో ఉన్నాడు. నేను ఇండస్ట్రీకి పరిచయం చేసిన నటుడు కాబట్టి నాకు నిజంగానే సంతోషంగా ఉంటుంది. ఆ నటునిపట్ల, అతని నటనపట్ల నా అలోచన మారదు. గౌరవం మారదు.
ఇంతకు మించి నేను ఆలోచించను. వేరే ఆశించను.
మొన్నొక మిత్రుడు చెప్పాడు. ఆ నటుని ఇంటర్వ్యూ ఒక దినపత్రిక ఆదివారం ఎడిషన్లో వచ్చింది. ఎవరెవరి గురించో చెప్పాడు కానీ .. తొలి అవకాశం ఇచ్చి, ఇండస్ట్రీకి పరిచయం చేసి, అంత పూర్తిస్థాయి విలన్ రోల్ ఇచ్చిన నీ పేరు చెప్పలేదు ఆ నటుడు అని.
నేను నవ్వాను.
ఇదంతా ఉట్టి ట్రాష్. అసలు పట్టించుకోకూడదు.
ఇక్కడ ఎవరు లైమ్‌లైట్‌లో ఉంటే వాళ్లే తోపులు.
అసలు సినిమా అంటేనే ఇది.
కృతజ్ఞతను ఆశించకూడదు. అది మీకు తెలుసు. కాబట్టి పరితాపం చెందకుండా నవ్వి వదలివేయటం చేసారు. అభినందనలు.
ReplyDeleteకృతజ్ఞత కలిగి ఉండటమూ దానిని సందర్భానుసారంగా వ్యక్తపరచటమూ సజ్జనలక్షణాలు. కృతజ్ఞులై ఉండటం అనే మంచితనం లేని మనుషులు బయటపడినప్పుడు అటువంటి వారిని దూరంగా ఉంచటం వివేకవంతుల లక్షణం. అపాత్రదానం చిన్నదైనా పెద్దదైనా సరే, ఆ దానం చేసినవారికీ సమాజానికీ కూడా హానిచేసే అవకాశాలు మెండు కదా. అటువంటి వారిపట్ల జాగరూకులై ఉండటం మించి మనం చేయగలిగింది ఏమీ ఉండదు.