కొన్ని మనమే నమ్మలేం!

ఎంత వద్దనుకున్నా కొన్ని నిర్ణయాలు, అనుభవాలు మన జీవితంలో మళ్ళీ మళ్ళీ రిపీటవుతుంటాయి. మనచేతుల్లో ఏదీ ఉండని పరిస్థితిని క్రియేట్ చేస్తూ.

ఇలాంటివాటిని నేను అస్సలు నమ్మను. ఇప్పటికి కూడా.

మనలోనో, మన ప్రయత్నంలోనో, మన నిర్ణయంలోనో ఉంటుంది తప్పు. మన పనివిధానంలోనో, మన చుట్టూ మనం క్రియేట్ చేసుకొన్న వాతావరణంలోనో ఉంటుంది తప్పు.

ఈ తప్పుని గుర్తించడం అంత ఈజీ కాదు.

గుర్తించినా, చాల్లాసార్లు మన ఈగో ఒప్పుకోదు. మనకిలాంటి ఈగో ఉందన్న నిజాన్ని మన మనసొప్పుకోదు.

అయితే, ఈ లాజిక్కులెలా ఉన్నా, ఈ నిజాల్ని ఒప్పుకొనే సమయం కూడా మనకొస్తుంది. కానీ అప్పటికే మన జీవితంలో చాలా విలువైన సమయాన్ని మనం కోల్పోయుంటాము.

ఇష్టం లేకపోయినా సరే, అప్పుడు చెప్తాము. ఒక్కటే మాట.

సరెండర్.

దేవుడు గుర్తుకొస్తాడు.

ఇలా మనల్ని సరెండర్ చేయించగలిగే శక్తి ఈ ప్రపంచంలో ఒకటిరెండు విషయాలకే ఉంది. వాటిలో ప్రధానమైనది ..

డబ్బు.

జీవితంలో ఏం జరిగినా జాంతానై. డబ్బు డబ్బే! ఈ ఒక్కవిషయంలో ఎలాంటి ఫీలింగ్స్‌కు తావులేదు. బంధువులైనా, మిత్రులైనా, శత్రువులైనా, శ్రేయోభిలాషులైనా.

అనుభవిస్తేనేకానీ తెలీని నిజం మన జీవితంలో ఇదొక్కటే.

డబ్బుదగ్గర ఏ లాజిక్కులూ, ఏ నమ్మకాలూ, ఏ రిలేషన్లు పనిచేయవు. నిలవవు.

అస్సలు నమ్మలేం.

దటీజ్ ద పవరాఫ్ డబ్బు!